Éxodo 24:4 - La'aqtaqa Ñim Lo'onatac 'Enauacna 2013

⁴ Ime, nache so Moisés ỹiyiñi 'enauac na la'aqtacpi Ñim Nataxala'. Nache so nte'etom so lỹa na'a'q, nache no'ottasheguem. Ime, qaq no'oxoosheguem aso nca'atoxonaxalate, ỹaatot na loigue aso qasoxonaxa qataq no'oxooyishegue'm soua doce coma' naloqchiichigui ye lcata soua doce llalqa so Israel.

Éxodo 24:4 Iomraidhean Croise

Génesis 12:7

Qaq huaña yemaye, nache Ñim Nataxala' nachaxana so Abram, nache 'enapego', 'eeta': «Ne'ena 'alhua, nachena na sanem qome ca 'am chegoxoguetpi.» Qaq huaña, nache so Abram no'oxoosheguem aso lca'atoxonaxalate da iỹaxanot Ñim Nataxala', cha'aye nache huaña co'ollaxa yemaye da nauane' Ñim Nataxala'.

Génesis 28:18

Qaq so lỹa na'a'q, nache so Jacob ñisheguem co'ollaq ña nte'etom, nache ỹacona so coma' maye na'axaatalec co'ollaxa so pe, nache nachaalataxaañi, ime nache icorelec somaye so aceite.

Génesis 28:22

Qaq ne'ena coma' maye ñachaalataxañi, nachena qome na lma' Ñim Lo'onatac 'Enauacna. Qaq 'Am Atamnaxala', nache 'eetai' qome da 'am saata'am, aca ñediezmo maye chegaqaigui 'enauac cam aỹem 'aỹa'anem.»

Génesis 31:45

Qaq huaña nache so Jacob ỹacona so coma', nache nachaalataxaañi,

1 Reyes 11:30

Nache huaña co'ollaxa da so Ajías, nqata'a so dalaxaicolec lapo' maye napotaña, nache ncolaxaañi somaye, nache doce naqa'en so laỹepiolec.

1 Reyes 18:31

Nache somaye ỹacona so doce coma'pi, ipacchigui naqa'en ye lcata so llalaqpi so Jacob, maye Ñim Nataxala' ỹanagui co'ollaxa da le'enaxat Israel.

Esdras 6:17

Qaq huaña nache qoỹanot Ñim Lo'onatac 'Enauacna, so cien huaca llalaqpi da qaỹauo'o nachetaqtaxanaxat qaỹavigaxatta, qataq doscientos so qagueta lhuaraic, qataq cuatrocientos so qagueta llalaqpi, qataq doce soua quetaq, nache qanaloqchiichigui ye lcata so nalamaxat nhuo' le'ecpi maye chegoxoguetpi so Israel, da yaqto' qaỹapalaxat 'enauac na lasouaxashetpi somayepi.

Nehemías 10:1

Qaq 'ena na le'enaxatpi so nanereñipi co'ollaxa: Nehemías, som llalec so Jacalías, maye nta'a co'ollaxa, qataq Sedequías,

Éxodo 17:14

Nache Ñim Nataxala' 'enapega so Moisés, 'eeta': «'Erelec qome aca nere de'era, yaqto' saishet da qaicoua'ai. Ime, nache hua'aqchigui 'anqa'en ñi Josué, da aỹem imauec qome da sapalaxat da na'aqtaguec na amaleciitapi.»

Éxodo 17:15

Nache so Moisés nauaxaỹaxaasheguem aso lca'atoxonaxalate, nache ỹanagui da le'enaxat: «Ñim Nataxala' 'eeta'am aca ỹa'ana maye seca'attalec.»

Éxodo 21:1

Qaq 'ena na iqataxacpi maye 'aua'aqtaxanem qome na Israel le'ecpi, 'eeta':

Éxodo 24:7

Qaq co'ollaq ime, nache ỹacona aso nere maye huetalec da aỹamaxataxac, nache itaxaỹaxan, na'axaỹaxana naqa'en so shiỹaxauapi. Nache somayepi 'enapeco': ‹Qomi' so'otaq qome 'enauac nam qomi' ỹamaxaleguete Ñim Nataxala'›.

