Éxodo 2:6 - La'aqtaqa Ñim Lo'onatac 'Enauacna 2013

⁶ Nache aso llale so faraón co'ollaq ỹauaañigui aso npaqtole, nache ilaña so nogotolec nỹeetac. Nache ỹataqta huo'o da lchoxonnataxanaxa, nache 'enapeco': «Ne'ena nogotolec, namaye llalec na hebreo le'ecpi.»

Éxodo 2:6 Iomraidhean Croise

1 Reyes 8:50

Qataq 'auapalaxat qome na 'am hueto'ot lasouaxashetpi ne'ena 'aralamaxat nhuo' le'ecpi, souaxat da 'am dataỹa'aguet. Qataq que'eca mpa'aguenaxauapi maye loxonec namayepi, 'aỹa'anem da ichoxoren qome namayepi.

Nehemías 1:11

'Am Nataxala', 'am ñachoxonnot da ñaq 'auqoche'eguet de'era ñatamnaxac, qataq da nachoxonnaxac ne'ena 'aramaxashecpi, cha'aye huo'o da lyaxa da 'am ỹo'oxoren. Qataq 'am seỹaxanot da yaqto' ne'ena 'aramaxashec ỹañoxot ca 'eetapeguec, qataq ivira'a da ñim nta'a ishet da aỹem ilo'oguet qataq aỹem ỹanem ca lqouagaxanaqtaic.» Qaq se'eso na'a'q qalaq nache aỹem da nỹomaxaqui lo'o se'eso nta'a Artajerjes.

Salmos 106:46

Nache ỹo'ot da ivira'a da 'enauac som mpa'aguenaxauapi somayepi, huo'o da lchoxonnataxanaxa somayepi.

Éxodo 1:22

Qaq so faraón, nache 'enapego' 'enauac so lauo' le'ecpi, 'eeta': «'Enauac na ñiguiñi nogotolec maye llalec na hebreo le'ecpi qauasaqaiñigui qome ye tala, qaq ana nogotole, nache qauauaqaita'a qome da nache nca'altauec.»

Éxodo 2:5

Qaq co'ollaq mashe lcopa'a, nache aso llale so faraón taxaama aso tala da nachel. Qaq soua lamaxashel co'ollaq ñaq quetro'ot na loigue aso tala, nache asomaye ilaxaama aso npaqtole, netaigui so na'aatesat. Nache ỹamaq aso 'oonole soua lamaxashel da ỹe'eguenaxaama asomaye.

Éxodo 2:7

Nache aso lqaỹa se'eso nogotolec taỹa da inat co'ollaxa aso llale so faraón, 'eeta': «¿Peta'a 'auaỹamaxareeta da ñimitaique aca 'alo hebreo lashe da yaqto' illepaxan qataq ỹaqchet ne'ena nogotolec?»

Proverbios 21:1

Da ntoonaxac ca nta'a da huetaiguilo naua lhua'q Ñim Nataxala', qalaq 'eeta'am na 'etaxat so tala da jec, nache taigue cam ỹamaxague Ñim Nataxala'.

Jeremías 34:9

Se'eso aỹamaxataxac nanettalec da 'enauac na huo'o na l-latac huo'otaq l-lata maiche hebreo le'ec, iuen da ỹaxanec, yaqto' qaica ca huo'o ca l-latac na maiche lauo' le'ecpi.

Hechos 7:21

Ime, co'ollaxa nache ỹala't somaye, nache aso maiche llale som lta'a na netaña ye Egipto, asomaye ilalec se'eso nogotolec, nache ỹacona, nache ỹaqchet, 'eeta'am ca maiche llalec.

1 Pedro 3:8

Qaq da pa'atec, qami' iuen da qoviitaigui da 'oonolec da qarhuennataqai, qataq ñi 'oonolec ỹataqta ỹauotec ca lỹa qataq qanaỹaañeta't, yaqto' nache 'eetai' da qana'ayeeta'a't. Qataq ỹataqta qami' soxoraiqa, qataq huesota da qarataxaqui.