Éxodo 16:3 - La'aqtaqa Ñim Lo'onatac 'Enauacna 2013

³ Nache 'enapeco' somayepi: «¡'Onaxaictoxo' co'ollaxa Ñim Nataxala' da nache qomi' ỹalauatraña ye Egipto! Cha'aye co'ollaq sonaqtaña yemaye, qalaq ñeso'onaqtaisop naxa ana qarataxaqui maye laỹe' na lapat qataq ỹataqta qomi' comaraxaiqa da sequia'aq. Qalaq che 'eeto' qami' ye qomi' qanqacheerec da qomi' qanaviquiugalo na toolec 'alhua da 'enauac qomi' qaualaacheque na qarqouaxa.»

Éxodo 16:3 Iomraidhean Croise

2 Samuel 18:33

Qaq co'ollaq hua'aqchigui de'era so nta'a, nache ỹataqta lta'araic da lqaigaxa, nache tasheguema so nỹec maye nalotcheguema so ñegueuo so lpaqtaxat so huaqta'a't nỹecpi. Qaq co'ollaq ñaq taỹasheguema somaye, nache nỹeetague' qataq detaqtac, 'eeta': «¡Ỹalcolec Absalón, ỹalcolec, ỹalcolec Absalón! ¡Qaico' co'ollaxa da nachaỹem taxa da seleu, nache sepa'aiguet da 'arleuaxa, 'am Absalón! ¡Ỹalcolec, ỹalcolec!»

Da na'aqtaguec so Job 3:1

Qaq co'ollaq mashe qaỹoqtegue de'era, nache so Job detaqa, nache ỹataqta ilattapiguiñi so na'a'q maye huetoigui da ñiguiñi.

Da na'aqtaguec so Job 3:10

¡Ta'ainco' da saqaỹapogui co'ollaxa aso lco'oxoqui aso ỹate'e da yaqto' saishet da selogui da qalota nachoxoyec!

Da na'aqtaguec so Job 3:20

¿Ta'ainco' Ñim Lo'onatac 'Enauacna, da nauane' naqa'en ye na'a'q ca huo'o da nque'eenaxac? ¿Ta'ainco' ye ỹami' da lca'alaxa ca ỹataqta qalota da laquicoxo,

Salmos 107:5

Ỹataqta huo'o na lqouaxa qataq na laquip, qataq nquictañi da la'añaxac da nachaalataxac.

Salmos 78:19

Nache detaqtega Ñimaye, 'eeta': «¿Peta'a isheto' Ñim Lo'onatac 'Enauacna da ỹo'ot ca nquia'axac da huaña ne'ena toolec 'alhua?

Salmos 78:25

Nache so shiỹaxauapi chec so nallec maye aloq na 'añaxaicpi. Ñim Lo'onatac 'Enauacna ỹanem da lquia'axac choche huañi naqa'en.

Éxodo 14:11

Nache somayepi 'enapega so Moisés, 'eeta': «¿Peta'a saqaco' aca huachiquipi ye Egipto, yem qomi' 'anqateeguesopa da qomi' 'anauegalo na toolec 'alhua da qarleuqa'? ¿Ta'ainco' da qomi' 'auo'oteque de'era? ¿Ta'ainco' ye qomi' 'anqateeguesopa ye Egipto?

Éxodo 17:3

Qalaxaye se'eso nhuo' le'ecpi ỹataqta huo'o na laquip, ỹoqo'oye 'eetega so Moisés, 'eeta': «¿Che ta'ainco' da qomi' 'anqateeguesopa co'ollaxa ye Egipto? ¿Choche qomi' 'aualaateque na qaraquip, qataq na qoyalaqpi qataq na qana'atetpi?»

Éxodo 2:23

Qaq co'ollaq mashe qaỹoqteguelo soua vi'iye, nache ileu so nta'a maye ilotague' ye Egipto, qalaxaye so Israel le'ecpi ñaq queta da lachetataic qataq nhuogoqtapeguem da nlataguec. Qaq Ñim Lo'onatac 'Enauacna hua'axaỹa co'ollaxa da la'alaxac somayepi.

