Éxodo 27:1 - La'aqtaqa Ñim Lo'onatac 'Enauacna 2013

¹ «Nataqa'en 'auo'ot qome aca nca'atoxonaxalate, chegaqaigui ana qo'oipaq acacia. Qaq acamaye ivi' qome dos metros y veinticinco centímetros ca lcateueegue 'enauaque caua cuatro laỹel, qataq un metro y veinticinco centímetros ye lshequitcheguema.

Éxodo 27:1 Iomraidhean Croise

2 Samuel 24:18

Qaq nacheso se'eso na'a'q da so Gad nqo'ona so David, nache 'enapega, 'eeta': «Qoñisheguem qome nache 'ano'oxoosheguem aca nca'atoxonaxalate da 'aỹa'anot Ñim Nataxala', naña 'anqa'en ye lchegoxosoxonqa' da ichegoq na trigo so Arauna som Jebús le'ec.»

2 Reyes 16:14

Qaq aso nca'atoxonaxalate bronce, maye netaña ye datatauga aso atamnaxaqui maye lalamaqte Ñim Nataxala', nquigaxat nache ỹanaña yem pa'aigue da la'añaxa, cha'aye aso dalaxai nca'atoxonaxalate nache ñichiguiña naqa'en yem netaña co'ollaxa aso nquigaxat somaye.

1 Crónicas 6:49

Qaq so Aarón qataq soua llalqa, nachesoua soua pa'aỹa'agueta ana qoỹaneuo nachetaqtaxanaqtepi, maye qaỹasaxalec naxa aso nca'atoxonaxalate, maye lmalate anam nachetaqtaxanaqte maye qaỹavigaxatta, qataq aso nca'atoxonaxalate da qaỹavigaxat na nchenaxanaxat. Qaq nataqa'en huetague' 'enauac nam no'onataxanaxacpi maye hueta'a yem ndaqa' maye sa qaishetapec, qataq da yaqto' qaỹapalaxat nam lasouaxashetpi so Israel le'ecpi, da yaqto' ipacchigui da lamaxasoxonaxac co'ollaxa so Moisés, maye lamaxashec Ñim Lo'onatac 'Enauacna.

2 Crónicas 4:1

Qaq so Salomón nataqa'en ỹo'ot aso nca'atoxonaxalate maye chegaqaigui na bronce, qaq asomaye ivi' nueve metros ye lalogaxa qataq nueve metros ye lcategue, qaq ye lshequitcheguema ivi' cuatro metros y medio.

Esdras 3:2

Nache so Josué, maye llalec so Josadac qataq so lauo' le'ecpi, maye nataqa'en ntaxaỹaxanaxanecpi, qataq so Zorobabel maye llalec so Salatiel qataq so lauo' le'ecpi, somayepi ỹacoolec da no'oxoosheguem aso nca'atoxonaxalate maye lalamaqte Ñim Natamnaxala' so Israel le'ecpi, da yaqto' qoỹaneuo aso nachetaqtaxanaqte maye qaỹavigaxatta, da yaqto' qaipacchigui da 'enapec aso nere maye nanettalec na lqataxacpi so Moisés, som nale Ñim Lo'onatac 'Enauacna.

Éxodo 17:15

Nache so Moisés nauaxaỹaxaasheguem aso lca'atoxonaxalate, nache ỹanagui da le'enaxat: «Ñim Nataxala' 'eeta'am aca ỹa'ana maye seca'attalec.»

Éxodo 24:4

Ime, nache so Moisés ỹiyiñi 'enauac na la'aqtacpi Ñim Nataxala'. Nache so nte'etom so lỹa na'a'q, nache no'ottasheguem. Ime, qaq no'oxoosheguem aso nca'atoxonaxalate, ỹaatot na loigue aso qasoxonaxa qataq no'oxooyishegue'm soua doce coma' naloqchiichigui ye lcata soua doce llalqa so Israel.

Éxodo 31:9

qataq aca nca'atoxonaxalate da qaỹavigaxat ca nachetaqtaxanaxat qataq ca lhuenecpi, nỹoxonaxaqui qataq ca lmala' camaye,

Éxodo 35:16

qataq aca nca'atoxonaxalate da qaỹavigaxat ca nachetaqtaxanaxat, qataq ca qaỹa'ara't lcat bronce, qataq caua 'epaxaye maye lachoxola'ate, qataq 'enauac ca laỹe logoxoshetpi, qataq ca nỹoxonaxaqui qataq ca lmala' camaye,

Éxodo 39:39

Qataq aso nca'atoxonaxalate maye chegaqaigui na lcat bronce, qataq so qaỹa'ara't lcat bronce maye naua'alo soua laỹel, qataq soua lachoxola'ate da qaỹache, qataq 'enauac so logoxoshetpi, qataq so nỹoxonaxaqui, qataq so lmala' somaye,

Éxodo 40:10

Nataqa'en 'aucorelec ca ncoraxanaxat aca nca'atoxonaxalate da qaỹavigaxat ca nachetaqtaxanaxat, qataq 'enauac cam no'onataxatpi, nache ỹataqta 'auqui'itaxatta. Qaq acamaye nache ỹataqta sa qaishetapec.

Éxodo 40:29

Qaq aso nca'atoxonaxalate da qaỹavigaxat na nachetaqtaxanaxat, ỹanaña so naloteuga so ñegueuo so npe'l. Ime, nache ỹachalec da ỹavigaxat so lachetaqtaxanaxat shiguiỹacpi, qataq so lsoche na trigo. Qaq nache ipacchigui da lamaxasoxonaxac Ñim Nataxala'.

Éxodo 40:6

Qataq aca nca'atoxonaxalate da qaỹavigaxat ca nachetaqtaxanaxat, nache 'aỹa'anaña ca naloteuga ca ñegueuo ca npe'l.

Números 3:31

Qataq somayepi, nacheso so qaipataxalec da ilo'ogue aso arca maye laỹe' soua aỹamaxataxaco, qataq so lmala' aso nauole maye qaica ca lalegue, qataq aso ncoỹaraxanaxaqui maye siete naua lhua'q, qataq aso nca'atoxonaxalatepi, qataq so laỹe logoxoshetpi, qataq so lapoxonaxatpi, qataq so nhuenecpi.

Números 4:13

Qataq qaiỹota, qanqat na alo aca nca'atoxonaxalate, qataq qalapaxalec acamaye ca hualoq laỹe togaxaraic.

Números 4:14

Qataq acamaye, nache qaỹachalec 'enauac ca maiche logoxoshetpi da qaỹo'onataxaatega aca'aca nca'atoxonaxalate, aca poqo laỹe'pi, na'araxanaxatpi, nsheraxanaxatpi, nemaxanaqtepi, qataq 'enauac ca laỹe logoxoshetpi acamaye. Ime, nache qalpataxaalec ca ỹataqta no'on lo'oc, qataq qoỹanaguilo caua lachoxola'ate da qaỹache.

Hebreos 13:10

Som ntaxaỹaxanaxanecpi da qaitaxaỹapegue' Ñim Lo'onatac 'Enauacna maye hueta'a co'ollaxa aso togoshe no'onaxanaxaqui da qaỹo'oxoren Ñimaye, somayepi saishet da qaỹashenem da chec nam huetalec añi qarca'atoxonaxalate.