Éxodo 23:2 - La'aqtaqa Ñim Lo'onatac 'Enauacna 2013

² Saishet qome da 'avi'inaxat na qalota shiỹaxauapi da huotaique ỹo'ot ca sa lataxac. Da ivita da 'auo'ot ca 'ara'aqtaxanaxac, qalaq saishet qome da 'aualecaua'a na qalota shiỹaxauapi, da 'aualecaua'a ca sa lataxac maye qaỹa'axatem ca nta'a,

Éxodo 23:2 Iomraidhean Croise

Génesis 19:4

Qaq co'ollaq saxanaxa da nnaayiñi soomaye, nache 'enauac so shiỹaxauapi maye lma' so huaqta'a't nỹecpi ye Sodoma, som nsoxoppiolec qataq ivira'a so ỹa'axaiquipi, coleesop so nỹec

Génesis 6:12

cha'aye 'enauac so shiỹaxauapi da qauemaicpi. Qaq Ñim Lo'onatac 'Enauacna co'ollaq ila'a da nlaqtelec na qauem ana 'alhua,

Génesis 7:1

Qaq ime, nache Ñim Nataxala' 'enapega so Noé, 'eeta': «'Aunoxonoigui añi notaxaqui, 'arỹatreuo 'enauaque naua 'aỹa'alqa, cha'aye nache 'amta da qoqueelec nam sheetapeguecpi, saishet da qoneta'am nam 'aualecta'aguet shiỹaxauapi.

1 Reyes 19:10

Nache somaye 'enapeco': «Qomye ỹataqta lta'araic da ica'alaxanaxac souaxat da qoneta, 'Am Nataxala' maye Qaica ca 'Auqalanapec, souaxat na Israel le'ecpi da ca'ai da 'anaỹamaxataxac, qataq nlaxaañi aso nca'atoxonaxalatepi maye 'aralamaqte, qataq ỹalauat so 'ara'aqtaxanaxanecpi ỹauota'a so ỹeelonec. Qaq nachaỹemta ño'onañi da ñeca'altauec, qalaq aỹem qanmittaique da huotaique da aỹem qaỹalauat nataqa'en.»

Da na'aqtaguec so Job 31:34

cha'aye souaxat da she'etapeeguet na shiỹaxauapi. Nache saishet da ñapotala't qataq saishet da ñe'emaxatta, souaxat da she'etega da le'enaxanaxac na maiche ihuo' le'ecpi.

Salmos 72:2

Yaqto' da nmit na 'aralamaxat nhuo' le'ecpi qataq na choxoraqpi, qalaq ỹo'otec da ỹaỹamaqchiguiñi qataq nalochiguiñi lataxac.

Proverbios 1:15

Qalaxaye 'am ỹalcolec, saishet qome da 'auca'ategue namayepi, qataq saishet da qoquegue de'era qauem nqa'aicỹaxac camayepi,

Proverbios 18:5

Sa ỹaỹamaxañi da qaiueelec ca huo'o ca lasouaxashet, qataq sa ỹaỹamaxañi da sa qaiueelec ca qaica ca ỹasouaxat.

Proverbios 4:14

Saisheto' da 'auca'ategue da lqauaxac na 'etaxaloxoicpi, qataq saishet da qoquegue da qauem lataxac.

Jeremías 37:15

Nache somayepi ỹataqta dalemataỹa co'ollaxa so Jeremías, nache damaxasoxoolec da qaiuaxan, qataq qaicoñe', qoỹanaigui so lma' so neraxanaxanec Jonatán, som qaỹo'otchigui co'ollaxa da ncoñetaxanaxaqui.

Jeremías 37:21

Qaq huaña nache so nta'a Sedequías damaxasoxoolec so Jeremías da qoỹaataña ye qasoxoc maye nauanaxanaqa' da ncoñetaqa' qanqa'en, qataq 'enauaque naua na'axa'te da qairotegueua'a ana nauole 'ayiiña maye chegoqtegueuga so nqa'aic maye hueta'a na imeetac naxa ana nauole. Qaq damaye nache qoỹeeta'ac co'ollaq ñaqauo'o ana nauole 'ayiiña se'eso huaqta'a't nỹecpi. Qaq 'era da 'eetec da so Jeremías hueta'a so qasoxoc maye nauanaxanaqa'.

Jeremías 38:9

'Am nta'a, de'era ỹo'otec se'eso ỹalleppi ñi Jeremías, damaye ỹataqta lta'araic nalaataxanaxac. Somayepi ỹasaxangui añi nshere ñi Jeremías, qaq ñimaye mashe ileetapigui' souaxat na lqouaxa, cha'aye mashe qaca aca nauole 'ayiiña ne'ena huaqta'a't nỹecpi.

Ezequiel 9:9

Nache Ñim Nataxala' aỹem ỹasateguet, 'eeta': «Da lasouaxashet na nhuo' Israel qataq na Judá le'ecpi ỹataqta lta'araic. Ne'ena 'alhua ỹataqta nlaxagui da nalaataxanaxac, ne'ena huaqta'a't nỹecpi ỹataqta nlaxagui da sa nalogoñi lataxac. Namayepi ipettega da mashe sheca'ai ne'ena 'alhua, qataq sa sauangui nam ỹo'ottacpi.

