Éxodo 19:1 - La'aqtaqa Ñim Lo'onatac 'Enauacna 2013

¹ So Israel le'ecpi ivita ye toolec 'alhua Sinaí, co'ollaq mashe ivi' soua tres ca'agoxoiqa da ca'ai ye Egipto.

Éxodo 19:1 Iomraidhean Croise

Éxodo 12:2

«Ne'ena ca'agoxoic nachena qome na huo'o naq 'enec qanqa'eñi, qataq nachena na la'auaxanec ca'agoxoic na vi'i.

Éxodo 12:51

Qaq nache huetoigui se'eso na'a'q da Ñim Nataxala' nqateeguesop ye Egipto so alleppi Israel le'ecpi.

Éxodo 12:6

Nache qaỹaỹamaxat que'eca shiguiỹac, nato' qom ivireuga ca na'a'q catorce ne'ena ca'agoxoic. Nache 'enauac na Israel le'ecpi ñi 'oonolec huaxaiguet ca llalaqpi, nache ỹalauat qom mashe napalchiguiñi.

Éxodo 16:1

Qaq 'enauac so Israel le'ecpi jec chegoqchiguiña ye Elim, nache ivira'a ye toolec 'alhua ye Sin maye vichiguinguilo ye Elim qataq ye Sinaí. Qaq mashe inoxonec so 'oonolec ca'agoxoic qataq mashe laiñi so lỹa ca'agoxoic co'ollaq chegoqchiguiña ye Egipto.

Éxodo 3:12

Nache Ñim Lo'onatac 'Enauacna, 'enapeco': «Aỹem 'am soota'aguet qome. Qaq 'era qome da la'anaxat da ỹoqta 'eesa da 'am samaq, 'eeta': ‹qom ivita da 'anqateeguesop ye Egipto yem ỹalamaxatpi, nache 'enauac da qoñeeta aỹem qanatamñiỹot da huaña ne'ena qaỹoqotcheguemec 'alhua.›»

Éxodo 40:2

«Ca la'auaxanec na'a'q, ca la'auaxanec ca'agoxoic, nache 'aua'ara't qome ca npe'l, maye huaña da Aỹem qanauane'.

Ezequiel 20:10

Qaq Aỹem nache ñeqateeguesop co'ollaxa ye Egipto nache sauega ye toolec 'alhua;

Números 1:1

Qaq so la'auaxanec na'a'q, soua dos ca'agoxoiqa, maye huetoiguilo soua dos vi'iye, da qanayeca'ai ye Egipto. Nache Ñim Nataxala' 'enapega so Moisés, huaña ye toolec 'alhua añi qasoxonaxa Sinaí, huaña so npe'l maye huaña naxa da qanauane' Ñimaye, nache 'eeta':

Números 10:12

Nache so Israel le'ecpi jec da ca'ai ye toolec 'alhua ye Sinaí. Qaq huaña ye toolec 'alhua ye Parán, nache vi'iiguet se'eso lo'oc.

Números 3:14

Ñim Nataxala' qaltaq 'enapega so Moisés co'ollaq huaña ye toolec 'alhua ye Sinaí, 'eeta':

Números 33:15

Qaltaq jec, chegoqchiguiña ye Refidín, qaq co'ollaq ivita ye toolec 'alhua ye Sinaí, nache hua'a yemaye.

Deuteronómio 1:6

«Da la'aqtac Ñim Nataxala' maye Qanatamnaxala', co'ollaq huaña ye Horeb, 'eeta': ‹qami' mashe qaỹoqtegue da qoviitalec ana'ana qasoxonaxa.

Deuteronómio 4:10

Qaq se'eso na'a'q co'ollaq qauataito'ot Ñim Nataxala' maye Qanatamnaxala'ai huaña añi qasoxonaxa Horeb, nache Ñimaye aỹem 'enapega, 'eeta': «'Alaỹona't qome ne'ena nhuo' le'ecpi, yaqto' hua'aqchigui na ỹa'aqtacpi, qataq napaxaguena da huo'o naq 'enec naqa'en Aỹem, da ñaq huo'o da nachaalataxac namayepi, qataq ỹapaxaguenec qome de'era ca llalaqpi.»

Deuteronómio 4:15

Qaq se'eso na'a'q co'ollaq qami' detaqtegueto Ñim Nataxala' huetaigui so norec huaña añi qasoxonaxa Horeb, nache saishet da qauauañiichigui da lataxac. Ỹoqo'oye qanchilliỹa'a qome da qanachaalataxaqui,

Deuteronómio 5:2

Ñim Nataxala' maye Qanatamnaxala', qomi' naỹamaxateto co'ollaq huaña añi qasoxonaxa Horeb.