Éxodo 3:8 - La'aqtaqa Ñim Lo'onatac 'Enauacna 2013

⁸ Ỹoqo'oye Aỹem ñanac da ñeca'alaxateeguesop da lamaxasoxonaxac ye Egipto le'ecpi. Ñeqateeguesop yi'iye 'alhua. Ime, qaq sauega ye 'alhua maye ỹataqta 'onaxaic, qataq sa qoue na nallec. Yemaye nacheye ye na'alhua na cananeopi, hitiitapi, amorreopi, ferezeopi, heveopi qataq na jebuseopi.

Éxodo 3:8 Iomraidhean Croise

Génesis 11:5

Qalaxaye Ñim Nataxala', huenotec co'ollaxa da yaqto' imeten so huaqta'a't nỹecpi, qataq aso naue maye no'oxootapiguisheguem so shiỹaxauapi,

Génesis 11:7

Qaq no'on da senotaxauec, nache ỹotta'a't ñaqa'enaq na la'aqtacpi, yaqto' ñi 'oonolec saishet hua'axaiguet ca lỹa.»

Génesis 15:13

Qaq huaña nache Ñim Nataxala' 'enapega somaye, 'eeta': «'Am 'auaỹateeta da ca 'aỹa'alaqpi hueta'a qome ca ỹaqa'a 'alhua, qaq huaña qome nache choche nlatacpi, qataq ivittrec qome caua cuatrocientos vi'iye da sa qaỹaỹamaxatapec camayepi.

Génesis 15:14

Qalaxaye nataqa'en sauo'o qome ca nhuaxanaguec cam shiỹaxauapi maye ỹauo'o l-latac camayepi. Qaq ime qome nache que'eca 'aỹa'alaqpi huesouec, nache ỹachetec qome ca lta'araic lsallaxa.

Génesis 18:21

Qaq nagui ñeqo'ona yemaye, da semeten da ỹoqta 'eesa da ỹataqta lta'araic da lasouaxashet, maye aỹem qaỹa'aqtaxaateguem. Yaqto' saỹaten.»

Génesis 43:11

Qaq huaña nache so Israel, 'enapeco': «Hua', cha'aye mashe qaica ca lỹa lataxac damaye, qaq no'on da qauo'oche dam shenapec: qauache qome, qauachiỹaguilo caua qarachoxonaxaquilli' ca nme que'eca ỹale. Qauroỹa qome camaye ca ỹataqta no'on ala na souaqta'a 'alhua: qauroỹa ca saq 'amaqtaq qo'oipaq lcha'q le'enaxat bálsamo, qataq ca mirra, qataq ca saq 'amaqtaq dapic lli'i, qataq ca coraxat ama na laita, qataq aca qo'oipaq ala le'enaxat nueces, qataq ca almendras.

Génesis 46:4

Qataq 'am ñenaictague' qom 'anqo'ona ye Egipto, qataq nachaỹem qome ñeqateeguesop yemaye cam 'am chegoxoguetpi. Qataq da lỹa 'eeta': qom 'aleu, nache ñi José huetaua'a qome na 'araỹe.»

Génesis 50:24

Qaq huo'o so na'a'q, nache so José 'enapegalo soua lqaỹa't, 'eeta': «Mashe sa qaỹapeque ye laloqo' da seleu, qalaxaye Ñim Lo'onatac 'Enauacna anac qome da qami' itaua'n nache qami' nqateeguesopa ne'ena 'alhua, da yaqto' qami' ỹauegalo ye 'alhua maye ỹachaxanapeguem co'ollaxa so Abraham, Isaac qataq so Jacob.»

1 Crónicas 1:15

heveopi, araceopi, sineopi,

Nehemías 9:8

Cha'aye 'auaỹateeta da ỹataqta 'am pi'iỹa'a, nache 'auo'ot so 'anaỹamaxataxac da 'anaỹamaxate' somaye, nache 'auachaxanapeguem ca chegoxoguetpi somaye da 'aỹa'anem ye na'alhua ye cananeopi, hitiitapi, amorreopi, fereseopi, jebuseopi, gergeseopi. Nache ỹataqta 'aupacchigui da 'ara'aqtac, cha'aye 'am nache 'eetai' da 'aupacchigui naxa na 'ara'aqtacpi.

