Éxodo 2:10 - La'aqtaqa Ñim Lo'onatac 'Enauacna 2013

¹⁰ Qaq co'ollaq ivita da mashe ỹechigui so nogotolec, nache asomaye iroua'a aso llale so nta'a, qaq asomaye nache ỹacona da yaqto' ỹaqchet qataq nache 'eco' maiche lalamaxat llalec, nache ỹanagui da le'enaxat Moisés, cha'aye 'enapeco': «Aỹem ñeqatta, sachegoxotangui so tala.»

Éxodo 2:10 Iomraidhean Croise

Génesis 16:11

'Am, mashe 'am hualaxai, qaq huo'o qome ca 'aỹa'alec, qaq camaye 'aỹa'anagui qome da le'enaxat Ismael, cha'aye Ñim Nataxala' hua'axaỹa da 'anque'eenaxac.

Génesis 4:25

Qaq so Adán qaltaq ỹe'eguelaxalec da hue'eguet co'ollaxa aso lhua, nache asomaye huo'o so llalec, nache ỹanagui da le'enaxat Set, cha'aye 'enapeco': «Ñim Lo'onatac 'Enauacna, aỹem ỹanem na lỹa ỹalec da nmeneguet naqa'en so Abel, som ỹalauat so Caín.»

Génesis 48:5

Qaq nagui naua 'aỹa'alqa Efraín qataq Manasés, maye lañoqo't na Egipto co'ollaq saxanaxa da ñevita ne'ena 'alhua, naamaye maiche ỹalamaqa'ate ỹalqa. Naamaye ỹataqta ỹalamaqa'ate 'eeta'ama so Rubén qataq so Simeón.

2 Samuel 22:17

«Ñim Lo'onatac 'Enauacna, chegoqotcheguema na ỹataqta pa'asheguem, da ỹauota'a na lhuaq da aỹem ỹacoosop, aỹem ỹachegoxotchiguiña ye ỹataqta pa'aguiñi aso auaxai.

Éxodo 2:9

nache co'ollaq ivireuo asomaye, nache aso llale so nta'a maye ilotague' som netaña ye Egipto 'enapego', 'eeta': «Ña 'auache ne'ena nogotolec, qataq nache 'aỹa'aqchet qome, qaq aỹem qome sesheeten da 'aro'onataxanaxac.» Qaq 'era da 'eetec asa'aso 'alo da ỹache se'eso nogotolec da yaqto' ỹaqchet.

Mateo 1:21

Qaq añimaye qom ñiguiñi ca llalec. Qaq 'am nache 'aỹa'anagui da le'enaxat Jesús. Cha'aye nca'alaxateeguesop qome da nhuaxanaguec na lalamaxatpi souaxat na lasouaxashetpi.

Gálatas 4:5

Qaq 'era da 'eetec da lviraxac Somaye, yaqto' ishet da qomi' huesore'c naqa'en da yaqto' saishet da souaqto'ot da lamaxasoxonaxac na nqataxacpi, nache Ñim Lo'onatac 'Enauacna qomi' nanereleguete da yaqto' ỹataqta qomi' llalqa.

Hebreos 11:24

So Moisés nataqa'en huo'o da lpi'iỹaxac Ñim Lo'onatac 'Enauacna, ỹoqo'oye co'ollaq mashe ivira da ỹe, nache saishet da ỹaỹamaxaren da qoỹeetega llalec aso llale so lta'a na netaña ye Egipto.

1 Juan 3:1

¡Ña qauloỹa! Ñim Lo'onatac 'Enauacna maye Nta'a ỹataqta lta'araic da lauotaxanaqtaic da shenaqta, ỹoqo'oye na shiỹaxauapi da qomi' iỹaxanalo, nache qomi' llalqa Ñimaye, qaq damaye ỹoqta 'eesa. Qaq ỹoqo'oye na 'etaxaloxoicpi maye netalec ana 'alhua saishet da qomi' ỹauatto'n, cha'aye nataqa'en saishet da ỹauatton Ñim Lo'onatac 'Enauacna.

1 Samuel 1:20

Huaña, nache aso Ana hualaxai, qaq co'ollaq ivita so laloqo' da deco'o, nache ỹale so llalec, nache ỹanagui da le'enaxat Samuel, cha'aye asomaye 'enapeco': «Seỹaxanot co'ollaxa Ñim Nataxala'.»