Éxodo 22:1 - La'aqtaqa Ñim Lo'onatac 'Enauacna 2013

¹ Qaq da huo'o ca decachiỹa ca nauegaxanaxala' huaca, huo'otaq qagueta, nache ỹalauat huo'otaq imen, nache camaye iuen da desheetenaxanalo caua lỹa't cinco huaca da isheeten que'eca huaca, qaq da huo'otaq qagueta nache lasheue naqa'en caua lỹa't cuatro qagueta.

Éxodo 22:1 Iomraidhean Croise

2 Samuel 12:6

¡Qaq camaye iuen da isheeten qome asotai' qagueta, nache cuatro da ỹe'eguelaxalec da isheeten da ỹataqta lasheechiỹaxac asomaye. Cha'aye saishet da dechoxonnataxan da ỹo'ot de'era!

Éxodo 21:36

Qalaxaye da nache 'eetai' da qaỹaỹaten da lataxac que'eca huaca da togoxosoxonaxaic, qalaxaye ca na'aco' da saishet da ỹoqocha'a, nache camaye iuen da isheeten ca lalamaxat que'eca huaca, ỹaneguet ca lỹa huaca nca'altauec, qalaxaye que'eca ileu taỹot camaye.»

Proverbios 14:4

Da qaica ca nauegaxanaxala'pi huaca, nache qui'itchigui ca laỹe' na ala na trigo, cha'aye da la'añaxac ca nauegaxanaxala'pi nquiguec naqa'en na ala na nañiguishec.

Proverbios 6:31

qaq da qaỹauanalec da decachetac, nache camaye iuen da siete da ỹe'eguelaxalec da isheeten ca lcachaxat, qataq ivira'a da ỹanec 'enauac ca lalamaxatpi.

Jeremías 2:34

Naua 'ogo qalaq huaguilo na ntago'q nam ltago'q na choxoraqpi qataq nam qaica ca ỹasouaxat, nam shiỹaxauapi maye saỹauano' da 'auauanalec da ỹo'ottac ca qauem.

Ezequiel 33:15

nache ỹe'eguelaxat cam qaipatano'ot co'ollaxa nogoxoshet, huo'otaq ca decachiỹa co'ollaxa, qataq ipaqueelec nam nqataxacpi maye ỹan da nca'alaxa, qataq ỹaxaañi da ỹo'ottac cam qauem, nache camaye saishet qome da ileu, nacherata da nca'altauec.

Números 5:7

nache camaye iuen da ỹa'axat ca lasouaxashet. Qataq isheeten que'eca shiỹaxaua maye hueto'ot ca lasouaxashet, qataq ipacchigui naqa'en aca lasheue ca lasouaqtac, qataq ỹauo'o aca ỹactec da isheeten camaye.

Lucas 19:8

Qaq co'ollaq ime da nquia'axac, nache nachaañi so Zaqueo, nache 'enapega So Jesús, 'eeta': –'Am Ỹataxala', aỹem qome secolaxatchiguingui na laiñi da isallaxa. Ime, qaq sanem nam choxoraqpi. Qaq da huo'otaq huo'o ca secachiỹot, nache cuatro da she'eguelaxalec da she'eguelaxatot camaye cam secachiỹa.