Éxodo 21:6 - La'aqtaqa Ñim Lo'onatac 'Enauacna 2013

⁶ nache que'eca na'aco' iuen da ỹauegueua'a yem lanataqa' Ñim Lo'onatac 'Enauacna, nache naloteua'a naqa'en ñi lasom da ỹa'arec ana ltela camaye. Yaqto' ỹataqta lalamaxat l-latac.

Éxodo 21:6 Iomraidhean Croise

1 Reyes 12:7

Nache somayepi 'eeta': Qom ỹoqta 'aulo'oguet se'eso shiỹaxauapi, qataq da ỹataqta 'anonaxa't naua 'ara'aqtaqa da 'auasateguet somayepi, nache somayepi nache 'eetai' qome da 'am do'onataxaatacot.

Salmos 82:1

Ñim Lo'onatac 'Enauacna nachaañi da ilo'ogue da laponaxac na laỹepi atamnaxala'pi, nache huetangui namayepi da lapaxañi da lataxac da huo'o ca nmit.

Éxodo 12:12

Qaq que'eca pe nache Aỹem ñanaguelec 'enauac na Egipto. Nache salauat 'enauac na la'auaxanec llalec na Egipto le'ecpi, nataqa'en nam la'auaxanec llalec na na'atetpi. Qataq sauo'o da nhuaxanaguec 'enauac na l-latacpi na Egipto le'ecpi. Aỹem Nataxala', 'era da ỹa'aqtac.

Éxodo 21:22

Da huo'oi caua nhuaxana't ỹale't, nache da ivira'a da ique'emaqchet aca 'alo hualaxai, qataq ỹo'ot da na'aqñi ca llalec, qalaxaye da qaica ca machaqca da nachaalataxac aca'aca 'alo, nache que'eca dasouaqtaxan isheeten aca iỹaxanaique ca lhua aca'aca 'alo, qalaxaye ipacchigui aca lasheue maye ỹanagui ca nmit qataq ỹaỹamaxaañi da lataxac.

Éxodo 21:5

Qalaxaye que'eca nlatac da sa ỹaconeguet da qaisoueeguesop da nlataguec cha'aye ỹauotec aca lhua, qataq caua llalqa qataq cam na'aco',

Éxodo 21:7

Qaq da huo'o ca imen aca llale da yaqto' nlata, nache acamaye saishet da qaltaq qaisouec da huo'otaq 'eeta'am ca ỹale da nlatac.

Éxodo 22:28

Saishet qome da 'aue'enai' ca nmit na nasouaxashetpi, qataq saishet da 'auasaxalec ca qauem 'ara'aqtac cam lataxala' na nhuo' le'ecpi.

Isaías 1:26

Qataq na nmit na nasouaxashet maye 'am netaigui she'eguelaxata qome dam no'on lataxac, qataq nam ỹan da nqataxac 'eeta'am ñaqa'en so chegoqchiguiña co'ollaxa. Qaq qom ime da so'ot de'era, nache qaỹe'eguelaxa da 'am qaỹamata'ac, ‹Huaqta'a't nỹecpi maye huetaigui da ỹaỹamaqchiguiñi lataxac›, ‹Huaqta'a't nỹecpi maye laxaraic›.

Levítico 25:23

Qaq ca 'alhua saishet da ỹoqta qaimen, cha'aye 'enauac camaye ỹalamaxat, qataq ye qami' saishet da nache 'eetai' da qoñiitalec camaye, cha'aye qami' qoñiita'am ca chegaqauec maye choche ñamaxasoxoic.

Levítico 25:40

Nacherata da 'aue'enaxattem ca yo'oqchigui 'onataxanaxaic, huo'otaq ca 'anamaxasoxoic. Nache camaye 'am do'onataxaatacot, ivitta'a ca vi'i maye laloxoqui da ỹe'eguelaxa da huesochiguiñi 'enauacna.

Sofonías 3:3

Nam lataxala'pi qalaq 'eeta'am na llonpi da desoqtai'; qaq nam nmit ca nasouaxashet, qalaq 'eeta'am na qa'alaqpi maye huetauga na no'onaxa, maye saishet da no'onaxatañi ca 'oonolec lpi'inec da iviraxata'aguet ca lỹa na'a'q.

Deuteronómio 1:16

Qaq se'eso nataxala'pi maye nmit na nasouaxashetpi sanem co'ollaxa de'era nqataxac, 'eeta': ‹Da qanmiche ca lasouaxashet na shiỹaxauapi, nache 'enauac ca qami' naua'alo na maiche qarhuo'oi le'ecpi qataq nache 'ena'am ca chegaqauecpi maye qami' netaiguilo, nache qauo'ochec ca ỹaỹamaqchiguiñi lataxac,

Deuteronómio 15:16

Qaq da huo'otaq sa nashen da jec que'eca 'arlatac, cha'aye 'am ỹa'amaqteguet qataq ca 'aỹa'alaqpi souaxat da 'auaỹamaxatchiguiñi da 'am neto'ot,

Deuteronómio 15:17

nache 'auacona aca 'ara'araxanaqte, nache aca ltela da'am camaye 'auauaxaỹaxaalec ca lasom ca 'arma' da 'aua'arec, yaqto' camaye ỹataqta 'aralamaxat 'arlatac.

Deuteronómio 16:18

Nache 'enauac ñi 'oonolec que'eca huaqta'a't nỹecpi maye ỹotta'a't naua nañalo, maye Ñim Nataxala' maye Qanatamnaxala'ai qami' ỹanema qome, qauauoi qome cam nataxala'pi qataq ca aloico lo'opi, da yaqto' ilo'ogue qataq nalochiguiñi naqa'en da nmit ca nasouaxashet.

1 Samuel 1:22

qalaxaye aso Ana saishet da jec, ỹoqo'oye 'enapego' so lhua, 'eeta': «Aỹem saishet da ashec nato' qom ivita da ỹaxaañi da l-llepaxac na nogotolec. Huaña qome nache serouo da sanot Ñim Nataxala' qalaxaye nache naña qome yemaye.»

1 Samuel 27:12

Qaq so Aquis, pe'etega co'ollaxa so David, cha'aye 'eetaco' naxa: «Na Israel le'ecpi ỹataqta nquiỹa nagui ñi David, souaxat na ỹo'ottacpi ñimaye, qaq ỹoqo'oye nache 'eetai' qome da aỹem do'onataxaatacot.»

1 Samuel 28:2

Nache so David, 'enapeco': Aja' ỹaỹamaqchiguiñi, qaq nagui 'am nta'a, nache 'auaỹaten da ỹataqta ñalaua'a da so'ot de'era. Nache so Aquis, 'enapeco': Da 'eetec de'era, nache 'am sanem da nache 'eetai' da 'am lataxala' nam aỹem nauaatalec qome.