Éxodo 27:3 - La'aqtaqa Ñim Lo'onatac 'Enauacna 2013

³ Qaq ca logoxoshetpi aca'aca nca'atoxonaxalate qalaq 'enauac qome da bronce: aca laỹe' ca alo da qalaỹona't, qataq ca lo'o aca poqo, qataq aca ỹomaxaquipi, qataq aca laỹe' aca poqo, qataq ca nquerenaxanaxatpi.

Éxodo 27:3 Iomraidhean Croise

1 Reyes 7:40

Nache so Jirán, ỹo'ot nataqa'en aso taxaquipi, nsheraxanaxatpi qataq aso ỹomaxaquipi. Qaq huaña, nache so Jirán imat da ỹo'ottac 'enauac se'eso lo'onatacpi maye ỹamaxalec so nta'a Salomón, da yaqto' lalamaxat naqa'en aso atamnaxaqui maye lalamaqte Ñim Nataxala':

1 Reyes 7:45

qataq aso taxaquipi, nsheraxanaxatpi, qataq aso ỹomaxaquipi. Qaq 'enauac se'eso no'onatacpi maye so nta'a Salomón, ỹamaxalec da ỹo'ot co'ollaxa so Jirán da lalamaxatpi naqa'en aso atamnaxaqui maye lalamaqte Ñim Nataxala', somayepi 'enauac bronce.

1 Reyes 7:50

qataq aso ỹomaxaquipi, nchegaxanaxatpi, npelegaxanaxatpi, nemaxanaxatpi, qataq aso nchenaxanaxat laỹe', qaq somayepi imauec oro, nataqa'en 'enauac oro so ñegueuo so ndaqa' maye saqaishetapec, qataq so lasompi aso atamnaxaqui.

2 Reyes 25:14

Qaq nataqa'en ỹache so laỹe' so alo, qataq so nsheraxanaxatpi, qataq so nchegaxanaxatpi maye lo'o aso ncoỹaraxanaxaqui, qataq so nemaxanaxat lta'araicpi, qataq 'enauac so laỹe no'onataxanaxatpi bronce maye nhuenecpi da huaña aso atamnaxaqui.

2 Reyes 25:15

Nache se'eso 'amaqtaqaic lamaxashec so nta'a, nataqa'en ỹache so nchenaxanaxat laỹe'pi, qataq so poqo laỹe'pi maye imauec da oro qataq plata.

1 Crónicas 28:17

Nataqa'en ỹanem so oro da yaqto' qaỹo'ot so nquerenaxanaxatpi, nemaxanaqtepi, qataq aso ỹomaxaquipi. Nache naloqnagui ye lcata aso 'oonole aso ỹomaxaquipi, maye qaỹauota'a na oro qataq na plata.

2 Crónicas 4:11

Qaq so Jirán nataqa'en ỹo'ot aso taxaquipi, qataq so nsheraxanaxatpi, qataq aso nemaxanaqtepi, qaq 'era da 'eetec co'ollaq imat da ỹo'ottac 'enauac so nhuenecpi maye ỹamaxaalec so Salomón da yaqto' lalamaxat aso atamnaxaqui maye lalamaqte Ñim Lo'onatac 'Enauacna.

2 Crónicas 4:16

qaq nataqa'en aso taxaquipi, nsheraxanaxatpi, qataq so nquerenaxanaxatpi. Nache 'enauac se'eso no'onataxanaxatpi da ỹo'ot so Jirán, da yaqto' qoỹanem so Salomón da lalamaxat naqa'en aso atamnaxaqui maye lalamaqte Ñim Lo'onatac 'Enauacna, qaq somayepi chegaqaigui na ỹataqta no'on lcat bronce.

Éxodo 24:6

Ime, nache so Moisés ỹacona so laỹe se'eso ntago'q ỹauo'o aso laỹe'pi. Qaq so laỹe se'eso ntago'q, qalaxaye ichegoxolec aso nca'atoxonaxalate.

Éxodo 27:19

Qaq 'enauac ca no'onataxanaxatpi ca npe'l qataq aca qaitoqooñi da yaqto' nllañi aca lauoqtepi ca npe'l, qataq ca lpaqtaxat, 'enauac qome chegaqaigui ca lcat bronce.»

Éxodo 27:2

Qaq caua cuatro lsheeneqa nache netegueta 'anqa'en caua cuatro lcoue. Ime, nache mpa'aỹasheguem 'anqa'en ca lcat bronce da 'alapaxalec aca'aca nca'atoxonaxalate.

Éxodo 27:4

Nataqa'en 'auo'ot ca 'aua'ara't lcat bronce, nache 'auauo'oi caua cuatro la'aitel, netegueta caua cuatro lsheeneqa que'eca 'aua'ara't lcat.

Éxodo 38:3

Qataq ỹo'ot so logoxoshetpi aso nca'atoxonaxalate ndotec naqa'en na bronce, so laỹe' na alo, poqo lo'o, nemaxanaqte, na'araxanaxat, qataq so poqo laỹe'.

Levítico 16:12

Ime, nache ỹacona aca nchenaxanaxat laỹe' maye nlaqchigui aca poqo maye ỹachegoxotalec añi nca'atoxonaxalate, qataq ca lsoche ca nchenaxanaxat maye ama na laita ỹauota'a dos napocna da ỹacona, nache iroua'a ye pa'auo ñi lapoxonaxat ñi npe'l,

Números 4:14

Qataq acamaye, nache qaỹachalec 'enauac ca maiche logoxoshetpi da qaỹo'onataxaatega aca'aca nca'atoxonaxalate, aca poqo laỹe'pi, na'araxanaxatpi, nsheraxanaxatpi, nemaxanaqtepi, qataq 'enauac ca laỹe logoxoshetpi acamaye. Ime, nache qalpataxaalec ca ỹataqta no'on lo'oc, qataq qoỹanaguilo caua lachoxola'ate da qaỹache.