Éxodo 15:8 - La'aqtaqa Ñim Lo'onatac 'Enauacna 2013

⁸ Co'ollaq 'auquetetec na 'ara'at, nache huo'oi naua laponaqa'ate na 'etaxat, na 'etaxat qalaq nachaañi, 'eeta'am ca npaqtaxanaxat, na laiñi asom qaỹoqchiguingui auaxai, qalaq da'añiỹa'a't so 'etaxat.

Éxodo 15:8 Iomraidhean Croise

2 Samuel 22:16

Qaq souaxat da layeloxo Ñim Nataxala', nache ya'aqlec naqa'en na pa'aguiñi aso auaxai, qataq na na'attalecpi ana 'alhua qalaq ỹaatec, souaxat na la'at maye chegaqaigui ñi nmic Ñimaye.»

Da na'aqtaguec so Job 4:9

Naua la'a'che Ñim Lo'onatac 'Enauacna nlaxaañi namayepi, qataq da nquetetec na la'at souaxat da lalemataic, nache imeuo naqa'en namayepi.

Salmos 33:7

Ñimaye laỹona't co'ollaxa na 'etaxat aso auaxai, qataq ỹaỹamaxat ỹachangui asom qaỹoqchiguingui auaxai late'erai.

Salmos 78:13

Ñimaye icolaxachigui co'ollaxa na 'etaxat aso auaxai, qataq qaỹa'axasoxoolec naqa'en asomaye, qataq vi'iiguet naqa'en na 'etaxat 'eeta'am na mpaqtaxanaxat.

Éxodo 14:29

Qalaxaye na Israel le'ecpi ỹa'axasoxoota aso auaxai daqaqattague so llegueta, so 'etaxat qalaq choche nachaañi dos soua lpa'axaco, 'eco' npaqtaxanaxat, so laỹe pa'aigue da aloic qaq so lỹa laỹe, pa'aigue da ne'emaq.

Isaías 11:4

Nacherata da do'ogoxona da nalochiguiñi lataxac da nmit na choxoraqpi, qataq iueelec nam qaica ca la'amaqchec maye netalec ana 'alhua. Naua la'aqtaqa qalaq 'eeta'am ca pon 'epaq da iuaxan ca qauemaic, qataq ỹauota'a na la'at maye chegaqaigui na alap da ỹalauat ca qauemaic.

Isaías 37:7

Cha'aye Aỹem sanaigui qome ñimaye cam saqcha'a, qaq qom choche huo'o ca la'axaỹaxac leguemaxaic, nache ỹe'eguelaxa qome ye na'alhua, qaq huaña qome yemaye nache so'otec da qaỹalauat qairolec ca ỹeelonec.›»

Habacuc 3:10

Qaq ana qasoxonaxapi, qalaq cholaxan da 'am ila'a, qaq na piguem qalaq namaq na ỹataqta lta'araic auot, qaq aso qaỹoqchiguingui auaxai qalaq ỹataqta dauaxan, souaxat da ỹataqta qaỹoqotcheguemegue ana lapaxa.

Habacuc 3:15

Qataq qonetalec na 'arelo caipi da qoquetalec ana auaxai, nam ỹataqta qalochiguiñi qataq qaỹoqchiguingui 'etaxat.

2 Ts 2:8

Huaña qome, nache nachaxan que'eca ỹale qauemaic, nache So Qarataxala' Jesús ilaxachigui camaye, irolec na la'at qom ncosaueegue da iquetetot camaye qom nvi' da nactaigui da llo'oxoyec.

Josué 3:13

Nache caua ntaxaỹaxanaxanaqa maye ỹacheta'ape añi arca maye laỹe' da naỹamaxataxac Ñim Lataxala' 'enauac na huetalec ana 'alhua, qom mashe piguinguilo ye 'etaxat, nache se'eso tala colaxagui qome na 'etaxat, nache na 'etaxat maye chegaqasheguem, namaye vi'iiguet qome 'eco' da npaqtaxanaxat.»

Josué 3:16

nache so 'etaxat maye chegaqasheguem vi'iiguet, nache so laponqa' na 'etaxat huaña yem qaỹoqteuga ye huaqta'a't nỹecpi ye Adam, yem huaqta'ai' ye Saretán. Qaq so 'etaxat maye taỹauga aso Auaxai Leuaxai, nache queta ivitta'a da imeuo. Huaña, nache so Israel le'ecpi ỹa'axasoxoolec so tala daqaqattague so llegueta, tatta co'ollaxa ye datatta ye huaqta'a't nỹecpi ye Jericó.