Éxodo 3:2 - La'aqtaqa Ñim Lo'onatac 'Enauacna 2013

² Qaq huaña, nache Ñim Lo'onatac 'Enauacna nachaxana so Moisés, huetaigui so le'eraxa so norec maye huetaigui asotai' qo'oipaqole maye huo'o ana le. Nache so Moisés ichemaxata asomaye. Huaña, nache nanoma da 'ettaigui asomaye qalaxaye saishet da ỹavic.

Éxodo 3:2 Iomraidhean Croise

Génesis 21:17

Qalaxaye Ñim Lo'onatac 'Enauacna, hua'aqtega co'ollaxa da nnoinaxac so nogotolec, nache so lamaxashec Ñim Lo'onatac 'Enauacna, chemqot na piguem da 'enapega aso Agar, 'eeta': «Agar. ¿Negue't cam qouetapoigui? Saishet qome da 'añi'i, cha'aye Ñim Lo'onatac 'Enauacna, hua'aqtega da nnoinaxac ñi nogotolec yem hueta'a.

Génesis 22:11

nache so lamaxashec Ñim Nataxala', chemqot na piguem, da deỹaxan, 'eeta': «¡Abraham! ¡Abraham!» Nache so Abraham 'enapeco': «Aja', aỹem soota'a ne'ena.»

Génesis 48:16

so namaxashec maye aỹem nca'alaxateeguesop nam qauemsat, ỹanema qome ca lchoxonnataxanaxa ne'enaua nogotolqa. Da yaqto' chegoqchiguilo naamaye da saishet da qaicoua'ai da ỹe'enaxat, qataq da le'enaxat soua ita'al Abraham qataq so Isaac. Qataq ỹataqta qalota qome ca llalaqpi naamaye ana'ana 'alhua.»

Salmos 66:12

Qataq 'aua'aqta'a da camachaqca ca qomi' petapiguilo, nache qolaqtaigui 'anqa'en na 'etaxat qataq na norec, qalaxaye huo'o 'anqa'en da qardaqa'.

Éxodo 19:18

Nache aso qasoxonaxa Sinaí nchisheguem co'ollaxa na lmala'q, cha'aye Ñim Nataxala' co'ollaq huenotec, nache nactaigui so norec. Qaq so lmala'q 'eeta'am na lmala'q ana nqatelaxanaxaqui, nache asa'aso qasoxonaxa ỹataqta 'enauac da cholaxan.

Éxodo 23:20

«Qaq aỹem samaq qome so ñale, da hua'auta'ague na qanqa'aiqui da yaqto' qami' ntela'alo na nqa'aic, qataq qami' ỹauegalo yem 'alhua maye seqataxaatai'.

Éxodo 24:17

Nache yo'oq da llo'oxoyec Ñim Nataxala', 'eeta'am ca norec da davigaqtaxanapec, huetalec aso lmilo aso qasoxonaxa, qaq ỹauaachigui 'enauac so Israel le'ecpi.

Éxodo 3:16

Qaq 'am, qojec qome, nache 'alaỹona't ca lqueroxonecpi ye Israel le'ecpi. Ime, qaq qonapega, qoneta': «Ñim Nataxala', Ñim Natamnaxala' som hua'au' qarta'alli' aỹem namaxalo qami'. Ñim Natamnaxala' so Abraham, Isaac qataq Jacob, Ñimaye aỹem nachaxana. Qaq aỹem da'aqtaxanem da Ñimaye 'eetega maiche qami' huapegueto, cha'aye ilota'a da saishet da qami' iyacna'ape na Egipto le'ecpi.

Isaías 43:2

Qaq da huo'otaq 'aua'axasoxoolec ca 'etaxat, qalaq Aỹem 'am soota'aguet qome, qataq da 'aua'axasoxoolec ca tala qalaq saishet da 'am 'ogaxaic, qataq da huo'otaq qoquetangui ca norec, qalaq saishet da 'am ỹavigaxat, qataq nam le'eraxa camaye saishet da 'am ỹavigaxat.

Isaías 63:9

Qaq saishet co'ollaxa da lamaxashec cam nca'alaxatec namayepi, maye nacheñi Ñimaye da maiche nca'alaxatec. Ñimaye isouec namayepi souaxat da lauotaxanaqtaic qataq da lchoxonnataxanaxa, ỹanaxanaxaasheguem qataq nachesheguem huota'aisalo naua lhua'q, 'eeta'am dam ỹo'ottac co'ollaxa soua hua'au' vi'iye.

Daniel 3:27

nache 'enauac so nta'alpi yi'iye 'alhua maye ỹalectauo, nquigueua'alo se'esoua shiỹaxau', qaq da lo'ocỹaxa'c soomaye qalaq qaica ca lliguiñi so norec, qataq qaica ca choche 'oonolec laue da huo'otaq ivigaxa't, qataq soua alogo saishet da huo'otaq huo'o ca ỹavic, huo'otaq da huo'o ca laita na lmala'q so norec.

