Éxodo 3:9 - La'aqtaqa Ñim Lo'onatac 'Enauacna 2013

⁹ Qaq Aỹem sa'aqtega da lachetataic ye Israel le'ecpi, nataqa'en sauaachigui da ye Egipto le'ecpi ỹataqta qaica ca lyacnataxanaxac yemayepi.

Éxodo 3:9 Iomraidhean Croise

Génesis 16:11

'Am, mashe 'am hualaxai, qaq huo'o qome ca 'aỹa'alec, qaq camaye 'aỹa'anagui qome da le'enaxat Ismael, cha'aye Ñim Nataxala' hua'axaỹa da 'anque'eenaxac.

Génesis 31:12

Qaq huaña, nache so namaxashec piguem le'ec, aỹem 'enapega 'eeta': ‹Ña 'anamatasheguem, yaqto' 'aula'a da 'enauac na quetaq lhuaraicpi, maye do'ocatega ana quetaqpi, namayepi nda'a't na chiỹaxataxaic, qataq na huo'oi naua lache', qataq na huo'oi naua lte, cha'aye aỹem sela'a 'enauac na 'am ỹo'otec ñi Labán.

2 Reyes 13:4

Huaña, nache so Joacaz natamnot Ñim Nataxala', nache Ñimaye hua'axaỹa co'ollaxa da natamnaxac somaye, cha'aye ỹataqta imeteetac da lachoxoyec so Israel le'ecpi, souaxat so nta'a ye Siria da ỹataqta saiyacnapec somayepi.

2 Reyes 20:5

«Ñaq 'avi'eguelaxauo, nache qonapega ñi Ezequías maye lataxala' ne'ena ỹalamaxat nhuo' le'ecpi, nache qoneta': Ñim Nataxala' maye Natamnaxala' som hua'au 'arta'a David, 'eeta': ‹Aỹem sa'aqchigui so 'anatamnaxac qataq sauaachiguilo naua 'arache'. Qaq nagui 'am ñataren, ỹoqo'oye qom inoxoorec caua tres na'axa'te, nache ishet qome da 'anqo'oneua'a añi atamnaxaqui maye lalamaqte Ñim Nataxala'.

Nehemías 9:9

Qaq 'am 'auauaachigui co'ollaxa da nque'eenaxac, so hua'au qarta'alpi co'ollaq netaña ye Egipto, qataq 'aua'axaỹa da nachoxonnaxac somayepi co'ollaq huaña so loigue aso Auaxai Togaxarai.

Salmos 12:5

Qaq 'era da la'aqtac Ñim Nataxala', 'eeta': «Nagui maye ñachaañi da ñeca'alaxatec nam qaica ca nyacnataguec, qataq na choxoraqpi maye ỹataqta qanhuottalec nache sanem namayepi, da ntaunaguec maye ỹataqta iuattaique.»

Salmos 9:14

Yaqto' da huaña ñi lasom ye Jerusalén, nache sa'axattac qome da 'año'oxonnataguec, cha'aye samachiguiñi souaxat da aỹem 'anca'alaxatec.

Éxodo 1:11

Huaña, nache so Egipto le'ecpi ỹauo'o so nalleppi da ilo'ogue naqa'en so Israel llalaqpi, da yaqto' sa ỹala'ac da ỹo'onataxanaxan. Ime, nache qaỹo'onataxanaxanec da no'oxoosheguem qanqa'en so huaqta'a't nỹecpi ye Pitón qataq ye Ramesés, maye laỹamaqtaxanaqa' so faraón da ỹaỹamaxat na nallec.

Éxodo 1:22

Qaq so faraón, nache 'enapego' 'enauac so lauo' le'ecpi, 'eeta': «'Enauac na ñiguiñi nogotolec maye llalec na hebreo le'ecpi qauasaqaiñigui qome ye tala, qaq ana nogotole, nache qauauaqaita'a qome da nache nca'altauec.»