Éxodo 28:21

Qaq que'eca coma'pi, nache ivi' doce, cha'aye ivi' doce soua llalqa so Israel. Qaq ñi 'oonolec ca coma'piolec huetalec na le'enaxatpi se'eso nhuo' le'ecpi, 'eeta'am ana na'anaxanaqte.

Éxodo 34:27

Nache Ñim Nataxala' 'enapega so Moisés, 'eeta': «'Iyiñi qome ne'ena na'aqtacpi, cha'aye namaye nachena na na'attalec da ñaỹamaxataxac maye 'am so'otec, qataq na Israel le'ecpi».

Isaías 19:19

Qataq que'eca na'a'q, huo'o qome aca nca'atoxonaxalate da lalamaqte qanqa'en Ñim Nataxala', ñichiguingui na laiñi ye 'alhua Egipto, qataq ye sa qaỹapeque ye loga't yi'iye 'alhua, nache naña qome aca qano'oxoosheguem coma' da yaqto' qaỹo'oxoren Ñim Nataxala'.

Levítico 24:5

'Auacona qome ca ỹataqta no'on 'ayiiña, nache 'auo'o't caua doce nauole qaq cuatro kilos 'anqa'en añi 'oonole,

Números 17:2

Qonapega qome na Israel le'ecpi da ndoreuo caua doce nashelte, qalaxaye ñi 'oonolec na lataxala'pi ndouo aca 'oonole nashelte. Nache 'erelec qome añi 'oonole na le'enaxatpi namayepi.

Lucas 22:30

nache qami' ñeuanaxau', qataq qami' ñeỹomaxau' cam iquia'axala' qom mashe sootaigui ca ỹo'onataxanaxac, qataq nataqa'en qanso'oñiingui acam so'onaxaquipi maye ỹo'oxoraq, da yaqto' qanmichi nam llalaqpi soua doce llalqa so Israel.»

Gálatas 2:9

Qaq ỹoqo'oye so Santiago, Pedro, qataq so Juan maye nataxala'ate qataq 'amaqtaqaiqa, soomaye ỹauattoote' da nacheñi Ñim Lo'onatac 'Enauacna Ñim aỹem tatelec naqa'en de'era no'onataxanaxac. Qaq ỹoqo'oye ñaỹamaxannaqchigui da so Bernabé qataq aỹem sa'aqtaxanaxam da no'on na'axaỹaxac nam saishet da judiopi, qaq soomaye da'aqtaxanem nam maiche lalamaxat lauo' le'ecpi. Ime, nache ñequinaxato, qaq de'era qanquinaxac naigui da soomaye ỹataqta ỹaỹamaxareete' de'era.

Deuteronómio 31:9

So Moisés ỹiyiñi co'ollaxa na nqataxacpi, nache ỹanem so ntaxaỹaxanaxanecpi leviitapi maye nacheso so ỹachetac naxa aso laỹe' da naỹamaxataxac Ñim Nataxala', qataq 'enauac so nqueroxonecpi ye Israel,

Josué 4:20

Qaq nache huaña yemaye da so Josué, ỹacheraña soua doce coma'ye maye ỹachegoxotrangui ye laiñi so Jordán.

Josué 4:5

nache 'enapegalo, 'eeta': «Qanqo'oñiỹaxaama ye laiñi ye tala Jordán, yem hueta'a añi arca maye laỹe' da naỹamaxataxac Ñim Nataxala' maye Qanatamnaxala'ai, qaq ñi 'oonolec da qoñiita ỹacoosop qome ca 'oonolec coma' nache ỹachalec na lallac da nallaguishen, qaq que'ecaua doce coma'ye nache ipacchigui ye lcata na maiche nalamaxat nhuo' le'ecpi maye chegoxogueta naua llalqa so Israel.

Apocalipsis 21:14

Qaq se'eso lcopaqtaxat se'eso nỹecpi somaye no'oxootaleguete qanqa'en soua doce coma'ye. Qaq ñi 'oonolec soomaye, nache nanettaleguete naua le'enaqa'ate soua doce lamaxa'she So Qagueta Llalec.