Éxodo 3:12 - La'aqtaqa Ñim Lo'onatac 'Enauacna 2013

¹² Nache Ñim Lo'onatac 'Enauacna, 'enapeco': «Aỹem 'am soota'aguet qome. Qaq 'era qome da la'anaxat da ỹoqta 'eesa da 'am samaq, 'eeta': ‹qom ivita da 'anqateeguesop ye Egipto yem ỹalamaxatpi, nache 'enauac da qoñeeta aỹem qanatamñiỹot da huaña ne'ena qaỹoqotcheguemec 'alhua.›»

Éxodo 3:12 Iomraidhean Croise

Génesis 15:1

Qaq co'ollaq ime de'era, nache Ñim Nataxala' detaxaỹot so Abram, huaigui naqa'en so lauanaqchec, 'eeta': «Abram, saishet da 'añi'i, cha'aye aỹem 'arpaqtaxanaxat. Ca 'ansheetenaguec ỹataqta lta'araic qome.»

Génesis 15:8

Qalaxaye so Abram 'enapeco': «'Am Nataxala' qataq Atamnaxala', ¿ca 'eeteco' da saỹaten da ỹoqta 'eesa, da aỹem 'aỹa'anem qome ne'ena 'alhua?»

Génesis 26:3

qaq nagui, qalaq no'on da nache qonetaña ne'ena 'alhua. Aỹem 'am soota'aguet qome, qataq 'am sanem da ichoxonnataxanaxa, cha'aye 'am, qataq ca 'am chegoxoguetpi, sanem qome 'enauac ne'ena 'alhua. Qaq yaqto' sepacchigui dam sachaxanapeguem co'ollaxa so 'arta'a Abraham.

Génesis 31:3

Qaq huaña nache Ñim Nataxala' 'enapego' so Jacob, 'eeta': «'Avi'eguelaxa qome ye na'alhua caua 'arta'al, yem netaña ca 'arhuo' le'ecpi, qaq Aỹem 'am ñenaictague' qome.»

2 Reyes 19:29

Nache so Isaías, 'enapega co'ollaxa so Ezequías, 'eeta': 'Era qome da la'anaxat cam naỹa'acna: Ne'ena vi'i qataq ca lỹa vi'i maye ñaq natauo, nache qollequiitac qome na ala cam trigo maye chochaq nasheguem, qaq ca vi'i tres nache ishet da qa'anaxañi qataq qauqataxañi, qataq qaỹa'añiiñi ana uva nache qollequiitac aca ala.

1 Crónicas 9:20

Qaq co'ollaq saxanaxa de'era, nache so Finés, som llalec so Eleazar, nacheso so lataxala' somayepi. Qaq Ñim Nataxala', ỹataqta hueta'aguet naxa somaye.

Salmos 86:17

Aỹem 'auachaxana qome ca la'anaxat da 'arauotaxanaqtaic, yaqto' da ỹauaachigui na ñepa'aguenaxauapi nache na'aloxon. Cha'aye 'Am Nataxala', aỹem 'aỹa'anem da 'artaunaxanaxac qataq aỹem 'aua'añaqchet.

Éxodo 18:5

Nache so Moisés nmataqa' co'ollaxa ye toolec 'alhua, maye sa qaỹapeque añi qasoxonaxa maye lma' Ñim Lo'onatac 'Enauacna. Qaq nacheye ye taỹa co'ollaxa so Jetro, nnaictague' aso llale maye lhua so Moisés, qataq soua llalqa somaye.

Éxodo 3:1

Huo'o so na'a'q nache so Moisés ilotague' aso lalo qaguetapi so lacho' Jetro, maye ntaxaỹaxanaxanec ye Madián. Nache so Moisés ỹo'orelec aso qagueta da taỹa ye toolec 'alhua, qaq nache ivitta'a añi qasoxonaxa maye le'enaxat Horeb maye lalamaqte Ñim Lo'onatac 'Enauacna.

Éxodo 3:13

Qalaxaye so Moisés qaltaq 'enapego' Ñim Lo'onatac 'Enauacna, 'eeta': «Damaye ỹataqta seqalana'a, da aỹem shenapega ye Israel le'ecpi da sheeta': ‹Ñim Lo'onatac 'Enauacna maye Natamnaxala' soua hua'au' qarta'alli' aỹem namaxalo qami'›, qaq da huo'otaq aỹem inat da 'eeta': ‹¿Qaq 'eetec ca le'enaxat camaxa? Nache ¿ca sheetec ca ỹa'aqtac?›»

Éxodo 33:14

Nache Ñim Lo'onatac 'Enauacna, 'enapeco': «Aỹem, 'am soota'aguet qome qataq 'am sami' ca 'anmataxac».

