Éxodo 19:4 - La'aqtaqa Ñim Lo'onatac 'Enauacna 2013

⁴ Qami' qauauañiichigui co'ollaxa da so'otec so Egipto le'ecpi, qataq da 'eetec da qami' ñauegalo na soota'a. De'era qoyecỹaxaqui 'eeta'am da qoñeetalguete naua laua't so vi'ic.

Éxodo 19:4 Iomraidhean Croise

Isaías 40:31

qalaxaye nam ỹataqta pi'iỹa'a Ñim Nataxala', namayepi dalaxaicta'aguet qome da la'añaxac, nache ishet qome da huaỹo 'eeta'am na vi'ic, qataq ishet da chegaqañi qalaxaye sa nqui'itec, qataq queuoỹapigui' qalaq saishet da nasamñi.

Isaías 63:9

Qaq saishet co'ollaxa da lamaxashec cam nca'alaxatec namayepi, maye nacheñi Ñimaye da maiche nca'alaxatec. Ñimaye isouec namayepi souaxat da lauotaxanaqtaic qataq da lchoxonnataxanaxa, ỹanaxanaxaasheguem qataq nachesheguem huota'aisalo naua lhua'q, 'eeta'am dam ỹo'ottac co'ollaxa soua hua'au' vi'iye.

Oseas 11:1

Co'ollaq ñaq saxanaxa da ỹe na Israel le'ecpi, nache Aỹem ỹataqta ỹauotaxat, qataq sachegoxotchiguiña co'ollaxa ye Egipto da seỹaxana na ỹalaqpi.

Hageo 2:5

Qaq ipacchigui ñaqa'en dam qami' sachaxanapeguema co'ollaq qoquiỹa'ai ye Egipto, da so Saqcha'a Ỹa'añaxac qami' nnaictagueto. Qaq ỹoqo'oye saishet qome da qayi'iitac.

Malaquías 2:10

¿Qaq peta'a saisheto' da 'oonolec Ñim Qarta'a, Ñim Lo'onatac 'Enauacna maye 'enauac qomi' ỹo'o't? Qaq ¿ta'ainco' da ñi 'oonolec da shenaqta ỹatenachettac ca lỹa, nache saishet da sepagaxalec, da naỹamaxataxac Ñim Lo'onatac 'Enauacna, maye ỹo'ot co'ollaq naỹamaxate' som hua'au qarta'alpi?

Deuteronómio 1:30

Ñim Nataxala' maye Qanatamnaxala'ai, Ñimaye hua'auta'ague da qa'aita'ague qataq maiche qami' delocleguete, 'eeta'am co'ollaq huaña ye Egipto,

Deuteronómio 1:31

qataq cai huaña ye toolec 'alhua. Nache qauauañiichigui da Ñimaye ỹataqta qami' nachetrashegue'm choche qami' nviraxatraua'alo ne'ena 'alhua, 'eeta'am ca nta'a da nachetasheguem ca llalec›.

Deuteronómio 29:1

Qaq 'enaua naua na'aqtaqa co'ollaq qaỹo'ot da aỹamaxataxac, maye Ñim Nataxala' ỹamaxalec co'ollaxa so Moisés da ỹo'ot, huaña ye Moab da yaqto' Ñimaye naỹamaxate' so Israel le'ecpi 'eeta'am co'ollaxa so huaña ye Horeb.

Deuteronómio 29:2

Nache so Moisés laỹona't co'ollaxa so Israel le'ecpi nache, 'eeta': Qami' qauauañiichigui co'ollaxa 'enauac nam ỹo'otpi Ñim Nataxala' co'ollaq huaña ye Egipto da ỹo'otec so faraón, qataq so ltauapi qataq 'enauac na lma' co'ollaxa yi'iye 'alhua.

Deuteronómio 4:9

Qaq ỹoqo'oye saishet qome da qaucouaỹa'ai 'enauac na qauauañiichigui, qataq saishet da qaỹa'axañiiuec qom ña qanca'alliitauec, nacherata da qaua'aqtaxañim qome ca qaỹa'alquipi qataq ca qarhuallipi.

Josué 23:3

Qaq qami' qauauañiichigui 'enauac nam qami' ỹo'oteque Ñim Nataxala' maye Qanatamnaxala'ai, qataq da 'eetec naqa'en na ỹotta'a't shiỹaxauapi, cha'aye Ñimaye nacheñi Ñim qami' deloctapegueleguete.

Apocalipsis 12:14

Qalaxaye Ñim Lo'onatac 'Enauacna ỹanema asomaye soua dos laua't na vi'ic, da yaqto' huaỹo da datauec, nache qaỹoqta naqa'en so shiguiỹac leguemaxaic, taỹa so toolec 'alhua da yaqto' Ñim Lo'onatac 'Enauacna ilotague' asomaye iviraxattre'c caua tres vi'iye, qataq ca laiñi ca lỹa vi'i.