Éxodo 15:6 - La'aqtaqa Ñim Lo'onatac 'Enauacna 2013

⁶ 'Am Nataxala', na 'oiguishec 'arhuaq ỹataqta 'añaxaic, qataq qaica ca ỹaqalanapec, nachena na ilaxachigui so 'ampa'aguenaxauapi.

Éxodo 15:6 Iomraidhean Croise

Salmos 17:7

Ñaq aỹem 'auachaxana qome da llec da 'arsoxoyec, 'am maye 'anca'alaxateeguesop naxa na mpa'aguenaxauapi, na nmittaique da 'ara'añaxac da yaqto' 'ampaxattalec.

Salmos 2:9

Nache 'aurolec qome aca 'arashelte lcat, da 'anlaxaañi na nta'alpi nache ỹataqta 'aulaxachigui, 'eeta'am 'anqa'en aca naco'oña 'alhua.»

Salmos 24:8

¿Negue't que'eca nta'a maye ỹo'oxoraic? Qomye nacheñi Ñim Nataxala' maye 'amaqtaqaic qataq 'añaxaic, Ñim Nataxala' maye 'añaxaic da huo'o da alaataxac.

Salmos 44:3

Cha'aye saishet da nachera da lhuaqỹaxac, qataq so lainecpi so chegoqchigui da dauegaxan, somayepi saishet da maiche loxonec ne'ena 'alhua, maye nacherata da 'arhuaqỹaxac qataq da 'ara'añaxac, qataq da 'are'eraxa cha'aye 'auauotec somayepi.

Salmos 44:4

'Am Ñatamnaxala' ¡'am maye nache 'am ita'a! Nache 'am maye 'aỹa'anem da loxonaxanaxac so Jacob.

Salmos 60:5

Qataq 'auo'ogoxona qome na 'arhuaq 'oiguishec da qomi' 'anca'alaxatrec, ñaq qomi' 'auasategueta, yaqto' na 'arauotaxat nhuo' le'ecpi nca'alec.

Salmos 74:11

¿Ta'ainco' ye 'aña'axaneuo na 'arhuaq? ¿Ta'ainco' ye choche 'ansoxoreuo naua 'arhua'q?

Salmos 77:10

Qaq nagui da seuennataxaatac qalaq ỹataqta huo'o da lqui'ic ñaqa'en da Ñim Nataỹaña 'enauacna saishet da 'eeta'am so hua'autec lataxac da qomi' ilo'ogueta.

Salmos 89:14

Qaq naua nalochiguiñi lataxac qataq ỹaỹamaqchiyiñi lataxaco, nachenaua na na'attaleguete da 'aro'onataxanaxac da 'am nta'a, qaq da 'arauotaxanaqtaic qataq da 'eesa lataxac hua'auta'ague da 'icỹaxac.

Salmos 98:1

Qauo'oñi qome ca dalaxaic no'onec da qauo'onaxañiito'ot Ñim Nataxala', cha'aye Ñimaye ỹo'ot na huo'o da na'aalaxa, cha'aye na aloiguishec qataq qui'itta lhuaq ivira'a da doxonaxan.

Éxodo 15:11

'Am Nataxala', ¿negue'tom ca lỹa atamnaxala' maye ishet da 'Am qanaloqnaxaneguet? ¡Ỹataqta qaica ca lỹa qui'itta qataq 'amaqtaqaic da 'Am 'eeta'am! ¡'Aushet da 'auo'ot ca huo'o da na'aalaxa qataq ca huo'o da lchec! ¡Qaq 'itchiguiñi da 'Am qaỹo'oxoren!

Éxodo 15:12

Co'ollaq 'auachaxan da 'ara'añaxac, nache ana 'alhua iuoxonañi somayepi.

Éxodo 15:16

'Am Nataxala', no'on da ñi'i 'anqa'en yemayepi, ñaq 'auauo'o qome da lcolanaxa, 'eeta'am qome ca coma' da saq deraỹapigui', souaxat da la'añaxac na 'arhuaq, nato' qom mashe ỹapacauec nam nhuo' le'ecpi maye maiche 'aralamaxat!

