Éxodo 21:16 - La'aqtaqa Ñim Lo'onatac 'Enauacna 2013

¹⁶ Qaq da huo'o ca decachiỹa ca lỹa shiỹaxaua, qataq imen, qalaxaye da qailalec da ñaq neto'ot camaye, nache que'eca decache qaỹalauat.

Éxodo 21:16 Iomraidhean Croise

Génesis 37:28

Qaq so Madián le'ecpi maye nmenaxaicpi, co'ollaq nateugueye, nache soua lqaỹa't so José nqatyesheguem somaye. Ime, nache imenot so ismaeliitapi, qaq veinte monedas na plata aso lasheue. Qaq 'era da 'eetec so José co'ollaq qaỹauega ye Egipto.

Génesis 40:15

Cha'aye aỹem choche aỹem qaicachiỹa co'ollaxa, aỹem qaỹachegoxotchiguiña ye na'alhua na hebreopi, qaq ne'ena soota'a qaica ca so'ot saỹaỹamaxañi da yaqto' aỹem qoỹaataigui ana ncoñetaxanaxaqui.»

Éxodo 20:15

Saishet da 'aucache.

Éxodo 21:15

Qaq da huo'o ca ique'emaqchet ca lta'a, huo'otaq aca late'e, nache camaye qaỹalauat.

Éxodo 22:4

Qaq da huo'otaq qailalec que'eca ncachaxat shiguiỹac, qataq da ña nca'altauec da hueto'ot ca decachiỹa, nache camaye dos qanqa'en caua desheetenaxanalo shiguiỹaxac, na'aictaxa da huaca, huo'otaq 'ashena, qalqo' qagueta.

Deuteronómio 24:7

Qaq da huo'o ca qaỹauanalec Israel le'ec da decachiỹa ca maiche lauo' le'ec da ỹauo'o l-latac, huo'otaq imen, nache que'eca cachaxaic qaỹalauat. Qaq 'era da 'eetec da ỹataqta qanqachiiua'a qome 'enauac ca qauem maye qami' huetanguilo.

1 Timoteo 1:10

Qataq ca ỹale da ncachetague' aca sa lhua, huo'otaq ca maiche lỹa 'eeta'am ỹale, nataqa'en ca decachiỹa ca lỹa da imen, nataqa'en ca tenataxanaxaic, qataq ca ỹa'axat ca 'eetega lataxac, qalaxaye choche datenataxan. Qaq da ỹoqta 'eetapeguec ne'ena namaxasoxonaxacpi nshetaique da ỹaỹamaxaañi nam dataỹa'aguet dam ỹataqta ỹaỹamaqchiguiñi napaxaguenataxanaxac

Apocalipsis 18:12

da ndotai' na lmenec oro, plata, qataq ana 'otaqte, qataq na coma' maye le'enaxat perla; qataq na no'on nogoxot maye chegaqaigui na lino, qataq na nogoxot maye qashelgaxaraic naueralec da ltogaxa, qataq na togaxaraic; nataqa'en 'enauac na ỹotta'a't qo'oipaq ama na laita, qataq nam no'onatac maye chegaqaigui na marfil, qataq na le'enaxat bronce, qataq na lcat, qataq na coma' le'enaxat mármol;