Éxodo 3:7 - La'aqtaqa Ñim Lo'onatac 'Enauacna 2013

⁷ Qalaxaye Ñim Nataxala', nache queta da 'eetega, 'eeta': «Aỹem ỹataqta semeteetac da nque'eenaxac ye nhuo' le'ecpi maye ỹalamaxatpi maye netaña ye Egipto, qataq sa'aqtega da lta'araic laquicoxo souaxat yem alleppi maye qaipataxalec da ilotague' yemayepi. Qataq ỹataqta sauattota de'era nque'eenaxac.

Éxodo 3:7 Iomraidhean Croise

Génesis 16:11

'Am, mashe 'am hualaxai, qaq huo'o qome ca 'aỹa'alec, qaq camaye 'aỹa'anagui qome da le'enaxat Ismael, cha'aye Ñim Nataxala' hua'axaỹa da 'anque'eenaxac.

Génesis 18:21

Qaq nagui ñeqo'ona yemaye, da semeten da ỹoqta 'eesa da ỹataqta lta'araic da lasouaxashet, maye aỹem qaỹa'aqtaxaateguem. Yaqto' saỹaten.»

Génesis 21:17

Qalaxaye Ñim Lo'onatac 'Enauacna, hua'aqtega co'ollaxa da nnoinaxac so nogotolec, nache so lamaxashec Ñim Lo'onatac 'Enauacna, chemqot na piguem da 'enapega aso Agar, 'eeta': «Agar. ¿Negue't cam qouetapoigui? Saishet qome da 'añi'i, cha'aye Ñim Lo'onatac 'Enauacna, hua'aqtega da nnoinaxac ñi nogotolec yem hueta'a.

Génesis 29:32

Qaq aso Lea hualaxai co'ollaxa, nache huo'o so llalec, nache ỹanagui da le'enaxat Rubén, cha'aye 'enapeco': «Ñim Nataxala' ila'a co'ollaxa da saquicota. Qaq ỹoqo'oye nagui so ihua aỹem ỹauotec qome.»

Génesis 31:12

Qaq huaña, nache so namaxashec piguem le'ec, aỹem 'enapega 'eeta': ‹Ña 'anamatasheguem, yaqto' 'aula'a da 'enauac na quetaq lhuaraicpi, maye do'ocatega ana quetaqpi, namayepi nda'a't na chiỹaxataxaic, qataq na huo'oi naua lache', qataq na huo'oi naua lte, cha'aye aỹem sela'a 'enauac na 'am ỹo'otec ñi Labán.

Génesis 31:42

Qaq taxa da saishet da aỹem hueta'aguet Ñim Natamnaxala' so Abraham, Ñim Natamnaxala' so ita'a Isaac, nache yo'oqtactaxa da choche aỹem 'auamaqtec, qui'itchiguilo 'anqa'en naua ihua'q. Qalaxaye Ñim Lo'onatac 'Enauacna ilota'a co'ollaxa da ỹaquicoxo, qataq dam naigui da ỹo'onataxanaxac, qaq ỹoqo'oye so pe 'am nlaxa.»

2 Samuel 22:28

'Am 'anca'alaxatec ca qaica ca 'enec, qalaxaye na na'amqaanaxaicpi, qalaq qaica ca naigui 'anqa'en.

2 Reyes 13:4

Huaña, nache so Joacaz natamnot Ñim Nataxala', nache Ñimaye hua'axaỹa co'ollaxa da natamnaxac somaye, cha'aye ỹataqta imeteetac da lachoxoyec so Israel le'ecpi, souaxat so nta'a ye Siria da ỹataqta saiyacnapec somayepi.

2 Reyes 20:5

«Ñaq 'avi'eguelaxauo, nache qonapega ñi Ezequías maye lataxala' ne'ena ỹalamaxat nhuo' le'ecpi, nache qoneta': Ñim Nataxala' maye Natamnaxala' som hua'au 'arta'a David, 'eeta': ‹Aỹem sa'aqchigui so 'anatamnaxac qataq sauaachiguilo naua 'arache'. Qaq nagui 'am ñataren, ỹoqo'oye qom inoxoorec caua tres na'axa'te, nache ishet qome da 'anqo'oneua'a añi atamnaxaqui maye lalamaqte Ñim Nataxala'.

Nehemías 9:9

Qaq 'am 'auauaachigui co'ollaxa da nque'eenaxac, so hua'au qarta'alpi co'ollaq netaña ye Egipto, qataq 'aua'axaỹa da nachoxonnaxac somayepi co'ollaq huaña so loigue aso Auaxai Togaxarai.

Salmos 106:44

Qalaxaye Ñim Lo'onatac 'Enauacna naxa da ila'a da nque'eenaxac, qataq da hua'axaỹa da nachoxonnaxac,

Salmos 12:6

Naua la'aqtaqa Ñim Nataxala' ỹataqta qui'itte', 'eeta'ama na ỹataqta no'on nda'a't lcat plata, maye siete da qaỹe'eguelaxaalec da qanqatel da yaqto' qui'itta.

Salmos 142:3

Naxa da mashe qaica ca ỹa'añaxac, qalaq 'Am Nataxala', aỹem 'auachaxana so nqa'aic, cha'aye so nqa'aic maye shectague' qoỹanangui aso nqoinapi.

Salmos 145:19

Ñimaye ipacchigui naqa'en nam 'eetapeguecpi nam huo'o naq 'enec naqa'en Ñimaye, qataq hua'axaỹa da lỹaxanaxac namayepi nache nca'alaxatec.