Levítico 19:15

Saishet da huo'o ca qaỹo'ot sa ỹaỹamaxañi lataxac da qanmit ca huo'o ca lasouaxashet. Qataq saishet da qaiueelec ca choxoraq, huo'otaq ca sallaxanec. Nacherata da qaỹo'ot ca ỹoqta nalochiguiñi lataxac.

Hageo 1:4

«¿Qaq peta'a nacheye yem laloxoqui qanqa'eñi qami', da qoñeetaiguilo naua qarma'achilli' maye ỹaguec da 'onaxaiqa, qaq añim ỹalamaqte atamnaxaqui qalaq ỹataqta qaica ca lyac?

Marcos 15:15

Qaq so Pilato ye huotaique da qaica camachaqca na shiỹaxauapi, nache isouec so Barrabás. Ime, nache damaxasoxoolec da qaỹalaqan So Jesús qaira'a ca nalaqnaxanaxat. Ime, nache qaiuaxaneguet so npe'enaxaqui.

Lucas 23:51

Se'eso José, somaye iuattaique da saqaỹaloq da yo'oq da lo'onataxanaxac Ñim Lo'onatac 'Enauacna. Qaq somaye saishet co'olloxocheye da ỹaỹamaxaren dam ỹo'ot som maiche laỹepi nta'alpi.

Hechos 24:27

Qaq ivi' soua dos vi'iye da 'eeta'ac de'era. Nache so Félix co'ollaq mashe saishet da nta'a, nache anac so Porcio Festo da qoỹanagui da lo'onataxanaxac somaye. Qalaxaye so Félix ye huotaique da qaica camachaqca naqa'en na judiopi, nache queto'ot co'ollaxa da icoñettai' so Pablo.

Hechos 25:9

Qalaxaye so Festo ye nshetaique da qaica camachaqca naqa'en na judiopi, nache inat so Pablo, 'eeta': –¿'Anshetaique peta'a da 'aigue da Jerusalén, da yaqto' hua'ague damaye da 'am ñimit da huo'otaq 'en da huo'o ca 'arasouaxashet?

Romanos 1:32

Namayepi ỹaỹateeta da Ñim Lo'onatac 'Enauacna la'aqtac da cam ỹo'ottac ne'enapi, nache taỹa'a da l-leuaxa. Qalaxaye namayepi saishet da nachaqrata da ỹo'ottac damaye, nachaqrata da nataqa'en ntooteguec cam lỹa shiỹaxaua maye ỹo'ot nataqa'en de'era.

Deuteronómio 1:17

qataq da qanmiche ca nasouaxashet, nache saishet da qalca'aitagui na shiỹaxauapi, da choxoraq huo'otaq sallaxanec. Qataq saishet da huo'o ca qayi'iitega, cha'aye ñi nmit na nasouaxashet, Nacheñi Ñim Lo'onatac 'Enauacna. Qaq da huo'o ca ỹataqta qalaqaic, nache aỹem qandoiua'a yaqto' maiche soicnapec da ñemit.›

Deuteronómio 16:19

Qataq saishet qome da ỹashaxanec da nalochiguiñi lataxac, qataq saishet da lca'atagui na shiỹaxauapi, qataq saishet da ỹaconeguet aca nsheetenaxanaqte, cha'aye aca nsheetenaxanaqte iqanamaqchet ca ỹaanaxanaxaic, qataq ỹashaxanec ca la'aqtac ca shiỹaxaua maye no'on da lataxac.

Deuteronómio 24:17

Saishet qome da qauo'ochec ca sa ỹaỹamaxañi ca ỹaqa'a ca chegaqa'ague, qataq ca saploq, huo'otaq da qauacoñiỹa ca lpatanec lapo' aca pa'ai.

Josué 24:15

Qalaxaye da sa qavio'oxoreñi Ñim Nataxala', qaq no'on da qalca'aiua'a nagui cam qavio'oxoreñi: da nachena nam atamnaxala'pi maye natameetacot co'ollaxa so hua'au qarta'ailpi co'ollaq ñaq neta'atague da le'ego so tala Éufrates, huo'otaq na natamnaxala'pi na amorreopi, maye lma' co'ollaxa ne'ena na'alhua. Qalaxaye aỹem qataq na ỹalamaxatpi, so'onataxanaqot qome Ñim Nataxala'.»

1 Samuel 15:24

Nache so Saúl 'enapega so Samuel, 'eeta': Aja', 'eesa da huo'o da ỹasouaxashet, cha'aye aỹem ñapacalec da lamaxasoxonaxac Ñim Nataxala', qataq da 'arapaxaguenataxanaxac, souaxat da shi'iỹa'aguet caillaye na ñalleppi, nache so'ot dam la'aqtac.

1 Samuel 15:9

Qalaxaye so Saúl qataq so nalleppi, nache nca'alaxattauec co'ollaxa so Agag, qataq saishet da ỹalauat aso ỹataqta 'onaxai qaguetapi, qataq so huacapi, qataq so chaxaraic huaca llalaqpi, qataq qagueta lhuaraicpi, qataq saishet da ilaxachigui so ỹataqta no'on nogoxoshetpi, ndotec so qaica ca naigui, qataq qaica ca la'amaqchec da ilaxachigui.