Éxodo 5:21

nache qoỹenapegalo', qoỹeeta': «Ñim Nataxala' ỹalletagui da qauo'ocheetac, qaq ỹoqo'oye ỹauo'o qome ca qanhuaxanaguiiqui, cha'aye nache qami' da qarasouaqtaxanaxaqui da ỹataqta qomi' sa ỹama'n ñi faraón qataq na nalleppi, qataq 'eeta'am da qaupataqaigui na lhuaq lauel ca no'ogoxonaxat da yaqto' qomi' ỹalaua't.»

Jeremías 2:6

Somayepi saishet co'ollaxa da huo'o ca lhuogoxo da aỹem nmitaique, Aỹem maye ñeqateeguesop co'ollaxa ye Egipto, qataq sauecteuga ye toolec 'alhua, yem 'alhua maye deqaqta qataq qalota na tocotpi, yem 'alhua maye qaica ca 'etaxat qataq huetaña da lchec, yem 'alhua maye qaica ca netalec qataq qaica ca ishet da ỹa'axasoxoolec.

Jeremías 42:14

da qoñiita': ‹Qomi' qarhuennataxac da ñeqo'onaxa da sonaqaña ye Egipto, yem huaña da saishet da selaqa'a ca alaataxac, qataq saishet da sa'axasoqtega ca l-lamaxa aca nasheere, qataq saishet da qomi' ỹalauat ca qarqouaxa,›

Jeremías 44:17

Nacherata da nache qolaqto'ot da so'otaqtac dam mashe qarhuennataxac co'ollaxa da so'otaq. Nache qolaqto'ot da sanaqtacot na qarchenaxanaxat maye ama na laita, qataq na qarachetaqtaxanaxat lataxa añi atamnaxalate maye le'enaxat Nate'e na Piguem, dam ñanaguenaqto'ot da so'otaqtac choche ivitta'a nagui, qataq ỹo'ottac co'ollaxa nataqa'en so qarta'alpi, qataq so nta'alpi qataq so nataxala'pi, ye huaqta'a't nỹecpi maye ỹotta'a't naua nañalo ye Judá, qataq da huaña na nqa'aicpi ye Jerusalén. Cha'aye co'ollaq so'otaqtac de'era, nache qaica ca seuenaqtaique nam qonoq, qataq qaica camachaqca, qataq saishet da qomi' taleguete ca qauem,

Lamentaciones 4:9

Ỹactec da ỹaỹamaqchiguiñi som ileualec da alaataxac, qaq saq 'ena'am co'ollaxa som ilem na lqouaxa, cha'aye somayepi qaỹaloqoolec da l-leuaxa, souaxat da sa nauane' da alaỹaxac nam huetalec ana 'alhua.

Números 11:15

Cha'aye da qoqueto'ot da aỹem 'auo'otec de'era, qaq no'ono' da aỹem 'auchoxoren da 'anqat da ñachaalataxac, qom 'eesa da aỹem 'auauotec. Yaqto' saishet da ñeque'etaxaachigui de'era qauem.»

Números 11:20

Cha'aye ivittec qome ca 'oonolec ca'agoxoic, choche ivitta'a da ỹataqta qauaỹemequi qome, souaxat da qaica ca naigui qanqa'eñi Ñim Nataxala' maye qami' ỹalectaiguilo, qataq qami' ỹauaachiguilo da qanỹeñeetac qoñiita': ‹¿Che'eeto' co'ollaxa da qolqa'ai ye Egipto?›»

Números 14:2

Qataq 'enauac somayepi, qauem na la'aqtac da quetapeguelec so Moisés, qataq so Aarón, 'eeta': «¡'Onaxaictoxo' co'ollaxa da nache seleuaq co'ollaq souaqta'a ye Egipto, huo'otaq nagui da souaqaña ne'ena toolec 'alhua!

Números 14:3

¿Ta'ainco' Ñim Nataxala' da qomi' nauegalo ne'ena 'alhua da yaqto' qomi' qaira'alo ca ỹeelonec da qomi' qaỹalaua't, qataq da na qampa'aguenaxauapi ỹacona ana qaramoxouapi, qataq na qoyalaqpi? ¡Ỹoqo'oye 'onaxaictoxo' da she'eguelaxasoxogue da Egipto!»

