Éxodo 22:8 - La'aqtaqa Ñim Lo'onatac 'Enauacna 2013

⁸ Qalaxaye da huo'otaq saishet da qaỹanata que'eca cachaxaic, nache que'eca lalamaxat que'eca nỹec, camaye iuen da qaỹauegueua'a aca atamnaxaqui maye lalamaqte Ñim Nataxala' da yaqto' ỹa'axatta da saishet da ỹacona ca lalamaxat ca lỹa.

Éxodo 22:8 Iomraidhean Croise

1 Reyes 8:31

Qaq da huo'otaq huo'o ca 'oonolec da huo'o ca lasouaxashet, souaxat da ỹo'otec ca saỹaỹamaxañi ca lỹa, nache da qanauegueua'a añi nca'atoxonaxalate maye netaña ana'ana atamnaxaqui, da ỹan qanqa'en ca la'aqtac,

1 Crónicas 23:4

Qaq somayepi nache qaỹachegoxotaigui so veinticuatro mil da yaqto' ilo'ogue da no'onataxanaxac asom atamnaxaqui, qaq so seis mil, qoỹanem da 'amaqtaqaic nataxala'pi, qataq da nmit nam nasouaxashetpi,

Salmos 82:1

Ñim Lo'onatac 'Enauacna nachaañi da ilo'ogue da laponaxac na laỹepi atamnaxala'pi, nache huetangui namayepi da lapaxañi da lataxac da huo'o ca nmit.

Éxodo 21:6

nache que'eca na'aco' iuen da ỹauegueua'a yem lanataqa' Ñim Lo'onatac 'Enauacna, nache naloteua'a naqa'en ñi lasom da ỹa'arec ana ltela camaye. Yaqto' ỹataqta lalamaxat l-latac.

Éxodo 22:28

Saishet qome da 'aue'enai' ca nmit na nasouaxashetpi, qataq saishet da 'auasaxalec ca qauem 'ara'aqtac cam lataxala' na nhuo' le'ecpi.

Éxodo 22:9

Qaq 'enauac na ỹotta'a't ncachaxatpi, na'aictaxa da huo'otaq nauegaxanaxala' huaca, 'ashena, qagueta, huo'otaq nogoxot, huo'otaq camachaqca nogoxoshet maye deqat, nache da huo'oi caua dos da 'eeta': «Ne'ena maiche ỹalamaxat», nache caamaye qaỹauegueua'alo aca atamnaxaqui maye lalamaqte Ñim Nataxala', cha'aye ca choche datenataxan, nache ỹactec naqa'en aca lasheue da isheete'n ca ỹoqta lalamaxat que'eca 'atet huo'otaq ca nogoxoshet.

Deuteronómio 16:18

Nache 'enauac ñi 'oonolec que'eca huaqta'a't nỹecpi maye ỹotta'a't naua nañalo, maye Ñim Nataxala' maye Qanatamnaxala'ai qami' ỹanema qome, qauauoi qome cam nataxala'pi qataq ca aloico lo'opi, da yaqto' ilo'ogue qataq nalochiguiñi naqa'en da nmit ca nasouaxashet.