Éxodo 4:12

Qaq ỹoqo'oye nagui 'aue, qojec, aỹem 'am soota'aguet qome da 'autaqa, qataq 'am sapaxaguenec ca llec ca 'artaxaỹaxac.»

Éxodo 4:15

'Autaxaỹapegue' qome ñimaye, nache 'aua'axatem 'enauac na 'am samaxalec da 'aua'axat, yaqto' ñimaye nache ỹa'axat na 'ara'aqtacpi qome. Qaq aỹem soota'aguet qome ñimaye, qataq da ivita da qautaqai, qalaq qami' sapaxagueneque ca lataxac cam qauo'oche.

Éxodo 8:27

Qaq no'on qome da ñeqo'onaxa ye toolec 'alhua, yemaye ivi' naua tres na'axa'te, qaq soviraxa. Huaña qome yemaye, qaq savigaxataq aca qarachetaqtaxanaqte da sanqot Ñim Nataxala' maye Qanatamnaxala', da yaqto' qomi' sepagaqtelec da la'aqtac Ñimaye.»

Isaías 37:30

Qaq huaña nache so Isaías qaltaq 'enapega so Ezequías, 'eeta': «'Era da la'anaxat qome cam ñaq taỹa'a da yo'oq: Ne'ena vi'i qataq ca lỹa vi'i qollequiitac qome nam trigo maye maiche ñaxatsheguem, qalaxaye ca lỹa vi'i nache ishet qome da qa'anaxañi qataq qauqataxañi, qataq qaỹa'añiiñi ana uva nache qollequiitac qome ana ala.

Isaías 41:10

Saishet qome da 'añe'etac cha'aye Aỹem 'am soota'aguet, saishet da 'añe'etac cha'aye nache Aỹem 'Anatanmaxala'. Aỹem 'am sanem da 'ara'añaxac, Aỹem 'am setauan qome, Aỹem sauota'a qome na ihuaq maye huegaxanaxaic da 'am ñasoqtañi.

Isaías 43:2

Qaq da huo'otaq 'aua'axasoxoolec ca 'etaxat, qalaq Aỹem 'am soota'aguet qome, qataq da 'aua'axasoxoolec ca tala qalaq saishet da 'am 'ogaxaic, qataq da huo'otaq qoquetangui ca norec, qalaq saishet da 'am ỹavigaxat, qataq nam le'eraxa camaye saishet da 'am ỹavigaxat.

Isaías 7:14

Qaq ỹoqo'oye Ñim Nataxala' Nacheñi ñim qami' ỹanema qome ca na'anec: Aca qa'añole hualaxai qome nache acamaye ỹale qome ca llalec, qaq que'eca llalec acamaye ỹanagui qome da le'enaxat Emanuel, maye naigui da: ‹Ñim Lo'onatac 'Enauacna qomi' hueta'agueta.›

Jeremías 1:8

Qaq saishet qome da huo'o ca 'aye'etega, cha'aye Aỹem 'am soota'aguet qome da yaqto' 'am ñepaxattalec. Qaq 'era da ỹa'aqtac Aỹem Nataxala'.»

Números 16:28

Nache so Moisés qaltaq 'enapec: Nagui nache qauaỹachiñiita da Ñim Nataxala' nacheñi Ñim aỹem ỹamaxalec da so'ot 'enauac de'era, qaq saishet da so'ot ca maiche sheetapeguec.

Números 23:21

Ñimaye saishet da ilalec ca qauem lataxac yi'iye lauo' le'ecpi so Jacob, huo'otaq ca saỹaỹamaxañi lataxac ye Israel le'ecpi. Cha'aye Ñim Nataxala' maye Natamnaxala' hueta'aguet yemayepi, qaq yemayepi da iỹaxana Ñimaye nache 'eetega lta'a.

Mateo 28:20

Qataq qauapaxaguiñic qome namayepi da ỹalaxalec 'enauac na ỹapaxaguenataxanaxacpi. Qaq Aỹem nache 'eetai' da qami' soota'agueta, choche ivitta'a ca loga't ana 'alhua.»

Marcos 16:20

Nache soua lapaxaguenataqa je'c da ỹa'axatre'c da no'on na'axaỹaxac dam lo'onataxanaxac Ñim Lo'onatac 'Enauacna. Nache so Qarataxala' Jesús nnaictagueto qataq itauaata'ape soomaye, ỹachegoxotchigui nam na'anec maye sa qaỹauanapega, qaq nache 'eetec de'era Ñim Lo'onatac 'Enauacna da ỹachaxan da soua lapaxaguenataqa da la'aqtaxanaxa'c ỹataqta 'eesa. Aja', nache 'eetec.]

