Éxodo 21:8 - La'aqtaqa Ñim Lo'onatac 'Enauacna 2013

⁸ Qaq ca na'aco' da saishet da ỹacona da ỹauo'o lhua, souaxat da sanqopita acamaye, nache camaye iuen da ỹasheeta da huo'o ca desheenaxana acamaye na maiche lalamaxat lauo' le'ecpi, qalaxaye saishet da imenot ca chegaqauec.

Éxodo 21:8 Iomraidhean Croise

Génesis 28:8

Qaq huaña, nache so Esaú ỹaỹaten da so lta'a ỹataqta sa ỹaỹamaxaren so 'alpi maye lma' ye Canaán.

Da na'aqtaguec so Job 6:15

Qalaxaye na ỹaqaỹañicpi aỹem ỹatenachet, 'eeta'am da la'añaxac ca la'auaxac, qataq 'eeta'am aca lacheugue da ipaxaalec qataq 'em,

Éxodo 21:7

Qaq da huo'o ca imen aca llale da yaqto' nlata, nache acamaye saishet da qaltaq qaisouec da huo'otaq 'eeta'am ca ỹale da nlatac.

Éxodo 21:9

Qalaxaye da huo'otaq ỹami' ca llalec da ỹauo'o lhua acamaye, nache acamaye ỹataqta 'eco' llale naqa'en.

Éxodo 8:29

Nache so Moisés 'enapeco': «Qom choche sheca'ai ne'ena, nache aỹem seỹaxanot Ñim Nataxala', da yaqto' nqateeguesop 'am ana ncoga nataqa'en na 'artauapi qataq na 'arhuo' le'ecpi, qalaxaye saishet qome da choche qomi' 'auatenachetta'ape da 'anqanaxattac na Israel le'ecpi, da yaqto' jec da ỹavigaxat aca lachetaqtaxanaqte da ỹanot Ñim Nataxala'».

Ezequiel 15:8

Qaq souaxat na lasouaxashetpi namayepi, nache she'eguelaxata qome da toolec na na'alhua namayepi. Qaq 'era da ỹa'aqtac, Aỹem Nataxala'.»

Deuteronómio 20:7

Qaq da huo'o ca ỹale da mashe detaxaỹapegue' co'ollaxa aca 'alo da huaroneguet, nache da saxanaxa da huaroneguet acamaye, qaq no'on da ỹe'eguelaxa ca lma' da yaqto' huaroneguet acamaye, cha'aye sa iuena'a da ileuauga ca alaataqa' nache ishet da ỹaqa'a ca huaroneguet acamaye.

Jueces 14:3

Qalaxaye soua lta'al 'ena'apo': ¿Peta'a qaca aca 'alo na maiche 'arhuo' le'ecpi, huo'otaq na laỹepi Israel le'ecpi da 'auauotaico' da 'auachegoxotaigui aca 'arhua ye filisteopi maye sa qara'amaqtenaxanaxaua? Nache so Sansón 'enapeco': Qomye asa'aso qa'añole, nachaso aso ỹoqta ñeqopita. Ỹoqo'oye sauotaique da qauquiguiỹaua'a da yaqto' saroneguet asomaye.

Jueces 9:19

Qalaxaye nagui qami' shenapegalo: ¡Da ỹoqta 'eesa da ỹaỹamaqchiguiñi, qataq da ỹoqta lataxac qanqa'eñi da qauo'ochec so Yerubaal qataq na llalaqpi, nache ñi Abimelec ỹataqta qami' machiyiñi naqa'en qome, qataq ñimaye ỹataqta machiguiñi qanqa'aiñi!

1 Samuel 18:8

Qaq de'era ỹataqta sa ỹaỹamaxaren so Saúl, ỹoqo'oye dalemata, nache 'eeta': So David qaimatalec da qoỹeetega ỹalauat so diez mil ỹalleppi, qaq aỹem qalaq qoỹeetega mil souatai' salaua't. ¡Qaq nachaqrato' da ichiỹa'a da qoỹanagui da nta'a!

1 Samuel 8:6

Qalaxaye so Samuel, ỹataqta sa ỹaỹamaxaren de'era, cha'aye qaiỹaxaatacot da ỹauo'o ca nta'a da ilo'ogue naqa'en somayepi, nache somaye nqouagaxaunot Ñim Nataxala',