Salmos 12:5

Qaq 'era da la'aqtac Ñim Nataxala', 'eeta': «Nagui maye ñachaañi da ñeca'alaxatec nam qaica ca nyacnataguec, qataq na choxoraqpi maye ỹataqta qanhuottalec nache sanem namayepi, da ntaunaguec maye ỹataqta iuattaique.»

Salmos 12:6

Naua la'aqtaqa Ñim Nataxala' ỹataqta qui'itte', 'eeta'ama na ỹataqta no'on nda'a't lcat plata, maye siete da qaỹe'eguelaxaalec da qanqatel da yaqto' qui'itta.

Salmos 34:8

Ñaq qavi'iguiñi Ñim Nataxala', yaqto' qauaỹachiñi da Ñimaye ỹataqta soxoraic. Qaq ỹataqta machiguiñi qome ca shiỹaxaua maye pi'iỹa'a Ñimaye.

Salmos 91:15

Qataq qom aỹem iỹaxana, nache sasateguet, qataq soota'aguet qom huo'o da nque'eenaxac, qataq ñeca'alaxatec qome qataq sanem da ño'oxonnataguec.

Éxodo 12:41

qaq co'ollaq mashe inoxoorec se'esoua cuatrocientos treinta vi'iye, nache 'enauac se'eso nalleppi Ñim Nataxala' ca'ai yi'iye 'alhua.

Éxodo 12:51

Qaq nache huetoigui se'eso na'a'q da Ñim Nataxala' nqateeguesop ye Egipto so alleppi Israel le'ecpi.

Éxodo 13:5

Qaq nachena ne'ena ca'agoxoic huetoigui da qami' qauo'oche ca qayo'oxonnataxanaxaqui, qom mashe ime da qami' inoxonaqcheteua'alo ye 'alhua Ñim Nataxala', yem 'alhua maye huaña da qaica ca qoue na nallec, yem na'alhua na Canaán le'ecpi, hitiitapi, amorreopi, heveopi qataq na jebuseopi. Nacheye yem ỹachaxanapeguem co'ollaxa soua hua'au' qarta'alli' da ỹauotaique da qarmaye.

Éxodo 3:17

Nataqa'en aỹem da'aqtaxanem da ỹauotaique da qami' nca'alaxateeguesopa da qanque'eenaxaqui ne'ena qoviita'a Egipto, qataq qami' ỹauegalo yem na'alhua ye cananeopi, hitiitapi, amorreopi, ferezeopi, heveopi qataq ye jebuseopi. Yem 'alhua maye sa qoue na qanallec.»

Éxodo 34:11

Qaq da ỹataqta qaupaquiitelec da qami' sanema ỹa'aqtac, nache Aỹem samaqauec qome ye amorreopi, cananeopi, hitiitapi, ferezeopi, heveopi qataq ye jebuseopi.

Éxodo 5:23

Qataq nache chegoqta'a se'eso na'a'q da sa'axatem da 'are'enaxat ñi faraón, nache ñimaye ỹataqta nquigaxatec da sa iyacnapec ne'ena nhuo' le'ecpi maye 'aralamaxat, qalaq ¡ta'ainco' ye saishet da 'anca'alaxatec!»

Isaías 36:17

Qaq da ime nache qami' ỹauegalo ca lỹa 'alhua maye 'eeta'am nam qana'alhuai, cam 'alhua maye huo'o na trigo qataq ana uva, da yaqto' qauo'oche aca nauole 'ayiiña qataq ca lataxa.

Isaías 64:1

Qaq no'on taxa, da 'aucolaxata'ague na piguem nache 'aunotec, nache ana qasoxonaxapi cholaxan souaxat da 'arviraxac,

Jeremías 11:5

Qaq qami' da aỹem qaualaqaiguet, nache aỹem sepacchigui qome som ỹa'aqtac maye sanem co'ollaxa som hua'au qarta'ailpi da sanem ca 'alhua, nam 'alhua maye qoñiitalec nagui nam huaña da na huaca lche' qataq na dapic lli'i 'eeta'am ca 'etaxat da ỹa'auat.» Nache aỹem sasat, sheeta': «Aja' 'am Nataxala'.»