Éxodo 18:8

Huaña, nache so Moisés da'aqtaxaatapeguem so lacho' 'enauac na ỹo'otec Ñim Nataxala' so faraón, qataq so Egipto le'ecpi co'ollaq iueelec so Israel le'ecpi, qataq da lqalaic da ñecỹaxac. Nataqa'en da'aqtaxaatapeguem somaye da 'eetec Ñim Nataxala' co'ollaq nca'alaxatec somayepi.

Éxodo 3:20

Qaq ỹoqo'oye aỹem sachaxana qome da ỹa'añaxac, salaatec qome da nleuaxa ye Egipto le'ecpi qataq 'enauac nam ishet da de'elaqtaxan. Qaq qom ime, nache ñi faraón ishet da qami' ỹasheetrec.

Éxodo 6:1

Nache Ñim Nataxala' 'enapega somaye, 'eeta': «Nagui qaq 'aumeten da sheetec ñi faraón, cha'aye ñimaye saishet qome da choche qoquiỹa'ai naqa'en ne'ena 'alhua, qom huo'otaq sa serolec da lta'araic ỹa'añaxac, qaq ñimaye qome maiche qami' ỹo'oldauec.»

Isaías 30:14

qataq 'eeta'am aca ỹomaxaqui 'alhua, da ỹataqta imauec da dolachigui nache nam saq 'amaqtaq laỹepiolec qaica ca ishet da qaỹo'ogoxona da qoỹemaxaua'a aca poqo maye huetangui ca norec, huo'otaq da qoỹemaxana da qanqatsheguem ca 'etaxat da qaỹachegoxotangui aca nshere.»

Isaías 51:9

Ñaq 'anlouec, ñaq 'anlouec, 'am lhuaq Ñim Nataxala', ñaq 'auauo'o da 'ara'añaxac. Ñaq 'anlouec 'eeta'am 'anqa'en som hua'au, som na'a'q maye mashe qaỹoqtegue. 'Am 'aucolaxattac co'ollaxa so Rajab som shiguiỹac maye 'etaxat le'ec,

Isaías 52:10

Ñim Nataxala' ỹachaxan da la'añaxac ỹauaachigui naqa'en 'enauac na ỹotta'a't shiỹaxauapi. Qaq 'enauac nam netalec ana 'alhua, ỹaỹaten qome da Ñim Qanatamnaxala' qomi' nca'alaxatrec.

Isaías 63:12

cam ỹo'ot co'ollaxa da nnaictague' so Moisés dam ỹo'oxoraic la'añaxac, qataq ỹauaachigui naqa'en so lalamaxat nhuo' le'ecpi da icolaxachigui so 'etaxat aso auaxai da yaqto' ivira'a da chochaq tatec da na'aqtaguec,

Jeremías 13:14

Ime, nache selaxachigui qome namayepi, 'eeta'am ñaqa'en aca naco'oña, huaña nache ñi 'oonolec dataỹa'aguet ñi lỹa, nataqa'en na nta'alpi qataq ca ñalaqpi. Qaq Aỹem saishet qome da sechoxoreetac, qataq saishet da sechoxoreetac da selaxachigui. Qaq 'era da ỹa'aqtac Aỹem nataxala'.›»

Mateo 6:13

Qataq da qomi' nvitalo ca qañe'eguenataguec, nache saishet da qomi' 'auashenegueta da chegoqchigui camaye da 'am qolaqa'ai. Qataq qomi' 'anca'alaxateeguesopa da la'añaxac so pa'aguenataxanaxaic.» [Cha'aye 'aralamaxat da no'onataxanaxac qataq da na'añaxac qataq da ño'oxoyec maye qaica ca loga't. Aja', nache 'eetec.]

1 Samuel 2:10

Ñim Nataxala' ilaxachigui qome na mpa'aguenaxauapi, nache chegoqo'ot naqa'en na piguem na nqashelgaxa da talec naqa'en namayepi. Ñim Nataxala' nmit qome 'enauac nam huetalec ana 'alhua, qataq ỹanem da la'añaxac ca nta'a maye lca'aguishec, qataq nquictasheguem naqa'en da la'añaxac.»