Éxodo 22:3 - La'aqtaqa Ñim Lo'onatac 'Enauacna 2013

³ Qalaxaye da huaigui ca na'a'q, nache da l-leuaxa camaye lasouaxashet que'eca dalaataxan. Qaq que'eca cachaxaic, camaye iuen da isheeten ca lcachaxat, qalaxaye da huo'otaq qaca aca alom da isheeten, nache camaye iuen da qaimen yaqto' isheeten ca lcachaxat.

Éxodo 22:3 Iomraidhean Croise

Génesis 44:10

Qaq huaña nache so ilotague' so nma', 'enapeco': «Aja', dam qoñiỹapec, nachera qome da qaỹo'ot. Qalaxaye nachaqcata qome ca hueto'ot aca ỹomaxaqui maye ishet da sauo'o ỹamaxashec, qaq caua lỹa't qalaq huesochiyiñi qome, qaica ca lasouaxashe't.»

Éxodo 21:2

«Da huo'o ca desheenaxana ca hebreo le'ec da yaqto' l-latac, nache camaye seis vi'iye da do'onataxaatac qanqa'en, qalaxaye ca vi'i siete nache camaye huesoueeguesop da nlataguec, qataq saishet da iuen da ỹauo'o aca lsheetenaxanaqte.

Éxodo 21:34

nache que'eca lalamaqte aca nshere, camaye isheeten ca lalamaxat que'eca shiguiỹac, cha'aye ỹasouaxat da ileu, qalaxaye nache no'ona'aguet cam shiguiỹac maye ileu.

Éxodo 22:2

Qaq da huo'o ca cachaxaic da qaỹauanalec da decachetac, qaq da qaique'emaqchet, nache da huo'otaq ileu, qaq que'eca deque'emaqtaxan saishet da lasouaxashet da l-leuaxa camaye.

Isaías 40:2

da qaua'aqtaxañim na hueta'a ye Jerusalén qalaq huesotte' naua qara'aqtaqalle', qataq qaua'aqtaxañim da mashe ime da nlataguec, qataq mashe ime da isheeten nam lasouaxashetpi, qataq 'eeso'oya' da mashe ỹapacauec da nhuaxanaguec maye chegoqchigui da lhuaqỹaxac Ñim Nataxala' souaxat nam lasouaxashetpi.»

Isaías 50:1

Ñim Nataxala', 'eeta': «¡Saishet qome da qaupicheetega da salat na Israel maye 'eeta'am aca qarachi'i, da sheeta'am ca ỹale da ỹalat aca lhua, huo'otaq da qami' seme'n co'ollaxa da yaqto' qami' nlataqa souaxat da huo'o ca hueto'ot aca ỹavigaxaiste! Maye qami' qaime'n co'ollaxa cha'aye huo'o da qarasouaxashichi, na Israel maye 'eeta'am aca qarachi'i qaỹalat co'ollaxa, cha'aye qami' sa qaualaqai.

Mateo 18:25

Qaq se'eso namaxashec, somaye ye qaca aca alom da desheetenaxana. Nache se'eso nta'a damaxasoxoolec somaye da qaimen, da qaỹauo'o namaxashec lỹaueegue' aso lhua qataq soua llalqa, qataq 'enauac so logoxoshetpi, da yaqto' aca lasheue somayepi ishet da qaisheeten aso lavigaxaiste somaye.

Jueces 10:7

Ỹoqo'oye Ñim Nataxala' ỹataqta dalemataỹa somayepi, nache ỹaneguet da la'añaxac so filisteopi qataq so 'amoniitapi.

Jueces 2:14

ỹoqo'oye Ñim Nataxala' ỹataqta dalemataỹa so Israel le'ecpi, nache ỹaneguet so cachaxaicpi da yaqto' nhuotta somayepi, qataq so mpa'aguenaxauapi maye maiche lauoreuapi nauec somayepi, nache saishet da dataỹa'aguet.