Salmos 22:24

Cha'aye Ñimaye saishet da huo'o ca ỹo'otan, huo'otaq da sa iqocha'a da nque'eenaxac ca choxoraq, qataq saishet da nqañoxocheesop camaye, nda'a't da hua'axaỹa camaye da iỹaxanaique ca ntaunaguec.

Salmos 34:4

Aỹem seỹaxanot co'ollaxa Ñim Nataxala', nache Ñimaye aỹem ỹasateguet, qataq aỹem isoueeguesop 'enauac na icolanaxasat.

Salmos 34:6

Qaq ne'ena choxoraq deỹaxan co'ollaxa, nache Ñim Nataxala' hua'axaỹa, nache isoueeguesop 'enauac da laquicoxo.

Salmos 35:22

¡Qaq ỹataqta 'auauaachigui de'era 'Am Nataxala'! ¡Qaq saishet qome da choche 'añe'emaxat! ¡Qataq saishet qome da aỹem qaỹoqtaique 'anqa'en!

Salmos 9:14

Yaqto' da huaña ñi lasom ye Jerusalén, nache sa'axattac qome da 'año'oxonnataguec, cha'aye samachiguiñi souaxat da aỹem 'anca'alaxatec.

Éxodo 1:11

Huaña, nache so Egipto le'ecpi ỹauo'o so nalleppi da ilo'ogue naqa'en so Israel llalaqpi, da yaqto' sa ỹala'ac da ỹo'onataxanaxan. Ime, nache qaỹo'onataxanaxanec da no'oxoosheguem qanqa'en so huaqta'a't nỹecpi ye Pitón qataq ye Ramesés, maye laỹamaqtaxanaqa' so faraón da ỹaỹamaxat na nallec.

Éxodo 1:8

Qaq co'ollaq mashe qaỹoqteguelo soua vi'iye, nache huo'o so dalaxaic nta'a da yaqto' ilo'ogue ye Egipto. Qaq somaye saishet da ỹauatton so José, qataq nache 'enapego' so lauo' le'ecpi, 'eeta':

Éxodo 22:23

cha'aye da sa qauyacñiỹapec camayepi, nache da aỹem iỹaxanot da setauan, nache Aỹem setauan camayepi,

Éxodo 33:13

Qaq da 'eesa de'era, nache aỹem 'auaỹaanaxanaxanec ca huotaique 'auo'otpi, yaqto' aỹem qome nataqa'en 'am sauotec, qataq qoqueto'ot da nache aỹem 'arpe'et. Qataq saishet da 'aucoua'ai ne'ena nhuo' le'ecpi, cha'aye 'am maye 'aralamaxat namayepi, saishet da aỹem.»

Éxodo 5:10

Nache so alleppi maye qaipataxalec da ilo'ogue so lataxala'pi so nlatacpi, anac da 'enapega so shiỹaxauapi, 'eeta': «Ñi faraón ỹan da la'aqtac da nagui saishet da qami' sanaxama na 'auaqpi.

Éxodo 5:6

Qaq nacheso se'eso na'a'q da so faraón ỹanem da la'aqtac som nalleppi maye ipataxalec da ilo'ogue som lataxala'pi na 'onataxanaxaicpi, 'eeta':

Isaías 63:9

Qaq saishet co'ollaxa da lamaxashec cam nca'alaxatec namayepi, maye nacheñi Ñimaye da maiche nca'alaxatec. Ñimaye isouec namayepi souaxat da lauotaxanaqtaic qataq da lchoxonnataxanaxa, ỹanaxanaxaasheguem qataq nachesheguem huota'aisalo naua lhua'q, 'eeta'am dam ỹo'ottac co'ollaxa soua hua'au' vi'iye.

Números 20:16

qaq huaña, nache qomi' seỹaxanaqot Ñim Nataxala', nache Ñimaye hua'axaỹa so qarỹaxanaxac, nache namaq so nale piguem le'ec da qomi' nqateeguesopa ye Egipto. Qaq nagui sonaqtaña na Cades, nam loga't na 'ana'alhua.

Hechos 7:34

Aỹem semeteetac da nque'eenaxac ye ỹalaqpi maye hueta'a ye 'alhua Egipto qataq Aỹem sa'aqtega da nqui'ic yemayepi. Ỹoqo'oye Aỹem senotec da yaqto' sesoueeguesop da la'añaxac na Egipto le'ecpi. Qaq ỹoqo'oye 'anaỹamaxat cha'aye 'am samaq da 'anqo'ona ye 'alhua Egipto.»

Hebreos 4:15

Da lle'eguenataxanaxac so pa'aguenataxanaxaic co'ollaq ỹe'eguen So Jesús, nache 'eeta'am da lle'eguenataxanaxac nagui da qomi' ỹe'egue'n da yaqto' ỹauo'o ca qarasouaxashet, qalaxaye So Jesús co'ollaxa saishet da huo'o ca lasouaxashet. Qaq ỹoqo'oye Somaye ỹaỹaten da saqalaq da qaỹalaxaguet Ñim Lo'onatac 'Enauacna.

1 Samuel 9:16

«'Anaỹamaxattai' qome cha'aye qonte', qom mashe 'eeta'am nagui ye ñichiguiña añi nala', nache 'am ñamaxaua'a ca nsoqolec maye chegaqa'a yem na'alhua so Benjamín, qaq camaye nacheca qome ca 'aucorelec da yaqto' lta'a na ỹalamaxat nhuo' Israel le'ecpi. Qaq camaye nacheca qome ca isoueeguesop namayepi da lamaxasoxonaxac na filisteopi, cha'aye aỹem ỹataqta huo'o da ichoxonnataxanaxa souaxat da aỹem iviro'ot da lashelaxanaxac namayepi.»