Éxodo 26:6 - La'aqtaqa Ñim Lo'onatac 'Enauacna 2013

⁶ Qataq 'auo'ot nataqa'en ca cincuenta ca lemaxaquipi chegaqaigui na oro, yaqto' ishet da qoỹemaxa't que'ecaua napoxonaqa'ate maye nataxau', nache ima'a't yaqto' 'oonolec ca ndaqa' que'eca npe'l.

Éxodo 26:6 Iomraidhean Croise

Éxodo 26:11

Nataqa'en 'auo'ot ca cincuenta lemaxaquipi chegaqaigui ca lcat bronce, yaqto' da qoỹemaxa't aca la'aitepi, nache ima'a't que'eca npe'l.

Éxodo 26:33

Ime, nache que'eca napoxonaxat 'emaxagui ca lemaxaquipi, qaq que'eca napoxonaxat nache ỹa'an ca loga't ca ndaqa' maye qui'itta, qataq ca ndaqa' maye sa qaishetapec, qaq aca laỹe' caua nqataxaco nache 'aỹa'anaña ca pa'auo ca napoxonaxat.

Éxodo 26:5

Nache que'ecaua dos napoxonaqa'ate maye nataxau', caamaye 'auo'ot aca cincuenta la'aitepi naua laỹel ñi 'oonolec laỹe, ime, nache 'auataxaata't.

Éxodo 26:7

'Auo'ot nataqa'en qome caua once ca no'oxonec quetaq laue, yaqto' nache lapoxot ca ndaqa' maye qui'itta.

Éxodo 35:11

nanataqa' maye huaña da qanauane' Ñim Nataxala', nache ỹo'ot aca lauoqtepi, qataq ca lo'oxonaxala'pi acamaye qataq ca l-llecnaxanaxatpi, qataq ca lemaxaquipi ca lquetpi da yaqto' nllañi que'eca npe'l,

Éxodo 36:13

Nataqa'en qaỹo'ot so cincuenta lemaxatpi maye chegaqaigui na lcat oro, da yaqto' qoỹemaxa't se'eso la'auaxanecpi napoxonaxat, nache se'eso npe'l na'atta't se'eso lapoxonaxatpi.

Éxodo 36:18

Qataq qaỹo'ot so cincuenta lemaxatpi chegaqaigui na lcat bronce, da yaqto' qoỹemaxa't se'eso npe'l.

Éxodo 39:33

Nache qoỹanot co'ollaxa so Moisés 'enauac se'eso no'otaxat so atamnaqa', npe'l, qataq so logoxoshetpi, lemaxaquipi so npe'l, 'epaqpi, la'axasoxola' so l-llecnaxanaxatpi, lauoqtepi, qataq aso no'oxonaxalatepi,

Efesios 4:16

Qaq nacheso So Cristo som na'atta'a't naqa'en na 'amqaanataxanaxaicpi, qaq ỹoqo'oye ñi 'oonolec ne'ena na'atta'a'tpi ỹataqta cam lo'onataxanaxac, qataq 'enauac namayepi nacoota't yaqto' na 'amqaanataxanaxaicpi nquictasheguem da lañaxataxac qataq da la'añaxac souaxat da lsoxoyec.