Éxodo 23:1 - La'aqtaqa Ñim Lo'onatac 'Enauacna 2013

¹ «Saishet qome da 'aua'axat ca na'aqtaxanaxac saq 'en, qataq saishet da 'auauaxaiguet ca qauemaic da 'autauanaua'a da ỹa'axat ca sa lataxac.

Éxodo 23:1 Iomraidhean Croise

Génesis 39:17

Qaq co'ollaq mashe nvireuo so lhua, nache da'aqtaxanem, 'eeta': «Som 'arlatac hebreo, maye qomi' 'anauegueua'alo, somaye inoxonoigui ñi ima', nache huotaique da aỹem lauañi'.

2 Samuel 16:3

Nache so nta'a qaltaq inat co'ollaxa somaye, 'eeta': ¿Hua'ague ca neta'ague ca laual so 'ana'aco'? Nache so Sibá 'enapeco': Qomye no'onaña ye Jerusalén, cha'aye somaye ipettega da na Israel le'ecpi, ỹe'eguelaxatem nagui da lo'onataxanaxac so lapi' da yaqto' nta'a.

2 Samuel 19:27

qataq somaye aỹem ỹasaxalec na qauem la'aqtacpi da 'am da'aqtaxanem 'am nta'a. Qalaxaye 'am ỹataxala' maye 'am nta'a, qoneta'am ca nale piguem le'ec Ñim Nataxala', qaq ỹoqo'oye maiche cam aỹem qoneta'ac.

Salmos 101:5

Ca nqañoxottañi da ỹasaxalec ca qauem la'aqtac ca lỹa, nache aỹem ñeuogaxa, saishet da nache queta ñaqa'en da ltaxaỹaxac, cha'aye aỹem sa sesheteguet ca na'amqaanaxaic da lmeenaxanaxac, qataq ca ño'oxonnaxaic da lquiyaqteỹaxac.

Salmos 120:3

'Am nachaxat maye 'am shepecaic, ¿negue't cam 'araueguec da 'auatenachet nam shiỹaxauapi?

Salmos 15:3

qataq ca saishet da ỹasaqtapeguelec ca qauem la'aqtac ca lỹa, qataq saishet da huo'o ca ỹo'otec qauem ca nauochaxaua, qataq saishet da inogoqchet ca lauoreua,

Salmos 27:12

Qataq saishet qome da aỹem 'aỹa'aneguet, da maiche aỹem ỹoiqueetac na ñepa'aguenaxauapi, cha'aye namayepi mashe ỹauo'o na latenataxanaxanecpi da yaqto' aỹem npa'aguena.

Salmos 35:11

Nachaañi na saq'en na'aqtaxanaxanecpi, nache aỹem inattac denataxaateguec na saishet da saỹaten.

Éxodo 20:16

Saishet da 'am tenataxanaxaic da choche 'auo'ot ca lasouaxashet ca 'arỹa.

Éxodo 23:7

Saishet qome da 'aualecaua'a ca na'aqtaxanaxac maye saq 'en, qataq saishet da 'aỹa'aneguet da nalaataguec ca saqca ca ne'enaxac, qataq qaica ca lasouaxashet, cha'aye aỹem saishet da shenapec da qaica ca lasouaxashet cam huo'o ca lasouaxashet.

Proverbios 10:18

Ca saq 'e'n naua la'aqtaqa camaye ỹoxottañi da lquiỹaxa, qataq qaica ca ỹaỹaana'a ca ỹa'axatec ca saq 'en.

Proverbios 12:17

Ca ỹoqta 'eesa ca ỹa'axat qalaq ỹa'axat ca ỹoqta 'eesa lataxac, qaq ca saq'en qalaq ỹa'axat ca saishet da 'eesa.

Proverbios 14:5

Ca na'aqtaxanaxanec maye 'eesa saishet da datenataxan, qaq ca na'aqtaxanaxanec maye saq 'en qalaq ỹa'axat ca saq 'en.

Proverbios 17:4

Ca qauemaic qalaq ỹalaxaguet ca shepecaic, qaq ca shepecaic qalaq na'axaỹaxana ca qauema na la'aqtaqa.

Proverbios 19:28

Ca ỹale saq 'en ca ỹa'axat ỹa'ashaxanai' ca nalochiguiñi lataxac, qaq ca qauemaic qalaq ỹauota'aisalo naua la'aqtaqa da nanorec ca qauem.

Proverbios 19:5

Ca ỹa'axat ca saq 'en qalaq saishet da saqaỹauo'o ca nhuaxanaguec, qataq ca shepecaic qalaq saishet da qoỹet.

Proverbios 19:9

Ca saq 'en ca ỹa'axat saishet da saqaỹauo'o ca nhuaxanaguec, ca shepecaic qalaq iuatta'aguet da nleuaxa.

Proverbios 21:28

Ca saq 'en ca ỹa'axat taỹa'a da qailaxachigui, qaq ca ỹaỹaten da na'axaỹaxanaxac qalaq lhuotta'a ca la'aqtac.

Proverbios 24:28

Saishet da 'auasaxalec ca saq 'en 'ara'aqtaxanaxac ca 'arỹa, qataq saishet da saq 'en ca 'aua'axat.

Proverbios 25:18

Ca shiỹaxaua maye choche datenataxaalec ca nauochaxaua, camaye 'eeta'am aca nhuaxanaxanaqte qo'oipaq, ỹeelonec qataq aca checna ỹaxarai.

Proverbios 25:23

Na quenaquiaxaic maye chegaqa'ague da sheu' ishet da anacot na auot, qataq naua qauema na'aqtaqa ỹo'o't da qauem da nasheguiỹaxac.