Jeremías 2:7

Aỹem ñauega co'ollaxa somayepi ne'ena no'on 'alhua, da yaqto' chectac na ala qataq nam ỹataqta no'on maye chegaqaigui namaye. Qalaxaye qami' qauanaqui nache saqauyacñiỹapec ne'ena ña'alhua, qataq qauo'oche da seqaiga ne'ena 'alhua maye ỹalamaxat.

Jeremías 32:22

Nache 'aỹa'anem na Israel le'ecpi ne'ena 'alhua, maye na huaca lche' qataq na dapic lli'i, ipa'axanec 'eeta'am ca 'etaxat, ipacchigui dam 'auachaxanapeguem co'ollaxa som hua'au lta'alpi namayepi.

Ezequiel 20:6

Qaq se'eso na'a'q nache huetoigui co'ollaxa da ñañan da ñeqateeguesop somayepi ye Egipto, nache sauega yem 'alhua maye imitaqteguishec, yem 'alhua maye huaña da saqoue na huaca lche' qataq na dapic lli'i 'eeta'am na 'etaxat, ¡yem 'alhua maye napacalec da lyac na laỹepi 'alhuapi!

Levítico 20:24

Qaq ỹoqo'oye qami' sanema da ỹa'aqtac, 'eeta': ‹Yi'iye 'alhua maye lalamaxat yemayepi, qami' sanema qome da yaqto' qaralamaxache, ye 'alhua maye huaña da qaica ca qoue na qanallec›. Qaq 'era da ỹa'aqtac, Aỹem Nataxala' maye Qanatamnaxala'ai maye qami' seỹotaugalo da yaqto' qami' ỹataxaraiqa da qoviitangui na ỹotta'a't shiỹaxauapi.

Amós 2:10

Qataq aỹem, qami' ñeqateeguesopa co'ollaxa ye Egipto, nache cuarenta vi'iye da qami' sauecta'agueta co'ollaq qoquiitalec ye toolec 'alhua, da yaqto' qami' sanema ye na'alhua na amorreopi.

Números 13:18

Qaumichiñiita qome yi'iye 'alhua, qataq ye shiỹaxauapi maye netalec yemaye, da 'añaxaicpi, huo'otaq qaica ca la'añaxac, qataq da sa lamai', huo'otaq qalota.

Números 13:19

Qataq ca 'eetec yi'iye 'alhua, da no'on huo'otaq qauem, huo'otaq da netaigui na no'on nỹecpi maye huo'o na lpaqtaxat, huo'otaq da netaigui na npe'l maye ỹasattalec.

Números 13:27

Nataqa'en da'aqtaxaarem so Moisés, 'eeta': Qomi' seviraqa'a ye 'alhua maye qomi' 'auamaxalo, qaq yemaye ỹataqta 'eesa da sa qoue na huaca lche', qataq na te'esaq lli'i, qaq 'ana ana ala na nañiguishec maye huaña yemaye.

Juan 3:13

Cha'aye saishet da huo'o ca taigue da piguem, nachaqcata cam chegaqa'ague da piguem, maye nachena nam Shiỹaxaua Llalec.

Juan 6:38

Cha'aye Aỹem saishet da sachegoqtot na piguem da ñanac da so'ot ca maiche sheetapeguec, chaqrata da ñanac da so'ot ca 'eetapeguec Ñim Lo'onatac 'Enauacna, cha'aye nacheñi Ñim Aỹem namaq.

Deuteronómio 1:25

Ime, nache nqat ana ala ana nañiguishe yi'iye 'alhua da yaqto' lachaxanata da qomi' da'aqtaxanema da: ‹Ỹataqta 'onaxaic yi'iye 'alhua maye qomi' ỹanema Ñim Nataxala'.›

Deuteronómio 1:7

Qaq ỹoqo'oye qoqui qome, qanqo'oñiỹa aye qasoxonaxapi maye lalamaqte na amorreopi, qataq na lauoreua 'alhuapi ye Arabá, qasoxonaxapi, qataq ye nalochiguiñi 'alhua ye Néguev, qataq naua loiguiye aso auaxai, qataq ye na'alhua na cananeopi qataq ye Líbano, nache ivitta'a ye lta'araic tala Éufrates.