Números 16:13

Peta'a ¿'Aupi'itaxaatega da saq 'amaqtaq da 'auo'ot, da qomi' 'anqateeguesopa ye 'alhua maye chochaq huañi na huaca lche', qataq na te'esaq lli'i, nache qomi' 'anauegalo na toolec 'alhua, da yaqto' seleuaqaña 'anqa'en, qataq da qomi' 'ampa'axaaleguete da qomi' 'aralamaxatpi?

Números 16:41

Qaq so lỹa na'a'q nache 'enauac se'eso Israel le'ecpi, qaltaq quetapeguelec so Moisés qataq so Aarón, nache 'eeta': Qami', qauo'ochec da l-leuaxa se'eso nhuo' le'ecpi maye lalamaxat Ñim Nataxala'.

Números 21:5

nache ỹoltaq quetot da quetapeguelec Ñim Atamnaxala' qataq so Moisés, nache 'eeta': ¿Ta'ainco' ye qomi' qanqacheueguesopa co'ollaxa ye Egipto da yaqto' seleuaqaña qanqa'eñi ne'ena toolec 'alhua? Teno' nagui, mashe qaica ca qonoq qataq ca qaraquip. ¡Qataq mashe saỹemaxac ne'ena nallec maye qaica ca lyac!

Hechos 26:29

Nache so Pablo 'enapeco': –Na'aictoxo' da hua'c da 'aua'amqaanataxan, huo'otaq saxanaxa, qalaxaye ñeshetaique da Ñim Lo'onatac 'Enauacna saq 'amta naqa'en, nataqa'en 'enauac nam aỹem na'axaỹaxaatega nagui, ishet da ivira'a da 'eeta'am aỹem, qalaxaye saishet qome da aỹem qoñiita'am da aỹem qaicoñettai'.

1 Corintios 4:8

Qami' mashe qami' hueto'oto 'enauac nam qanqopichiitaique: mashe qami' sallaxanaqa, qataq mashe qoñiita'am na nta'alpi, qaq 'eeta'am da nache qomi' qauasaqaitre'c. ¡'Onaxaico' da ỹataqta 'eesa da qami' nta'al! ¡Yaqto' qami' qaro'onataxanaxau' da qomi' nta'al!

2 Corintios 11:1

Da iyaxa da qami' cara'ac da aỹem qana'añaxacheeguet, cha'aye sheeta'am ca qaica ca laỹaanataxanaxac.

Deuteronómio 28:67

Qaq souaxat da ỹataqta lta'araic da 'arcolanaxa cam 'aulota'api, nache ye nte'eta qalaq qoneta: «¡Yaxasa'a da pasa'a da pe!» Qaq ye pe qalaq qoneta: «¡Yaxasa'a da yo'oxoñi!»

Deuteronómio 8:3

Na'aictoxo' da ỹauo'o co'ollaxa da qanque'eenaxaqui, qataq huo'o naqa'en so qarqouaqai, qaq co'ollaq ime, nache qami' iquia'axaneque so nallec maye chegaqasheguem le'enaxat maná, som nallec maye qami', qataq so hua'au qarta'ailpi sa ỹauatton, cha'aye huotaique da qauaỹaañi da saishet da nachecata ca nallec da nca'altauec naqa'en ca shiỹaxaua, cha'aye nataqa'en naua la'aqtaqa Ñim Nataxala' deca'alaqtaxa'n.

Josué 7:7

Nache so Josué 'enapeco': «¡Aicoue, 'Am Nataxala'! ¿Ta'ainco' co'ollaxa da ỹa'axasoxoolec 'anqa'en so tala Jordán ne'ena nhuo' le'ecpi? ¿Qalqo' 'anshetaique peta'a da qomi' 'aỹa'anegueta na Amorreopi da yaqto' qomi' ilaxachiguilo? ¡Qaico' co'ollaxa da nache sonaqta'ategue da le'ego ye Jordán!