Hechos 11:21

Nache dam la'añaxac Ñim Lo'onatac 'Enauacna ỹataqta hueta'aguet namayepi, qaq ỹoqo'oye ỹataqta qalota na ỹaxanec da togoshec la'amqaanataxanaxac, nache ỹa'amaqten So Qarataxala'.

Hechos 7:7

Qalaxaye Ñim Lo'onatac 'Enauacna nataqa'en 'enapeco': «Aỹem qome sauo'o ca nhuaxanaguec que'eca shiỹaxauapi maye ỹauo'o l-latac camayepi. Qaq qom ime, nache ca'ai que'eca hueta'a. Huaña, nache camayepi Aỹem natamnot da huaña ne'ena 'alhua.»

Romanos 8:31

Qaq ỹoqo'oye ¿negue't ca lỹa qara'aqtac? Ye 'oonolec dam ishet da qara'aqtac, 'eeta': Da Ñim Lo'onatac 'Enauacna da qomi' hueta'agueta, nache qaica ca ishet da qomi' dataỹa'agueta.

Deuteronómio 31:23

Qaq co'ollaq ime, nache Ñim Nataxala' ỹanem da la'aqtac so Josué, maye llalec so Nun, 'eeta': «'Ana'añaxat qome qataq 'aua'añaxachigui ye 'arhuel, cha'aye nache 'am qome da 'aunoxonacheteua'a ne'ena shiỹaxauapi ye 'alhua maye sachaxanapecot co'ollaxa ne'ena Israel le'ecpi, qaq Aỹem qome 'am soota'aguet.»

Hebreos 13:5

Qataq saishet da ỹaguec da qarhuogoqoi da qanaviqui aca anom. Nachaqrata da qantoñiitapeguec cam qami' hueto'oto, cha'aye Ñim Lo'onatac 'Enauacna 'eeta' da la'aqtac maye nanettalec ana nere maye huetalec na la'aqtacpi Ñimaye: «Saishet da 'am seỹotec, qataq saishet da 'am salat.»

Josué 1:5

Qaq ỹataqta qaica qome ca ishet da 'am dataỹa'aguet qom ñaq 'anca'altauec, qataq Aỹem ỹataqta 'am soota'aguet qome, 'eeta'am ñaqa'en da sheetec da ỹataqta soota'aguet co'ollaxa so Moisés, saishet da 'am salat, ỹataqta 'am sa seỹotec.

Jueces 6:12

Nache so nale piguem le'ec Ñim Nataxala', nachaxana somaye nache, 'eeta': «¡Ñim Nataxala' 'am hueta'aguet, cha'aye 'am 'añaxaic, qataq qaramchigui ye 'arhuel!»

Jueces 6:16

Nache Ñim Nataxala' 'enapego' somaye, 'eeta': «Aỹem 'aupi'iỹa'a qome, cha'aye Aỹem, 'am soota'aguet. Qaq ỹoqo'oye 'am 'oxonec qome ye madianiitapi, nache yemayepi 'eeta'am qome ca 'oonolec shiỹaxaua da 'oxonec.»

Jueces 6:17

Nache so Gedeón 'enapeco': «Da ỹoqta 'eesa da huo'o da 'arqouagaxanaqtaic da sheeta, qaq no'on qome da 'auauo'o ca 'ara'anec da yaqto' ỹataqta 'itchiguiñi da 'eesa da aỹem 'autaqtegue'.

Jueces 6:21

Huaña nache so nale piguem le'ec Ñim Nataxala', ỹauota'a so lsheenec aso nashelte maye nasoqta'a da nhuoiguet naqa'en so lapat, qataq aso nauole 'ayiiña. Nache se'eso coma' chegaqaigui so norec, nache somaye ỹataqta chipchiguiñi nataqa'en so lapat qataq aso nauole 'ayiiña, huaña nache so nale piguem le'ec Ñim Nataxala' 'eco' da quiguiñi.

Jueces 7:11

nache 'ana'axaỹaxana cam na'aqtaxaatapigui yemayepi, huaña qome nache 'ana'añaxat da yaqto' 'auloquiaxan.» Huaña nache so Gedeón huenoteeguesop som hueta'a lanataqa', nache nnaicapegue' so lo'onataxanaxanec Purá, nache ivildaua'a so lauanaxanaqa' so alleppi maye mpa'aguenaxauapi.

1 Samuel 14:10

Qalaxaye da qomi' 'enapegalo da saxasheguemec yemayepi, nache saxasheguemec qome, cha'aye damaye nachera da la'anec qome Ñim Nataxala' da qomi' ỹanema da qoroxonec.