Deuteronómio 27:3

da yaqto' qoỹerelec acamaye 'enauac ne'ena na'aqtacpi maye iqataxacpi maye qami' sanema. Qaq namayepi nache qauo'oche qom mashe ime da qaua'axasoxoñiilec ye tala Jordán, da mashe qaunoxoñiiua'a ye 'alhua maye qami' ỹanema Ñim Nataxala' maye Qanatamnaxala'ai da yaqto' qaralamaxache, yem 'alhua maye huaña da sa qoue na huaca lche' qataq na te'esaq lli'i, qaq ipacchigui qome da la'aqtac Ñim Nataxala' maye Qanatamnaxala'ai co'ollaq ỹachaxanapecot so hua'au qarta'ailpi.

Deuteronómio 28:11

Qataq Ñim Nataxala' 'am ỹanem qome da lchoxonnataxanaxa, nache ỹataqta qalota naqa'en ca 'aỹa'alaqpi, qataq ca llalec ca 'arelo shiguiỹacpi, qataq sa qoue naqa'en da alaỹaxac ca 'añiguishecpi maye ñaxaalec yi'iye 'alhua maye Ñim Nataxala' ỹachaxanapeguem co'ollaxa so hua'au 'arta'alpi.

Deuteronómio 6:3

Qaq ỹoqo'oye qami' Israel le'ecpi ỹataqta qauo'oche qome de'era, yaqto' 'onaxaic da qanachaalataxaqui qataq ivitta'a da ỹataqta qami' qalota qom qoñiitalec yi'iye 'alhua maye huaña da sa qoue na huaca lche' qataq na te'esaq lli'i, nache ipacchigui da ỹan la'aqtac co'ollaxa Ñim Nataxala' maye Natamnaxala' so hua'au qarta'ailpi.

Deuteronómio 7:1

Qaq Ñim Nataxala' maye Qanatamnaxala'ai, qom qami' inoxonaqcheteua'alo ye 'alhua maye qami' ỹanema da qaralamaxache, nache qauauañiichigui qome da ỹo'orauec ye ỹotta'a't shiỹaxauapi maye ỹataqta 'amaqtaqaicpi, qataq 'añaxaicpi maye netañalo yeua siete 'aleu', qaq yemayepi nacheye ye: hitiitapi, gergeseopi, amorreopi, cananeopi, ferezeopi, heveopi qataq ye jebuseopi.

Josué 5:6

Qaq cha'aye so Israel le'ecpi coleetapeguelec co'ollaxa ye toolec 'alhua soua cuarenta vi'iye, nache ivitta'a da ileu 'enauac so alleppi maye nalaataxaicpi maye chegoqtaua'a co'ollaxa ye Egipto, souaxat da sa ỹalaxaguet Ñim Nataxala'. Ỹoqo'oye Ñim Nataxala' ỹan co'ollaxa so la'aqtac da yaqto' somayepi saishet da ivira'a da imeten yi'iye 'alhua maye ỹachaxanapeguem co'ollaxa so hua'au lta'alpi, yem 'alhua maye huaña da sa qoue na nallec.

Josué 9:1

Qaq so lta'alpi so hitiitapi, qataq so amorreopi, Canaán le'ecpi, ferezeopi, heveopi, Jebuseopi ỹaỹaten co'ollaxa de'era qanayeuaigui. Qaq se'eso nta'alpi netaña co'ollaxa so loigue maye pa'aỹa'ague da avit so tala Jordán, qataq aye qasoxonaxapi, qataq ye nalochiguiñi 'alhua qataq 'enauac so loigue aso Auaxai Mediterráneo, nache ivitta'a so 'alhuapi ye Líbano.

Josué 9:7

Nache so Israel le'ecpi ỹasategueto' se'esoua heveo lashe', 'eeta': «Yo'oqta da sa qaỹapeque ca qarmaye ne'ena souaqta'a. ¿Qaq taloxochiyectoxo' da qami' ñaỹamaxataxato?»