Éxodo 3:1 - La'aqtaqa Ñim Lo'onatac 'Enauacna 2013

¹ Huo'o so na'a'q nache so Moisés ilotague' aso lalo qaguetapi so lacho' Jetro, maye ntaxaỹaxanaxanec ye Madián. Nache so Moisés ỹo'orelec aso qagueta da taỹa ye toolec 'alhua, qaq nache ivitta'a añi qasoxonaxa maye le'enaxat Horeb maye lalamaqte Ñim Lo'onatac 'Enauacna.

Éxodo 3:1 Iomraidhean Croise

1 Reyes 19:19

Nache so Elías jec, ca'ai yemaye, nache natenalec so Eliseo, som llalec so Safat, maye da'araxaatac. Qaq somaye datataueegue so doce so nauaxaỹaxauapi lauegaxanaxala'pi huaca, qaq somaye nache ca'attaueegue somayepi. Nache so Elías co'ollaq nlectot somaye, nache ỹasaxalec na lallac somaye so lapo'.

1 Reyes 19:8

Nache so Elías ñisheguem, nache deque'etac qataq nỹomtac 'etaxat. Nache se'eso nallec ỹauo'o da la'añaxac somaye, da yaqto' queta se'esoua cuarenta na'axa'te, qataq cuarenta pe', nache ivitta'a ye Horeb, maye nqasoxonaxa Ñim Lo'onatac 'Enauacna.

Salmos 106:19

Qataq co'ollaq huaña añi qasoxonaxa ye Horeb nache ỹo'ot so le'enaqtac huaca llalec, nache somayepi natamnot se'eso lqatelleguishec maye le'enaqtac.

Éxodo 17:6

Qaq 'am seuatta'aguet yem Horeb, soota'a qome añi coma'. Qaq qom 'auaxangui añimaxa, nache naỹenec na 'etaxat, da yaqto' nỹom ne'ena shiỹaxauapi.» Qaq 'era da 'eetec so Moisés, ỹauaachigui so lqueroxonecpi na Israel le'ecpi.

Éxodo 18:12

Ime, nache so Jetro ỹacona so shiguiỹac, nache ỹavigaxat, ỹauo'o lachetaqtaxanaqte da ỹanot Ñim Lo'onatac 'Enauacna, nataqa'en huo'o aso lỹa lachetaqtaxanaqte. Ime, nache anac so Aarón qataq 'enauac so lqueroxonecpi so Israel le'ecpi, anac da qanhuana'ai' so lacho' so Moisés da qaỹo'oxoren Ñim Lo'onatac 'Enauacna.

Éxodo 19:11

qataq naỹamaxatta'aguet ca lỹa na'a'q, cha'aye nache huaigui da Aỹem Nataxala' senotec qome, sachiguiña añi qasoxonaxa Sinaí, qaq Nachaỹem ỹauaachigui qome 'enauac ye shiỹaxauapi.

Éxodo 19:2

Chegoqchiguiña ye Refidim, qaq co'ollaq ivita ye toolec 'alhua ye Sinaí nache hua'a, qaq yemaye sa qaỹapeque añi qasoxonaxa.

Éxodo 19:3

Huaña yemaye, nache so Moisés tasheguemec aso qasoxonaxa da nauane' Ñim Lo'onatac 'Enauacna. Nache Ñim Nataxala' iỹaxana somaye co'ollaq huetalec asomaye, 'eeta': «'Aua'aqtaxanem qome de'era ỹa'aqtac na Israel le'ecpi maye chegoxoguet so Jacob, qoneta':

Éxodo 2:16

Qaq se'eso na'a'q nache soua siete llale so Reuel maye ntaxaỹaxanaxanec ye Madián, soomaye naraxaama aso ñi'illoxoqui da yaqto' nỹoxosheguem so 'etaxat da nỹomaxan aso lalo qaguetapi so lta'a.

Éxodo 2:18

Qaq co'ollaq ivireua'a ye lma' so qa'ampi, nache so lta'a Reuel inatta'apo', 'eeta': «¿Che ta'ainco' ye qami' sa qaỹaloxogueta na na'a'q?»

Éxodo 2:21

Qaq co'ollaq deque'etac somaye, nache so Reuel 'enapega da nache hua'a ye lma' somaye, nache so Moisés ỹaỹamaxareeta. Qaq co'ollaq mashe qaỹoqteguelo soua na'axa'te nache so Reuel ỹanem so Moisés da lhua aso llale Séfora.

Éxodo 24:13

Ime, nache ñesheguem so Moisés, nache tasheguemec aso qasoxonaxa maye lma' Ñim Lo'onatac 'Enauacna, nnaictague' so ltaua le'enaxat Josué.

Éxodo 3:12

Nache Ñim Lo'onatac 'Enauacna, 'enapeco': «Aỹem 'am soota'aguet qome. Qaq 'era qome da la'anaxat da ỹoqta 'eesa da 'am samaq, 'eeta': ‹qom ivita da 'anqateeguesop ye Egipto yem ỹalamaxatpi, nache 'enauac da qoñeeta aỹem qanatamñiỹot da huaña ne'ena qaỹoqotcheguemec 'alhua.›»

Éxodo 3:5

Nache Ñim Lo'onatac 'Enauacna 'enapeco': «Saishet da 'anquigueuo. Qataq 'anqa't naua 'arapela'ate, cha'aye nam 'alhua maye 'auapetalec, namaye ỹataqta qui'itta.»

