Éxodo 3:5 - La'aqtaqa Ñim Lo'onatac 'Enauacna 2013

⁵ Nache Ñim Lo'onatac 'Enauacna 'enapeco': «Saishet da 'anquigueuo. Qataq 'anqa't naua 'arapela'ate, cha'aye nam 'alhua maye 'auapetalec, namaye ỹataqta qui'itta.»

Éxodo 3:5 Iomraidhean Croise

Éxodo 19:12

Qaq 'aua'an qome ca loga't naua loiguiye añi qasoxonaxa, yaqto' saishet da napacalec ye shiỹaxauapi. Qataq qonapega qome, qoneta': Saishet qome da huo'o ca huenotsheguemec añi qasoxonaxa qataq saishet da huo'o ca sa qaỹapeque naua loiguiye, cha'aye cam napacalec cam na'anec nache ileu.

Éxodo 19:21

Nache Ñim Nataxala' 'enapega, 'eeta': «'aunotec qome, nache 'auqata ye Israel le'ecpi da saishet da napacalec na loga'tpi na na'anec, qataq qonapega da saishet da nshetaique da aỹem ỹauaachigui. ¡Ten qom qalota ca ileu yemayepi!

Éxodo 4:28

Qataq so Moisés nache huaña da da'aqtaxaatapeguem so Aarón 'enauac nam ỹamaxalec Ñim Nataxala' da ỹa'axat, qataq na na'anecpi maye ỹo'ot da na'aalaxa maye qaỹamaxalec somaye da ỹo'ot.

Eclesiastés 5:1

Da ivita da 'anqo'oneua'a añi atamnaxaqui maye lalamaqte Ñim Nataxala', qaq iuen da 'antelañi: saishet da 'aỹa'aneuo ca 'arachetaqtaxanaxat da 'aue'enaxat nam shiỹaxauapi maye qaica ca ỹaỹaanapec, da saq noma da saỹaỹamaxañi de'era ỹo'ottac, nacherata da 'anquicot Ñimaye, qataq 'am lhuotta da 'aualaq.

Jeremías 30:21

Nache namayepi chegoqtoigui qome cam lataxala' ca 'oonolec namayepi ilo'ogue qome namayepi, Camaye Aỹem nquigueua'a qome qaq camaye nache huetaua'a qome na ỹaỹe, cha'aye ¿negue't ca sairen da nachaalataxac da nquigueua'a Aỹem? Qaq 'era da ỹa'aqtac Aỹem Nataxala'.

Levítico 10:3

Qaq co'ollaq mashe lcopa'ague de'era, nache so Moisés 'enapega so Aarón, 'eeta': «'Era, da 'eetega Ñim Nataxala' co'ollaq 'eeta': ‹Da huo'o ca Aỹem naua'a na ntaxaỹaxanaxanecpi, nache ñachaxana da ỹataqta Aỹem sa qaishetapec, qataq 'enauac na Israel le'ecpi sachaxana da qaica ca 'ena'am ỹo'oxoyec.›» Nache so Aarón choche ñe'emaxat.

Hechos 7:33

Qalaxaye Ñim Lo'onatac 'Enauacna 'enapego' somaye, 'eeta': «'Anqa't qome naua 'arapela'ate, cha'aye ne'ena 'alhua maye 'auapetalec, namaye ỹataqta sa qaishetapec.

Deuteronómio 23:14

Cha'aye Ñim Nataxala' maye Qanatamnaxala'ai, Ñimaye hueta'a ca qaranataqa'ai da yaqto' qami' npaxattaleguete, qataq qami' ỹanema da qoroxonqui ca qampa'aguenaxauaipi. Ỹoqo'oye que'eca qaranataqa'ai, camaye ỹataqta qui'itta qome qanqa'eñi, yaqto' Ñimaye saishet da ilalec ca saỹaỹamaxañi da qami' ỹalleta'alo, ten qom qami' ca'aisalo.

Hebreos 12:20

cha'aye somayepi saishet da ỹañoxot da ỹalaxaguet so namaxasoxonaxacpi maye qaỹamaxalec: «Iuen da qairota'a na coma' huo'otaq aca taquiaxai da qaỹalauat ca camachaqca shiỹaxaua huo'otaq shiguiỹac da choche peua'a na laỹe aña'añi qaỹoqotcheguemec 'alhua.»

Josué 5:15

Nache so Lataxala' na nalleppi Ñim Nataxala' ỹasategueto' somaye, 'eeta': «'Anqa't naua 'arapela'ate, cha'aye ne'ena 'auapetaña, namaye ỹataqta sa qaishetapec.» Nache so Josué ỹalaxaguet somaye.