Éxodo 3:11 - La'aqtaqa Ñim Lo'onatac 'Enauacna 2013

¹¹ Qalaxaye so Moisés 'enapego' Ñim Lo'onatac 'Enauacna, 'eeta': «¿Negue't aỹem, da yaqto' ñachaateua'a ñi faraón da yaqto' ñeqateeguesop ye Egipto ye Israel llalaqpi?»

Éxodo 3:11 Iomraidhean Croise

2 Samuel 7:18

Nache so nta'a David, taua'a so lanataqa' Ñim Nataxala', nache 'enapego' Ñimaye, 'eeta': «'Am Nataxala', ¿negue'to' aỹem, qataq na ỹalaqpi da aỹem 'anviraxatta'a ne'ena?

1 Reyes 3:7

Qaq 'Am Nataxala' maye Ñatamnaxala', nagui aỹem talec 'anqa'en de'era lo'onataxanaxac so ita'a David, qaq na'aictaxa da ñaq aỹem nsoqolec, qataq saxanaxa da saỹaten na chochena lataxacpi.

1 Reyes 3:9

Qaq aỹem 'aỹa'anem qome aca nquiyaqte ỹaanaxanaxai, yaqto' ishet da selo'ogue ne'ena nhuo' le'ecpi maye 'aralamaxatpi, qataq yaqto' sauatton ca no'on qataq ca qauem. Cha'aye ¿negue'tom ca ishet da ilo'ogue ne'ena nhuo' le'ecpi maye 'aralamaxatpi ye ỹataqta qalota?»

1 Crónicas 29:14

cha'aye, ¿negue'tom aỹem qataq nam ihuo' le'ecpi da maiche chegoqchiguilo da 'am sanaxam nam ỹataqta qalota qarachetaqtaxanaxatpi? Qaq cha'aye namaye maiche 'am chegoqo'ot, qaq nacherata da 'am sanaxam, nam saconaxaguet co'ollaxa maye maiche 'am chegoqo'otpi.

Éxodo 6:12

Qalaxaye so Moisés 'enapego' Ñim Nataxala', 'eeta': «Na Israel le'ecpi mashe saishet da aỹem ỹoqocha'a, qaq ¿hua'ago' ca 'eetec da aỹem ỹoqocha'a ñi faraón? Ye aỹem na'aprapeguec naua ỹa'aqtaqa».

Jeremías 1:6

Nache aỹem sasat, sheeta': «¡'Am Nataxala'! ¡Choxoraicolec aỹem ye ñaq aỹem nsoqolec, qataq sasaỹaten da itaxaỹaxac!»

2 Corintios 2:16

Qalaxaye nam taỹa'a da deqat, ne'ena nchenaxanaxat, da alaitaỹaxac 'eeta'am ca dalaataxanapec. Qalaxaye nam taỹa'a da nca'alec, damaye 'eeta'am naqa'en cam ama na laita maye chegaqaigui da achaalataxac. Qaq ¿chaq negue'to' ca ishet da nalotaua'a de'era no'onataxanaxac?

2 Corintios 3:5

Qalaxaye qomi' qaica ca maiche qaralamaxat qaraỹaanataxanaxac da maiche so'otaxac da shenaqta; Ñim Lo'onatac 'Enauacna maye nacheñi, Ñim qomi' ỹanema da qaraỹaanec da huo'o ca so'otaq.

Jueces 6:15

Qalaxaye so Gedeón qaltaq 'enapec: «'Am ỹataxala' ñaq aỹem 'anqouaguec, ¿ca 'eeteco' da ñeca'alaxatec na Israel le'ecpi? Ye nam ỹalamaxat ihuo' le'ecpi namayepi ỹataqta choxoraqpi, da ỹalectaigui na laỹe nhuo' le'ecpi maye chegoxoguetpi so Manasés. Qataq aỹem ye ỹataqta qaica ca ỹa'amaqchec.»

1 Samuel 18:18

Qalaxaye so David 'enapeco': ¿Chenegue'to' aỹem? ¿Qataq negue'to' ca 'enec na ihuo' maye hueta'a na Israel, da yaqto' aỹem laronaxanec ñi nta'a?