Éxodo 30:6 - La'aqtaqa Ñim Lo'onatac 'Enauacna 2013

⁶ Qaq da ime, nache aca'aca nca'atoxonaxalate 'aỹa'anaña ca pa'auec ca napoxonaxat maye naloteuga ca netaña aca laỹe caua nqataxaco, maye huaña da 'am ñauane'.

Éxodo 30:6 Iomraidhean Croise

1 Crónicas 23:13

Qaq soua llalqa so Amirán, le'enaxa't: Aarón qataq so Moisés. Qaq so Aarón, nacheso so lca'aguishec Ñim Lo'onatac 'Enauacna, da yaqto' ỹaneuo ana nachetaqtaxanaqte maye sa qaishetapec, qataq da ỹavigaxat na nchenaxanaxat da ỹanot Ñim Nataxala', qataq da huapegue' qataq da talec naqa'en da nchoxonnataxanaxa so nhuo' le'ecpi, qaq de'era no'onataxanaxac, nachera da qaipa'axaneguet da nache 'eetai' da ỹo'ottac so Aarón qataq soua llalqa.

1 Crónicas 28:11

Huaña nache so David, ỹanem so llalec Salomón aso huetalec da lataxac da no'onataguec aso atamnaxaqui, nỹecpi, naỹamaqtaxanaqa'pi, qataq so pa'asheguem nanataxaquipi, qataq som pa'aỹauo no'ochaqa'pi, qataq som ndaqa' sa qaishetapec.

Éxodo 30:36

Qataq 'aulaxachigui ca laỹe camaye, ỹataqta huesotchigui 'anqa'en, nache 'auachichiguiña ca saqaỹapeque aca laỹe' caua nqataxaco, maye netaigui ca npe'l maye huaña qome da 'am ñauane'. Qaq que'eca nchenaxanaxat camaye ỹataqta sa qaỹa'ashaxaatac,

Éxodo 30:5

Qaq que'ecaua 'epaxaye maye chegaqaigui na acacia, da 'auo'o't nache 'alapaxaleguete ca lcat oro.

Éxodo 30:7

Qaq 'enauaque naua na'axa'te, nache ye nte'eta, ñi Aarón huapegue' da ỹaỹamaxaañi aca ncoỹaraxanaxaquipi, nache nataqa'en ỹavigaxat ca nchenaxanaxat maye ama da laitaỹaxac, ỹachalec aca nca'atoxonaxalate.

Éxodo 40:26

So Moisés nataqa'en ipa'axaneuo aso nca'atoxonaxalate maye lcat oro, ipa'axanoigui so npe'l naloteua'a naqa'en so napoxonaxat.

Éxodo 40:3

Nache 'aỹa'anaigui qome añi Arca maye laỹe' naua ñaỹamaxataxaco, qataq 'aua'ara't ca lapoxonaxat.

Éxodo 40:5

Nataqa'en 'aupa'axaneuo aca lca'atoxolate ca nchenaxanaxat, nache 'aỹa'anaña ca datatta añi laỹe' na iqataxacpi. Ime, qaq 'auaviguisheguem ca lapoxonaxat ca ñegueuo ca npe'l.

Levítico 16:13

nache ỹachangui aca laỹe na nchenaxanaxat huaña ye pa'auo, nache ca lmala'q camaye sa yo'oq naqa'en ñi lapoxot añi laỹe' naua aỹamaxataxaco. Qaq da 'eetec de'era ñi Aarón, nache saishet da ileu qome.

Números 17:4

Nache acamayepi 'anaña ye sa qaỹapeque añi arca maye laỹe' da ñaỹamaxataxac, maye netaigui ñi npe'l maye huaña naxa da qami' ñauaneto.

Mateo 27:51

Huaña, nache nataqa'en so lapoxot hualoxolaỹi maye pa'auo aso no'onaxanaxaqui late'erai, som nacchiguingui na laiñi, somaye colaqchiguingui na laiñi ỹataqta ivirañi so lcolaxa, qaq ana 'alhua qalaq cholaxan qataq na coma'pi qalaq depoqogui,

Hebreos 4:16

Qaq ỹoqo'oye da huo'o ca qarhuenaxanaxa, nache no'on da maiche sauoqo'o da qanaquitaxac da ñequigaxaua'a ca hueta'a Ñim Lo'onatac 'Enauacna. Qaq Ñimaye qomi' itaua'n, cha'aye ỹataqta soxoraic, qataq qomi' lauotaqa'ate.