Éxodo 24:2 - La'aqtaqa Ñim Lo'onatac 'Enauacna 2013

² Chaq 'amta qome maye ishet da aỹem 'anquigueua'a, qaq ca laỹepi, qalaxaye saishet da Aỹem nquigueua'a, qataq saishet da huo'o ca 'arỹatcheguem camayepi.

Éxodo 24:2 Iomraidhean Croise

Éxodo 19:12

Qaq 'aua'an qome ca loga't naua loiguiye añi qasoxonaxa, yaqto' saishet da napacalec ye shiỹaxauapi. Qataq qonapega qome, qoneta': Saishet qome da huo'o ca huenotsheguemec añi qasoxonaxa qataq saishet da huo'o ca sa qaỹapeque naua loiguiye, cha'aye cam napacalec cam na'anec nache ileu.

Éxodo 20:21

Qaq so shiỹaxauapi co'ollaq ñaq qaỹatauga so hueta'a, nache so Moisés tasheguema so lo'oc maye ỹataqta napalñi, som huetaigui Ñim Lo'onatac 'Enauacna.

Éxodo 24:1

Nache Ñim Nataxala' 'enapega so Moisés, 'eeta': «'annotsheguemec qome ana qasoxonaxa da yaqto' 'am setaxaỹapegue', 'annaictague' ñi Aarón, Nadab, Abiú qataq ca setenta lqueroxonecpi na Israel le'ecpi, qalaxaye saishet qome da ỹapac saqaỹapeque qanqa'eñi na soota'a, qataq ỹa'attrañi qome naua l-llecte.

Éxodo 24:13

Ime, nache ñesheguem so Moisés, nache tasheguemec aso qasoxonaxa maye lma' Ñim Lo'onatac 'Enauacna, nnaictague' so ltaua le'enaxat Josué.

Éxodo 24:15

Qaq co'ollaq ime, da la'aqtac so Moisés, nache tasheguemec aso qasoxonaxa, qaq asa'aso qasoxonaxa ỹataqta nauequeelec so lo'oc.

Éxodo 24:18

Nache so Moisés huenoxonoigui se'eso lo'oc da tasheguemec aso qasoxonaxa. Huaña, nache ivi' soua cuarenta na'axa'te qataq cuarenta pe' da huetasheguemec asomaye.»

Éxodo 24:3

Qaq co'ollaq ime da qana'aqtaxaatague' so Moisés, nache ñe'eguelañi da da'aqtaxanem 'enauac so shiỹaxauapi na la'aqtacpi qataq na lqataxacpi Ñim Nataxala'. Nache 'enauac somayepi 'oonolec da lasataxac, 'eeta': ‹¡So'otaq qome 'enauac nam damaxasoxoolecpi Ñim Nataxala'!›

Jeremías 30:21

Nache namayepi chegoqtoigui qome cam lataxala' ca 'oonolec namayepi ilo'ogue qome namayepi, Camaye Aỹem nquigueua'a qome qaq camaye nache huetaua'a qome na ỹaỹe, cha'aye ¿negue't ca sairen da nachaalataxac da nquigueua'a Aỹem? Qaq 'era da ỹa'aqtac Aỹem Nataxala'.

Jeremías 49:19

Qom ñanac qalaq ñeque'elaxatta sheeta'am ca llon, da chegoqtoigui ye aviaq ye Jordán, nache tauga nam no'onaxa maye daralata na 'auaqpi, qaq huaña yemaye nache datauec ñaqa'en na Edóm le'ecpi, qataq so'ot qome da ilo'ogue ñaqa'en cam shiỹaxaua maye lleca'aguishec. Qaq ỹoqo'oye, ¿negue't ca ishet da sheeta'am? ¿Qataq negue't ca ishet da Aỹem ñe'eguene'? ¿Qataq negue't ca qagueta lo'o ca ishet da Aỹem dataỹa'aguet?

Números 16:5

nache 'enapega so Coré qataq so laỹepi, 'eeta': Qonte' nte'eta, nache Ñim Nataxala' ỹa'axat qome chaq negue't que'eca lalamaxat, qataq ca iỹotauga Ñimaye, qaq que'eca lca'ateua'a, nacheca qome ca ishet da taua'a ye lanataqa' Ñimaye.

Hebreos 9:24

Cha'aye So Cristo saishet da inoxonoigui so npe'l maye lo'onatac so choche shiỹaxauapi, na'aictaxa da se'eso npe'l da somaye choche lqui'i acam ỹoqta 'eesa no'onaxanaxaqui. Cha'aye So Cristo taigue da piguem da yaqto' nqo'oneua'a Ñim Lo'onatac 'Enauacna, da qomi' detaqleguete da yaqto' qomi' ichoxore'n.