Éxodo 21:2 - La'aqtaqa Ñim Lo'onatac 'Enauacna 2013

² «Da huo'o ca desheenaxana ca hebreo le'ec da yaqto' l-latac, nache camaye seis vi'iye da do'onataxaatac qanqa'en, qalaxaye ca vi'i siete nache camaye huesoueeguesop da nlataguec, qataq saishet da iuen da ỹauo'o aca lsheetenaxanaqte.

Éxodo 21:2 Iomraidhean Croise

Génesis 27:28

Qaq Ñim Lo'onatac 'Enauacna, 'am ỹanem qome ca auot maye chegoqo'ot na piguem, qataq ca no'on alaỹaxac nam nañiguishecpi ana 'alhua, qataq 'am ỹanem qome ca saqalota trigo qataq ca lataxa.

Génesis 27:36

«Nache so Esaú 'enapeco': ¡Mañaxasaco' ye qoỹanagui da le'enaxat Jacob! ¡Mashe dos nagui da aỹem nqovin! Hua'auñi da deuotaxanec da shenec da aỹem ỹe ñalec. Nagui qaltaq deuotaxanec da nchoxonnataxanaxa maye aỹem talec taxa.» ¿Peta'a saishet da huo'o ca lỹa 'auaỹamaxattac 'archoxonnataxanaxa da aỹem talec?

2 Reyes 4:1

Huo'o aso 'alo, maye lhua co'ollaxa so 'oonolec so na'aqtaxanaxanecpi, asomaye 'enapega so Eliseo, 'eeta': Som ihua maye 'aramaxashec co'ollaxa, somaye ileu, qaq 'am 'auaỹaten da somaye ỹataqta huo'o naq 'enec naqa'en Ñim Nataxala'. Qalaxaye anac so lavigaqtaxanaxala', nache huotaique da ỹaue'c soua dos ỹalqa da yaqto' ỹauo'oi l-lataqa.

Nehemías 5:8

Huaña, nache shenapega somayepi, sheeta': «Qomi' ỹataqta huo'o da qarhuogoxo da yaqto' ishet da ñe'eguelaxataxala't na maiche qarhuo' le'ecpi, maye qaimenoigui co'ollaxa so ỹotta'a't shiỹaxauapi da ỹauo'o l-latacpi. Qaq nagui qaltaq maiche qami' da qaumiñiitac na qaralamaxache qarqaỹaipi, maye mashe ñe'eguelaxataxala't co'ollaxa.» Nache 'enauac somayepi ỹataqta ỹe'emaqtom, cha'aye saỹaỹaten ca 'eetec ca lasataxac.

Éxodo 12:44

qalaxaye ca nlatac maye nsheenaxanaxat, camaye ishet da deque'e, qom huo'otaq mashe qaỹauo'o ca na'anaxat na lo'oc.

Éxodo 21:3

Qaq camaye da lamaxaic co'ollaq nvireuo, nache ndotec da ỹe'eguelaq, qaq da huo'otaq huo'o aca lhua, nache nataqa'en lỹatec acamaye da jec.

Éxodo 21:7

Qaq da huo'o ca imen aca llale da yaqto' nlata, nache acamaye saishet da qaltaq qaisouec da huo'otaq 'eeta'am ca ỹale da nlatac.

Éxodo 22:3

Qalaxaye da huaigui ca na'a'q, nache da l-leuaxa camaye lasouaxashet que'eca dalaataxan. Qaq que'eca cachaxaic, camaye iuen da isheeten ca lcachaxat, qalaxaye da huo'otaq qaca aca alom da isheeten, nache camaye iuen da qaimen yaqto' isheeten ca lcachaxat.

Levítico 25:54

Qalaxaye da huo'otaq qaica ca anac da nachaalec que'eca Israel le'ec da ñe'eguelaxaala't, camaye qataq ca llalaqpi, nache camayepi huesochiguiñi da ivita ca vi'i da ỹe'eguelaxalec da huesochiguiñi 'enauacna.

Mateo 18:25

Qaq se'eso namaxashec, somaye ye qaca aca alom da desheetenaxana. Nache se'eso nta'a damaxasoxoolec somaye da qaimen, da qaỹauo'o namaxashec lỹaueegue' aso lhua qataq soua llalqa, qataq 'enauac so logoxoshetpi, da yaqto' aca lasheue somayepi ishet da qaisheeten aso lavigaxaiste somaye.

1 Corintios 6:20

Cha'aye Ñim Lo'onatac 'Enauacna co'ollaq qami' nca'alaxatre'c, nache qami' desheenaxanalo, qaq aso lasheue co'ollaxa da qami' desheenaxanalo ỹataqta late'erai. Ỹoqo'oye iuen da ỹataqta qaumachiỹo'ot Ñim Lo'onatac 'Enauacna da qaro'ocỹaxaqui da qavio'oxoyiñi, yaqto' Ñimaye huo'o da ntonaxac.

Deuteronómio 15:1

Qaq da ivita ca vi'i siete, nache 'auapalaxat 'enauac aca navigaxaistepi maye 'am hueto'ot.

Deuteronómio 15:18

Qaq da 'axanec que'eca 'arlatac, nache saishet da 'aualemataỹa, cha'aye co'ollaq 'am do'onataxaatacot soua seis vi'iye, nache da nsheetenaguec sa ivi' aca lasheue ca 'onataxanaxaic, yaqto' Ñim Nataxala' maye 'Anatamnaxala' ỹauo'o qome ca 'anchoxonnataguec.

Deuteronómio 31:10

nataqa'en ỹanem dam lamaxasoxonaxac, 'eeta': «Da ivita ca vi'i siete, maye huaigui naxa da qaỹapalaxat ana navigaxaistepi, qataq huetoigui da qanayenaiguilo naua npe'lolqa qo'oipaq lcouepi,