Éxodo 15:7 - La'aqtaqa Ñim Lo'onatac 'Enauacna 2013

⁷ Da lta'araic 'ara'añaxac ipa'axaañi som 'am ipa'agueetacpi, qaq ỹataqta 'eroigui da 'arayeloxo nache somayepi ỹavic, 'eeta'am na 'auaqpi.

Éxodo 15:7 Iomraidhean Croise

Da na'aqtaguec so Job 9:4

Cha'aye Ñimaye ỹataqta lta'araic da la'añaxac qataq da laỹaanec, ¿qaq negue'tom ca ishet da dataỹa'aguet Ñimaye nache qaica cara da nachaalataxac?

Salmos 148:13

Qavio'oxoyiñi qome da le'enaxat Ñim Nataxala', cha'aye nacherata da le'enaxat Ñimaye da Nataỹaña 'Enauacna, da llo'oxoyec imattalec na piguem qataq ana 'alhua.

Salmos 59:13

Qataq 'aurolec da 'aralemataic, da imeuo 'anqa'en namayepi, ỹataqta nmichiguiñi 'anqa'en, yaqto' qaỹaỹateeta da Ñim Lo'onatac 'Enauacna nacheñi ñi Nta'a qataq ilotague' na chegoxoguet so Jacob, qataq ivira'a na netaleguete naua loga'te na 'alhua.

Salmos 68:33

ñim netalec na piguem, nam piguem maye nache 'eetai' co'ollaxa. Ñimaye qaỹa'axaỹa naqa'en da lavilỹaxac, dam ỹataqta 'añaxaic lavilỹaxac.

Salmos 83:13

'Am Ñatamnaxala', ñaq huaỹoxon qome 'anqa'en namayepi 'eeta'am ana huoue, qataq ana qo'oipaq laue deqaqta maye ỹaỹoxonaqchet na la'at,

Éxodo 14:27

Nache so Moisés ỹachaxaasheguem na lhuaq, naloqteetelec aso auaxai. Qaq co'ollaq yaqta'a da yo'oxoñi, nache qaltaq ỹe'eguelaxa't so 'etaxat aso auaxai. Nache so Egipto le'ecpi co'ollaq huotaique da datauec, nache ỹe'egueneguet so 'etaxat. Qaq 'era da 'eetec Ñim Nataxala' co'ollaq iyiiñi naqa'en somayepi.

Éxodo 5:12

Nache so Israel le'ecpi nlagaxaalec 'enauac ye 'alhua Egipto, da nmittaique na lvi na nañiguishec da ỹauotaique da do'onataxana, 'eeta'am naqa'en na 'auaqpi.

Éxodo 9:16

Qalaxaye aỹem 'am ñeca'alaxattauec, da yaqto' 'auauaachigui da ỹa'añaxac, qataq aỹem ỹauatton 'enauac na huetalec ana 'alhua.

Isaías 37:17

Ñaq 'ana'axaỹaxaachiguiñi 'Am Nataxala', qataq ñaq aỹem 'ana'axaỹaxana. Ñaq aỹem 'aulochigui 'Am Nataxala'. Ñaq 'ana'axaỹaxanalo naua aỹem namaxalo la'aqtaqa ca Senaquirib, ne'enaua na'aqtaqa ỹataqta 'am isheueetac, 'Am Atamnaxala' maye 'anca'altauec.

Isaías 37:23

¿Negue't cam 'aunotega qataq 'ausheueetac? ¿Negue't cam 'auqaqaatalec qataq 'auachaxana dam ño'oxonnaxaic 'armeenaxanaxac? ¡Qomye nacheñi ñim Qui'itta Natamnaxala' na Israel le'ecpi!

Isaías 37:29

Qaq cha'aye Aỹem saỹaten da 'annogoxonaxac, qataq da 'año'oxonnaxac, nache Aỹem sanagui qome na 'armic aca colliichigui lcat, qataq sanagui na 'ap caua 'arqueenaxanaqa'ate, nache 'avi'eguelaqtegue ñaqa'en som nqa'aic maye 'auanacteuo'ogue co'ollaxa.

Isaías 37:36

Nache so lamaxashec Ñim Nataxala' jec, nache ỹalauat so ciento ochenta y cinco mil alleppi, huaña naqa'en yem lanataqa' so Asiria le'ecpi, qaq so lỹa na'a'q co'ollaq nlouec so laỹepi nache ilalec som leuaxaicpi huetaiya'.

Isaías 37:38

Qaq huo'o so na'a'q co'ollaq hueta'a aso atamnaxaqui, da ỹo'oxoreetac so natamnaxala' Nisroc, nache soua llalqa Adramelec qataq so Sarezer, nqo'ooreua'a somaye nache ỹalaua't, qaq ime nache soomaye datare'c taỹalo ye 'alhua Ararat. Qaq huaña nache da lo'onataxanaxac somaye da nta'a, talec som llalec Esarhadón.

