Éxodo 16:4 - La'aqtaqa Ñim Lo'onatac 'Enauacna 2013

⁴ Nache Ñim Nataxala' 'enapega so Moisés, 'eeta': «Aỹem ñanacot qome ca nallec chegoqo'ot na piguem 'eeta'am na auot. Qaq na shiỹaxauapi ỹe'eguenauga qome ca nalota'ai' da chec ye na'a'q. Aỹem sauotaique da saỹaten ca ỹoqta ỹalaxalec da iqataxac qataq ca saishet da ỹalaq.

Éxodo 16:4 Iomraidhean Croise

Nehemías 11:23

Cha'aye so nta'a mashe ỹapaxaguenec co'ollaxa somayepi da lataxac da lo'onataxanaxac se'eso no'onaxanaxanecpi ye na'a'q.

Nehemías 9:15

Qataq 'anamaxa so nallec maye chegoqo'ot na piguem da yaqto' vi'iguet na lqouaxa, qataq 'aỹa'anem so 'etaxat 'auachegoxotaigui aso coma', da yaqto' vi'iguet so laquip lamaic. Qataq 'aỹa'anem ye 'alhua, maye 'auachaxanapeguem co'ollaxa da 'aỹa'anem.

Nehemías 9:20

Nataqa'en 'aỹa'anem so Saqcha'a 'Ara'añaxac maye ỹo'ot da laỹaanataxanaxac. Qataq saishet da 'avia'axaneguet da 'auquiỹa'axaateguec so nallec maye chegaqasheguem le'enaxat maná, qataq so 'etaxat da yaqto' ỹa'axaneguet da laquipegaxanaxac.

Salmos 105:40

Qaq co'ollaq iỹaxanaique aloq somayepi, nache Ñimaye namaq so qalota dachemipi, qataq ỹo'ot da icomatec naqa'en so nallec piguem le'ec.

Salmos 78:23

Qalaq ñaqaiyeta Ñim Lo'onatac 'Enauacna ỹamaq co'ollaxa so lo'oc na piguem qataq ỹauatoigui ca lasom na piguem,

Éxodo 15:25

Nache so Moisés nqouagaxaunot Ñim Nataxala', nache Ñimaye ỹachaxana aso qo'oipaqole, nache so Moisés ỹasaxangui so 'etaxat aso lcoue asa'aso qo'oipaqole, nache se'eso 'etaxat ama. Qaq huaña, nache Ñim Nataxala' ỹe'eguen da lpi'iỹaxac somayepi, qataq ỹanem da lqataxac qataq da llec naqa'en da nachaalataxac ñi 'oonolec shiỹaxaua.

Éxodo 16:15

Qaq co'ollaq ila'a so Israel le'ecpi, nache nnattega't, 'eeta': ¿Negue't ana'ana? Cha'aye saishet da ỹauatton. Qalaxaye so Moisés 'enapeco': «Nachena na nallec maye qami' ỹanema Ñim Nataxala', da yaqto' qollequi.»

Proverbios 30:8

Ña qaỹoqteuga qome 'anqa'en da sheeta, na saq 'en lataxac qataq na natenataxanaxac, qataq saishet da aỹem sallaxanec 'anqa'en, qataq saishet da ỹoqta aỹem choxoraq 'anqa'en, nacherato' da aỹem 'aỹa'anem qome ca anoq maye ỹoqta seuen ye na'a'q,

Mateo 6:11

Ñaq qomi' 'aỹa'anema na na'a'q cam sacheguenaq maye seuenaqtac.

Lucas 11:3

Ñaq qomi' 'aỹa'anema na na'a'q cam sacheguenaq maye seuenaqtac.

1 Corintios 10:3

Nataqa'en 'enauac somayepi chectac so nallec maye chegoqo'ot Ñim Lo'onatac 'Enauacna.

Deuteronómio 8:16

qataq huaña yi'iye toolec 'alhua da qami' iquia'axaneque so nallec maye chegaqasheguem le'enaxat maná, som nallec maye sa ỹauanapega co'ollaxa da chec so hua'au qarta'ailpi, qataq huaña da ỹo'ot so lta'araic qanque'eenaxaqui qataq so qañe'eguenataguiiqui da yaqto' qauaỹachiñi da qami' ỹaỹamaxattrapiguiñi Ñimaye.

Deuteronómio 8:2

Qataq saishet qome da qaucouaỹa'ai 'enauac so qanque'eenaxaqui maye huaiguilo se'esoua cuarenta vi'iye co'ollaq qoquiitalec ye toolec 'alhua, co'ollaq Ñimaye ỹe'eguen da qarquiyaqteỹaxaqui da ỹoqta 'eesa da qaupaquiichiguilo naua lamaxasoxonaxaco huo'otaq saishet.

Josué 24:15

Qalaxaye da sa qavio'oxoreñi Ñim Nataxala', qaq no'on da qalca'aiua'a nagui cam qavio'oxoreñi: da nachena nam atamnaxala'pi maye natameetacot co'ollaxa so hua'au qarta'ailpi co'ollaq ñaq neta'atague da le'ego so tala Éufrates, huo'otaq na natamnaxala'pi na amorreopi, maye lma' co'ollaxa ne'ena na'alhua. Qalaxaye aỹem qataq na ỹalamaxatpi, so'onataxanaqot qome Ñim Nataxala'.»