Proverbios 6:19

qataq ca saq'en ca ỹa'axat, qataq tenataxanaxaic, qataq deloguiỹa't naqa'en ca nqaỹañecpi.

Jeremías 20:10

Huo'o da sa'aqtega naxa na shiỹaxauapi da nsoxootega't, 'eeta': «¡Ỹataqta vichiguiiñalo da lchec!» Qataq 'eeta': «¡Ñaq qauanaqui sauoqo'o ca lasouaxashet!» Qaq ivira'a na ñauochaxauapi iuatta'a da huo'o ca ñe'enaxac. Nache, 'eeta': «Saiuena'a da ishet da satenachetaq, qataq qoroxonec, nache sauoqo'o ca qarvi'.»

Levítico 19:11

Saishet da qaucachi. Saishet da qauatenataxañi, qataq saishet da huo'o ca ỹatenachet ca lỹa.

Levítico 19:16

Saishet da huo'o ca na'aqtaqa lo'o' da ỹalectaigui ca laỹepi, qataq da taỹa'a naqa'en da lchec da nachaalataxac ca lỹa shiỹaxaua, souaxat ca latenataxanaxac. Qaq 'era da ỹa'aqtac, Aỹem Nataxala'.

Mateo 19:18

Nache so nsoq denataxan 'eeta': –¿Negue't cam namaxasoxonaxacpi? Nache So Jesús 'enapeco': –Qomye saishet da 'aualaataxan; qataq saishet da 'ancachetague' aca sa 'arhua; saishet da 'aucache, saishet da 'auatenataxan da choche 'auauotaique da 'ana'aqchet ca 'arỹa,

Lucas 19:8

Qaq co'ollaq ime da nquia'axac, nache nachaañi so Zaqueo, nache 'enapega So Jesús, 'eeta': –'Am Ỹataxala', aỹem qome secolaxatchiguingui na laiñi da isallaxa. Ime, qaq sanem nam choxoraqpi. Qaq da huo'otaq huo'o ca secachiỹot, nache cuatro da she'eguelaxalec da she'eguelaxatot camaye cam secachiỹa.

Lucas 3:14

Nataqa'en anac so huataxanaqpi, da inattaco' so Juan, 'eeta': –Qaq qomi', ¿hua'ague ca shenaqtec? Nache so Juan 'enapeco': –Qami' maye qauayiñiitalec na shiỹaxauapi qataq qoñiỹapega da qami' ỹanema aca alom da yaqto' ishet da qauachaxañiỹapecot da lactapiguiñi. ¡Saishet da qavi'iguelaqailec da nache qoñiitec de'era, nachaqrata da qantoñiiteguec añi qansheetenaqchi!

Juan 7:51

–Nam namaxasoxonaxaco maye qomi' qoỹanema co'ollaxa, naamaye ỹa'axa't da qomi' saishet da so'otaq ca nhuaxanaguec ca shiỹaxaua, da huo'otaq saxanaxa da ña'axaỹaxanaxa.

Romanos 3:8

Qaq da nache 'eetec de'era, qaq ¿ta'ainco' qone' ye sa qaỹo'ot cam sa ỹaỹamaxañi, yaqto' ishet da anac cam ỹaỹamaqchiguiñi? Qaq 'era dam huo'o na 'eetega da sapaxaguenataxanaqtapeguec, cha'aye qauem da lhuennataxa. Qaq ỹoqo'oye ne'ena shiỹaxauapi huo'o qome ca nhuaxanaguec.

Efesios 4:25

Qaq ỹoqo'oye ñi 'oonolec saishet da ỹatenachettac ca lỹa. Cha'aye 'enauac qomi' ña'araqtaua'a da 'oonolec no'ocỹaxac. Ỹoqo'oye ñi 'oonolec da qoñiita ỹataqta 'eesa qome da huo'o ca la'aqtac.

Deuteronómio 5:20

Saishet da qauema naua 'ara'aqtaqa da 'autaqtega ca 'arỹa.

2 Timoteo 3:3

Namayepi ỹataqta qauemaicpi qataq quiỹaxanaqtaqaicpi. Qataq ỹasaqteguelec da latenataxanaxac na laỹepi qataq saishet ncherapec qataq sa ỹañoxot da nllañi da lqopitaxanaqtaic. Qataq nquiỹa 'enauac nam ỹaỹamaqchiguiñi.

1 Pedro 3:16

Qalaxaye qauacheetaigui da qarauotaxanaqtaiqui qataq da 'enec qanqa'eñi namayepi. Qataq qano'onaxacheela't qami' maye qoquiitague' So Cristo, yaqto' saishet da tatapigui da qarvilli da huo'o ca qarasouaxashechi. Yaqto' nam sa iyacnapec da detaxaỹa da no'on qarataxaqui, namayepi ishet da maiche na'aloxon souaxat naua maiche la'aqtaqa.

Apocalipsis 12:10

Nache sa'axaỹa so na'aqtac ỹataqta alam, chemqot na piguem, 'eeta': «¡Ñim Qarta'a maye Lo'onatac 'Enauacna nca'alaxatec na lalamaxatpi; qataq ỹachaxan da la'añaxac, qataq nachaqñita da Nta'a! Ñi Lca'aguishec Ñimaye, mashe do'onataxan, ilo'ogue 'enauac na huetalec ana 'alhua. Cha'aye so pa'aguenataxanaxaic mashe qaỹamaqauec na piguem, cha'aye ima'ape naua na'axa'te qataq naua pesa'ache, da nachattaua'a Ñi Qarta'a maye Lo'onatac 'Enauacna da ỹa'axattauo na 'eetega lasouaxashetpi na qarqaỹañicpi.