Éxodo 33:6

Qaq ỹoqo'oye nache chegoqta'a co'ollaq huaña ye Oreb, da so Israel le'ecpi saishet da ỹaañi aso no'otaqtepi lcat.

Éxodo 4:18

Nache so Moisés ỹe'eguelaxa ye netaña so lacho' Jetro. Nache 'enapego', 'eeta': «Aỹem she'eguelaxa ye Egipto yem netaña cam ỹalamaxatpi ỹaqaỹañecpi. Sauotaique da semeenaxana da huo'otaq ñaq huo'o camayepi.» Nache so Jetro 'enapeco': «Aja', 'aue, qojec, qataq qaica ca da qome da 'icỹaxac.»

Éxodo 4:27

Qaq Ñim Nataxala' sogote da 'enapega so Aarón, 'eeta': «'Anqo'ona qome ye toolec 'alhua da 'auqata'aguet na Moisés». Nache so Aarón jec, qaq nache natena'aguet so Moisés co'ollaq hualec añi qasoxonaxa maye lalamaqte Ñim Lo'onatac 'Enauacna. Huaña nache nquine' qataq napigoxoi' somaye.

Amós 1:1

Qaq 'era da la'aqtaxanaxac so Amós, som qagueta lo'o maye lma' ye Tecoa, dam lauanaqchec maye chegoqo'ot Ñim Lo'onatac 'Enauacna, maye taỹa'a da talec na Israel le'ecpi, co'ollaq saxanaqcaua soua dos vi'iye da nvi' so nacholaxanaxa ana 'alhua, maye huetoigui da lo'onataxanaxac so Uzías, maye nta'a ye Judá, qataq da lo'onataxanaxac so Jeroboán, som llalec so Joás, maye nta'a ye Israel.

Malaquías 4:4

Qantoñeeta'aque qome, naua iqataxaco maye sanema co'ollaxa so ỹamaxashec Moisés, co'ollaq huaña añi qasoxonaxa Horeb, naamaye nachenaua na llapaxayiñi lataxaco, qataq ỹamaxasoxonaxaco da yaqto' 'enauac na israel le'ecpi iuen da ỹalaxaleguete.

Números 10:29

Huo'o so na'a'q, nache so Moisés 'enapega so lacho' Hobab, som llalec so Reuel maye lma' ye Madián, 'eeta': Qomi' ñeqo'onaxa ye 'alhua maye qomi' ỹachaxanapecoto co'ollaxa Ñim Nataxala'. Ỹoqo'oye qomi' 'auca'ateguelo qome, qaq qomi' 'am sechoxorenaq qome. Cha'aye Ñim Nataxala' ỹachaxana da lchoxonnataxanaxa na Israel.

Números 10:33

Huaña co'ollaxa, nache so Israel le'ecpi, ca'ai añi qasoxonaxa maye lalamaqte Ñim Nataxala', nache tres na'axa'te soua lqueuoxoqui'. Qataq qaica'attaueegue aso arca maye laỹe' da naỹamaxataxac Ñim Nataxala', nache qanmittaique ca huaña da qanayeua'a.

Lucas 2:8

Qaq nacheso se'eso pe da huo'o so qagueta lo'opi maye ilotague' aso lalopi huetauga ye saqaỹapeque ye nỹecpi maye le'enaxat Belén.

Hechos 7:30

Qaq co'ollaq inoxoore'c soua cuarenta vi'iye, qaq so Moisés hueta'a ye toolec 'alhua maye saqaỹapeque añi qaỹoqotcheguemec 'alhua le'enaxat Sinaí. Huaña, nache nachaxana somaye so namaxashec piguem le'ec huetaigui aso qo'oipaq 'ettaigui.

Deuteronómio 1:2

Qaq ivi' soua once na'axa'te da qanayectalec so nqa'aic maye taalec añi qasoxonaxa Seír, qaỹachegoqchiguiña co'ollaxa añi qasoxonaxa ye Horeb ivitta'a ye Cadés Barnea.

Deuteronómio 1:6

«Da la'aqtac Ñim Nataxala' maye Qanatamnaxala', co'ollaq huaña ye Horeb, 'eeta': ‹qami' mashe qaỹoqtegue da qoviitalec ana'ana qasoxonaxa.

Deuteronómio 4:10

Qaq se'eso na'a'q co'ollaq qauataito'ot Ñim Nataxala' maye Qanatamnaxala'ai huaña añi qasoxonaxa Horeb, nache Ñimaye aỹem 'enapega, 'eeta': «'Alaỹona't qome ne'ena nhuo' le'ecpi, yaqto' hua'aqchigui na ỹa'aqtacpi, qataq napaxaguena da huo'o naq 'enec naqa'en Aỹem, da ñaq huo'o da nachaalataxac namayepi, qataq ỹapaxaguenec qome de'era ca llalaqpi.»

Jueces 4:11

Qaq ye saqaỹapeque ye Cedes, maye naña aso encina ye Saanaim, nache netaña so lpe'l so Jéber, som queniita maye ca'ai so laỹepi queniitapi maye chegoxoguetpi so Hobab, som lacho' so Moisés.

1 Samuel 16:11

Nache qaltaq inat somaye, 'eeta': ¿Peta'a qaicaua caua lỹa't 'aỹa'alqa? Nache so Yesé, 'enapeco': Saxanaqca cam ỹoqta na'asolec, qalaxaye camaye ilotague' aca ilo qaguetapi. Nache so Samuel, 'enapeco': Ña 'auamaxasoxoneuga camaye, cha'aye qom saxanaxa da nvireuo camaye, nache saishet da saconaxalec da so'otaq damaye.