Éxodo 3:21 - La'aqtaqa Ñim Lo'onatac 'Enauacna 2013

²¹ Qaq aỹem qome nataqa'en sanem yi'iye ỹalamaxatpi, da yaqto' ye Egipto le'ecpi ỹataqta ichoxoren yemayepi, yaqto' qami' qom ivita da qoqui, qalaq saishet da qui'itchiguilo naua qarhuaxayilli'.

Éxodo 3:21 Iomraidhean Croise

Éxodo 12:36

Nache Ñim Nataxala' ỹo'otec so Egipto le'ecpi da ỹanem 'enauac nam iỹaxanaique so Israel le'ecpi. Qaq 'era da 'eetec co'ollaxa so Israel le'ecpi da ỹataqta nhuotta so Egipto le'ecpi.

Salmos 105:37

Ñim Lo'onatac 'Enauacna nqatec co'ollaxa so lalamaxat nhuo' le'ecpi, lỹatec naqa'en so qalota oro qataq plata, nache qaica ca nqanaxattac somayepi.

Éxodo 11:3

Nache Ñim Nataxala' ỹanem da so Egipto le'ecpi ỹataqta huo'o da lqouagaxa so Israel le'ecpi. Nataqa'en so ltauapi so faraón ỹataqta sa latetapec so Moisés, 'eeta'am naqa'en ca ỹale maye huo'o naq 'enec, nache 'eeta'am nataqa'en da lhuennataxac 'enauac so Egipto le'ecpi.

Proverbios 16:7

Ñim Nataxala' da ỹaỹamaxareeta da no'on lataxac ca ỹale, nache ivira'a na mpa'aguenaxauapi camaye ishet da nmane' naqa'en.

Salmos 106:46

Nache ỹo'ot da ivira'a da 'enauac som mpa'aguenaxauapi somayepi, huo'o da lchoxonnataxanaxa somayepi.

Génesis 39:21

qalaxaye nache 'ena'am Ñim Nataxala' hueta'aguet somaye, qataq nache queto'ot da ỹachaxaatega da lauotaxanaqtaic, qataq ỹo'ot da so ilotague' aso ncoñetaxanaxaqui ỹauotec somaye,

Hechos 7:10

Nache ỹeltaxaneguet 'enauac na nque'eenaxaguesat, qataq ỹanem da laỹaanec qataq ỹo'otec so Faraón da ỹataqta ỹaỹamaxareeta somaye, ỹoqo'oye ỹanagui so José da nta'a da ilo'ogue ye 'alhua Egipto, qataq ilo'ogue so lma' somaye.

Nehemías 1:11

'Am Nataxala', 'am ñachoxonnot da ñaq 'auqoche'eguet de'era ñatamnaxac, qataq da nachoxonnaxac ne'ena 'aramaxashecpi, cha'aye huo'o da lyaxa da 'am ỹo'oxoren. Qataq 'am seỹaxanot da yaqto' ne'ena 'aramaxashec ỹañoxot ca 'eetapeguec, qataq ivira'a da ñim nta'a ishet da aỹem ilo'oguet qataq aỹem ỹanem ca lqouagaxanaqtaic.» Qaq se'eso na'a'q qalaq nache aỹem da nỹomaxaqui lo'o se'eso nta'a Artajerjes.

Éxodo 12:35

Qaq somayepi ipactelec da la'aqtac so Moisés, da iỹaxanot na Egipto le'ecpi, iỹaxanaique na nogoxoshet maye chegaqaigui na lcat oro, plata qataq na nogoxot maye ỹataqta no'on.

1 Reyes 8:50

Qataq 'auapalaxat qome na 'am hueto'ot lasouaxashetpi ne'ena 'aralamaxat nhuo' le'ecpi, souaxat da 'am dataỹa'aguet. Qataq que'eca mpa'aguenaxauapi maye loxonec namayepi, 'aỹa'anem da ichoxoren qome namayepi.

Génesis 15:14

Qalaxaye nataqa'en sauo'o qome ca nhuaxanaguec cam shiỹaxauapi maye ỹauo'o l-latac camayepi. Qaq ime qome nache que'eca 'aỹa'alaqpi huesouec, nache ỹachetec qome ca lta'araic lsallaxa.

Éxodo 11:2

Qalaxaye nagui qonapega na Israel le'ecpi nam ỹalleppi qataq na 'alpi, da iỹaxanot na lauoreuapi ỹalleppi huo'otaq na 'alpi da iỹaxanaique na nogoxoshet maye chegaqaigui na lcat plata qataq oro.»

Deuteronómio 15:13

Qaq da 'ausouec camaye nache saishet da qui'itchiguilo 'anqa'en naua lhuaxaye da jec,