Isaías 47:14

Qalaxaye ñaq 'aumeten, namayepi 'eeta'am ca 'auaqpi deqaqta da ỹavigaxat ca norec, qataq saishet da nca'aleeguesop na le'eraxa ca norec. Cha'aye que'eca norec saishet qome da choche poqo, da yaqto' qaỹatatangui da qantootapigui.

Isaías 5:16

Qalaxaye Ñim Nataxala' maye Qaica ca Ỹaqalanapec ỹachaxan qome da la'amaqchec qom nmit na shiỹaxauapi, Ñim Lo'onatac 'Enauacna maye qui'itta ỹachaxan qome da qui'itta lataxac, qom ỹo'ot ca nalochiguiñi lo'onataxanaxac.

Isaías 5:24

Qaq ỹoqo'oye 'eeta'am qome ca norec da ỹavicta naqa'en ca 'auaqpi deqaqta, qataq na le'eraxa camaye da chepchiguiñi naqa'en ana deqaqta laue ana qo'oipaq, qaq nache 'eetec qome namayepi da imeuo, 'eeta'am aca qo'oipaq da lto na lpa'a'pi, qataq ana lauoxo nlaguiñi nache nañigui namoxoỹaxa, cha'aye sa ỹalaxagueta naua lapaxaguenataxanaxaco qataq naua lamaxasoxonaxaco Ñim Nataxala' maye Qaica ca Ỹaqalanapec, Ñim Qui'itta Natamnaxala' na Israel le'ecpi.

Jeremías 10:6

Qaq 'Am Nataxala' qaica ca 'am 'eeta'am: 'Am 'amaqtaqaic, da 'are'enaxat qalaq lta'araic qataq 'añaxaic.

Miqueas 4:11

Qaq nagui huaxaỹa't na qalota ỹotta'a't shiỹaxauapi da 'am dataỹa'aguet, nache 'eeta': «¡No'ono' da ỹataqta sauanaqchigui da qanauec ye Jerusalén!»

Zacarías 14:3

Qalaxaye qom ime, nache anac Ñim Nataxala' da delogui' que'eca ỹotta'a't shiỹaxauapi, 'eeta'am naxa da deloctac da huo'o da alaataxac.

Zacarías 14:8

Qaq huaña, nache ye Jerusalén chegoqtegueua'a qome ca 'etaxat maye ỹataqta attom, maye quetac da nvi' ye no'omaxa, qataq ye napaxaỹaxa, qaq tachiguingui na laiñi ca ipaxaneuga aye auaxai leuaxai, qaq ca laỹe qalaq ipaxaneuga aso auaxai maye le'enaxat Mediterráneo.

Zacarías 2:8

Cha'aye Ñim Nataxala' maye Qaica ca Ỹaqalanapec, aỹem namaq da sa'axatem da na'aqtac maye dataỹa'aguet na ỹotta'a't shiỹaxauapi, maye qami' nhuotte' co'ollaxa, qaq damaye, 'eeta': «Camachaqca ca dataỹa'aguet na ỹalamaxat nhuo' le'ecpi, nache camaye 'eeta'am da ỹacootegueua'a aca ỹauotaqte ỹale.

Malaquías 4:1

Ñim Nataxala' maye Qaica ca Ỹaqalanapec da la'aqtac, 'eeta': «Mashe nayeetai' ca na'a'q, maye ỹataqta 'eroigui 'eeta'am aca nqatelaxanaxaqui, cam huaigui qome 'enauac na ño'oxonnaxaicpi qataq nam qauemaicpi da ỹataqta ỹavicta. Que'eca na'a'q maye anac qome, ỹataqta ỹavigaxatta qome namayepi, nache qaica ca no'onañi.

Mateo 3:12

Qaq camaye lasoqta'a ca lchegoxosoxonaxat, da yaqto' ichegoq na trigo da nqat na lvi. Ime, qaq ỹachaigui ca laỹe'. Qaq na lvi qalaq ỹavigaxat, ỹasaxangui ca norec maye saishet da 'om.»

Hechos 9:4

Nache so Saulo naañi. Huaña, nache hua'axaỹa so na'aqtac, 'eeta': –Saulo, Saulo, ¿ta'ainco' ye Aỹem 'aucaatac?

Deuteronómio 33:26

Ỹataqta qaica ca 'ena'am Ñim Natamnaxala' na Israel le'ecpi, cha'aye netalec na piguem da 'am itauan, qataq netalec na lo'oc da la'amaqchec.

Deuteronómio 4:24

cha'aye Ñim Nataxala' maye Qanatamnaxala'ai, Ñimaye ỹataqta ca'alaxanaxaic, ỹoqo'oye da huo'o ca ỹavigaxat, nache 'eeta'am ca norec da nlachiguiñi naqa'en ca ỹavigaxat.

Hebreos 12:29

Cha'aye Ñim Lo'onatac 'Enauacna, Ñimaye 'eeta'am ca norec maye ỹataqta cochepchiguiñi naqa'en ca ỹavigaxat.