Éxodo 1:8

Qaq co'ollaq mashe qaỹoqteguelo soua vi'iye, nache huo'o so dalaxaic nta'a da yaqto' ilo'ogue ye Egipto. Qaq somaye saishet da ỹauatton so José, qataq nache 'enapego' so lauo' le'ecpi, 'eeta':

Éxodo 2:23

Qaq co'ollaq mashe qaỹoqteguelo soua vi'iye, nache ileu so nta'a maye ilotague' ye Egipto, qalaxaye so Israel le'ecpi ñaq queta da lachetataic qataq nhuogoqtapeguem da nlataguec. Qaq Ñim Lo'onatac 'Enauacna hua'axaỹa co'ollaxa da la'alaxac somayepi.

Éxodo 2:25

Nache Ñim Lo'onatac 'Enauacna ỹamata'a so Israel llalaqpi nache ỹoqocha'a souaxat de'era huaigui somayepi.

Éxodo 3:7

Qalaxaye Ñim Nataxala', nache queta da 'eetega, 'eeta': «Aỹem ỹataqta semeteetac da nque'eenaxac ye nhuo' le'ecpi maye ỹalamaxatpi maye netaña ye Egipto, qataq sa'aqtega da lta'araic laquicoxo souaxat yem alleppi maye qaipataxalec da ilotague' yemayepi. Qataq ỹataqta sauattota de'era nque'eenaxac.

Eclesiastés 4:1

Qaq ime, nache qaltaq semeteetac da saqaiyacnapec na shiỹaxauapi maye huetalec ana 'alhua, nache selota'a nam saqaiyaqnapecpi da nỹeetac qalaq qaica ca ishet da ỹa'añaqchet namayepi, nam saiyacnapec namayepi qalaq ỹataqta sairen, qalaxaye qaica ca chochaq ỹa'añaqchet namayepi.

Eclesiastés 5:8

Saishet qome da 'aue'elaxam da huo'o ca 'alhua da huaña da sa qaiyacnapec ca choxoraq, qataq da sa qairen da nalochiguiñi lataxac, qataq da sa qaipaguelec cam lapaqtañi lataxac, cha'aye cam nataxala' qalaq huo'o ca lỹa ỹaquitcheguem nataxala' da npaxattalec camaye, qaq caamaye, qaltaq huo'o cam laỹepi nataxala'pi maye ỹactec da la'amaqchec da npaxattaleguete.

Amós 4:1

Ña qana'axaỹaxañiỹa de'era na'aqtac, qami' maye qoñeeta'am ana huacapi ye Basán, qami' 'alpi maye Samaria lashepi, maye huetaiya' naxa qanqa'eñi na choxoraqpi, qataq qaica ca nyacnataguec qanqa'eñi nam huo'o da lhuenaxanaxa, qataq qauamaqaitac naxa nam qarhuaipi, qoñiita': «Ña qandoiuo cam qaraquip lataxa».

Deuteronómio 26:7

Huaña, nache seỹaxanaqot Ñim Nataxala' maye Natamnaxala' so hua'au qarta'alpi da yaqto' qomi' itaua'n. Nache Ñimaye hua'axaỹa so qanachoxonnaxac, qataq ỹauaachigui da qarachoxoyec souaxat dam qapa'atta qaro'onataxanaxac, qataq da qanamaxasaguec maye qomi' qaique'eteneque.

1 Samuel 9:16

«'Anaỹamaxattai' qome cha'aye qonte', qom mashe 'eeta'am nagui ye ñichiguiña añi nala', nache 'am ñamaxaua'a ca nsoqolec maye chegaqa'a yem na'alhua so Benjamín, qaq camaye nacheca qome ca 'aucorelec da yaqto' lta'a na ỹalamaxat nhuo' Israel le'ecpi. Qaq camaye nacheca qome ca isoueeguesop namayepi da lamaxasoxonaxac na filisteopi, cha'aye aỹem ỹataqta huo'o da ichoxonnataxanaxa souaxat da aỹem iviro'ot da lashelaxanaxac namayepi.»