Zacarías 13:7

Ñim Nataxala' maye Qaica ca Ỹaqalanapec da la'aqtac 'eeta': ¡'Anachaañi 'am ỹeelonec, nache 'auataỹa'aguet ñi ỹamaxashec maye ilotague' ana qagueta, qataq ñim ỹale maye itaua! ¡'Aualauat qome ñim ilotague' ana qaguetapi, yaqto' anam lhuateguishe qaguetapi laga't qome, qaq Aỹem sataỹa'aguet qome da salauat na qagueta llalaqpi!

Malaquías 3:1

Ñim Nataxala' maye Qaica ca Ỹaqalanapec 'enapec: «Mashe huotaique da ñamaq ñim ỹa'aqtaxanaxanec, da yaqto' iqataxanai' cam ñaqa'aic. Ñim Nataxala' maye qanmicheetaique, mashe saqaỹaloq da naỹa añim atamnaxaqui maye lalamaqte. ¡Mashe anacta nam na'aqtaxanaxanec maye ndoi' na aỹamaxataxac maye qanqopicheetaique!»

Marcos 12:26

Qaq de'era lataxac da qaltaq qanca'alaxatec na leuaxaicpi, qalaq ¿saisheto' peta'a da qautaxaỹaxañi aso lere so Moisés, qataq yem hueta'a da na'aqtaguec aso qo'oipaqole maye 'ettaigui, qalaxaye saishet da ỹoqta ỹavic asom netaigui co'ollaxa Ñim Lo'onatac 'Enauacna da detaqtague' so Moisés? Co'ollaq Ñimaye 'enapeco': «Aỹem maye Nachaỹem Natameetacot co'ollaxa so Abraham, qataq so Isaac qataq so Jacob som 'auachegoxogueta.»

Lucas 20:37

Qaq ivira'a so Moisés nataqa'en ỹa'axat da ishet da qaltaq nca'alec na leuaxaicpi. Da na'aqtaguec co'ollaq hueta'a aso qo'oipaqole maye 'ettaigui, qalaxaye saishet da ỹoqta ỹavic. Huaña, nache Ñim Nataxala', 'eeta': «Aỹem maye Nachaỹem natameetacot co'ollaxa naxa so Abraham, Isaac, qataq so Jacob.»

Juan 1:14

Qaq se'eso Na'aqtac qomi' hueta'agueta, 'eeta'am ca 'oonolec da shenaqta. Qataq qomi' sauanaqchigui da la'añaxac maye maiche lalamaxat som 'oonolec Llalec Ñim Lo'onatac 'Enauacna, cha'aye qomi' ỹachaxanalo 'enauac da lsoxoyec qataq da 'eesa lataxac.

Romanos 8:3

Qaq Ñim Lo'onatac 'Enauacna ỹo'ot co'ollaxa dam saishet da ỹañoxot da ỹo'ot nam namaxasoxonaxacpi maye chegoqo'ot so Moisés, cha'aye qaica ca ilo'ogue da lqopitaxanaqtaic da ỹo'ot nam qauem. Nache Ñim Lo'onatac 'Enauacna namaxalec co'ollaxa ana 'alhua so lalamaxat Llalec, qaq Somaye ỹataqta 'ena'ama qomi' da qarqalviaxa, qataq da qañe'eguenataguec. Qaq Ñim Lo'onatac 'Enauacna namaxalec ana 'alhua Somaye da yaqto' qomi' ileualeguete souaxat na qaye'etaxaloxo. Qaq nache chegoqchigui Somaye da Ñim Lo'onatac 'Enauacna, nlaxaañi da la'añaxac da ñe'etaxaloxo.

Deuteronómio 33:16

qataq da ỹataqta no'on alaỹaxac na 'alhua, qataq da sa qoue ana ala na nañiguishec, chegoqchigui da maiche 'eetapeguec Ñim netaigui co'ollaxa asotai' 'epaqole maye 'ettaigui. Nache 'enauac damaye talec naqa'en so José, som qaiỹotauga maye chegaqaigui so lqaỹañecpi.

Deuteronómio 4:20

Cha'aye Ñim Nataxala' qami' ỹacoosopa co'ollaxa da qami' nqateeguesopa ye Egipto maye 'eeta'am aca nqatelaxanaxaqui, maye lqatelaxaqui ca lcat, da yaqto' ỹauo'oi qami' lalamaqa'ate Ñimaye.

2 Ts 1:7

Qaq So Qarataxala' Jesús, qom ñe'eguelaq chegoqtot na piguem, nactaigui na le'eraxa ca norec qataq nnaictague' ca 'añaxaicpi lamaxashecpi piguem le'ecpi. Nache Ñim Lo'onatac 'Enauacna qami' ỹanema ca qaramaicỹaxaqui 'eeta'am da 'eetec naqa'en da shenaqta.

Jueces 13:13

Nache so nale piguem le'ec Ñim Nataxala' 'enapec: Qomye ara'ara 'arhua ỹataqta ỹo'ot qome 'enauac nam iqataxacpi,