Éxodo 16:2 - La'aqtaqa Ñim Lo'onatac 'Enauacna 2013

² Qaq co'ollaq hueta'a so toolec 'alhua, nache 'enauac somayepi quetapeguelec so Moisés qataq so Aarón.

Éxodo 16:2 Iomraidhean Croise

Génesis 19:4

Qaq co'ollaq saxanaxa da nnaayiñi soomaye, nache 'enauac so shiỹaxauapi maye lma' so huaqta'a't nỹecpi ye Sodoma, som nsoxoppiolec qataq ivira'a so ỹa'axaiquipi, coleesop so nỹec

Salmos 106:13

Qalaxaye saqaỹaloq co'ollaxa da icoua'ai na ỹo'otpi Ñimaye, nache sa iuata'a nam huotaique ỹo'otpi Ñimaye.

Salmos 106:25

Nache huetaiguilo naua lpele'ete da qauema naua la'aqtaqa, nache saishet da ỹalaxagueta naua lamaxasoxonaxaco Ñim Nataxala'.

Salmos 106:7

So qarta'alpi co'ollaq hueta'a ye Egipto, qalaq saishet da ỹaỹaaneguet co'ollaxa da 'ayo'oxoyec, qataq saishet da iuennata'a da lta'araic 'arauotaxanaqtaic, nacherata da 'am dataỹa'aguet co'ollaq huaña ye loigue aso Auaxai Togaxarai.

Éxodo 14:11

Nache somayepi 'enapega so Moisés, 'eeta': «¿Peta'a saqaco' aca huachiquipi ye Egipto, yem qomi' 'anqateeguesopa da qomi' 'anauegalo na toolec 'alhua da qarleuqa'? ¿Ta'ainco' da qomi' 'auo'oteque de'era? ¿Ta'ainco' ye qomi' 'anqateeguesopa ye Egipto?

Éxodo 15:24

Huaña nache se'eso shiỹaxauapi ỹasaxaleguete naua qauema ltaxaỹaxaco so Moisés, qataq inattac, 'eeta': «¿Negue't ca ñiỹomaxagui nagui?»

Éxodo 17:3

Qalaxaye se'eso nhuo' le'ecpi ỹataqta huo'o na laquip, ỹoqo'oye 'eetega so Moisés, 'eeta': «¿Che ta'ainco' da qomi' 'anqateeguesopa co'ollaxa ye Egipto? ¿Choche qomi' 'aualaateque na qaraquip, qataq na qoyalaqpi qataq na qana'atetpi?»

Éxodo 5:21

nache qoỹenapegalo', qoỹeeta': «Ñim Nataxala' ỹalletagui da qauo'ocheetac, qaq ỹoqo'oye ỹauo'o qome ca qanhuaxanaguiiqui, cha'aye nache qami' da qarasouaqtaxanaxaqui da ỹataqta qomi' sa ỹama'n ñi faraón qataq na nalleppi, qataq 'eeta'am da qaupataqaigui na lhuaq lauel ca no'ogoxonaxat da yaqto' qomi' ỹalaua't.»

Números 14:22

nache qaica ca 'oonolec nam ỹauaachigui da ỹo'oxoyec, qataq na na'anecpi maye so'ot co'ollaq huaña ye Egipto, qataq so huaña ye toolec 'alhua, qataq nam qalota da Aỹem ỹe'eguen, qataq na saishet da aỹem ỹalaxaguet,

1 Corintios 10:10

Nataqa'en saishet da huo'o ca quetapeguelec Ñim Lo'onatac 'Enauacna, 'eeta'am da 'eetec co'ollaxa somayepi da huo'o na quetapeguelec so Moisés qataq so Aarón. Nache qaỹalauat, ỹalauat so chegaqasheguem lamaxashec laataxanaxaic Ñim Lo'onatac 'Enauacna.