Éxodo 15:2 - La'aqtaqa Ñim Lo'onatac 'Enauacna 2013

² Qaq da ỹo'onec sanot Ñim Nataxala', cha'aye Ñimaye nacheñi ñi ỹa'añaxac qataq ica'alaxa. Ñimaye nacheñi Ñim Ñatamnaxala' maye Lo'onatac 'Enauacna, qaq ỹoqo'oye sho'oxoren, Ñimaye nacheñi Ñim Natamnaxala' so ita'a, qaq ỹoqo'oye lta'araic da ỹo'oxonnataxanaxac Ñimaye.

Éxodo 15:2 Iomraidhean Croise

Génesis 17:7

Da ñaỹamaxataxac maye so'ot da 'am ñaỹamaxate', qataq cam 'am chegoxoguetpi, damaye saishet qome da imeuo. Qaq Aỹem nache Aỹem 'anatamnaxala' qome, qataq cam 'am chegoxoguetpi.

Génesis 49:18

¡'Am ỹataxala', seuatta'aguet da aỹem 'anca'alaxatec!

2 Samuel 22:3

Ñim Ñatamnaxala', 'eeta'am ana coma' da aỹem mpaxattalec, qataq ana mpaqtaxanaqte da aỹem mpaxattalec, qataq 'eeta'am ca ỹataqta qaỹoqotcheguema ñeqañoxotaqa', qataq ica'alaxaqui. ¡Qataq aỹem nca'alaxateeguesop da ñecogaxanataguec!

2 Samuel 22:47

«¡Qaq nache 'eetai' qome Ñim Nataxala'! ¡Ỹataqta qaỹo'oxoren Ñim Ñatamnaxala' maye ica'alaxaqui!

2 Samuel 22:51

Qataq ỹataqta 'aỹa'anem da dauegaxan, na nta'a maye 'arca'aguishec qataq nache 'eetai' da 'arauotaxanaqtaic na David qataq na chegoxoguetpi.»

2 Samuel 7:24

Cha'aye 'Am, 'auauotaique da nache 'eetai' da 'aralamaxat ne'ena Israel le'ecpi, qaq 'Am Nataxala', nache 'Am da Natamnaxala' namayepi.

2 Samuel 7:5

«'Anqo'ona qome ñi ỹamaxashec David, nache 'aua'aqtaxanem, qoneta': Ñim Nataxala', 'eeta': ‹¿Peta'a nache 'amo' da 'ano'oxoosheguem ca nỹec da yaqto' sootaigui?

1 Reyes 8:13

Qalaxaye aỹem, ño'oxoosheguem na nỹec da yaqto' 'arma', qataq da nache 'eetai' qome da qonetaña.»

1 Reyes 8:27

Qalaxaye ¿peta'a 'eesa da Ñim Lo'onatac 'Enauacna, ishet da netalec ana 'alhua? Ye nam pa'asheguem na piguem maye ỹataqta qalochiguiñi, qalaq saishet da nalo'oguet, ¿qaq ca 'eeteco' da ishet da hueta'a ne'ena nỹec maye ño'oxoosheguem?

1 Crónicas 16:14

Ñim Nataxala', nacheñi Ñim Qanatamnaxala', nacheñi ñi ilotague' 'enauac ana 'alhua.

Salmos 109:1

'Am 'Aro'onatac 'Enauacna, maye 'am sho'oxoreetac naxa, saishet da sa 'auasateguet da ñatamnaxac.

Salmos 118:14

Qaq ỹoqo'oye aỹem so'onaxaato'ot Ñim Nataxala', cha'aye Ñimaye ỹauo'o da ỹa'añaxac qataq nacheñi ñi ica'alaxaqui.

Salmos 118:21

'Am sho'oxoren qome 'Am Nataxala', cha'aye aỹem 'auasateguet co'ollaxa qataq nache 'am ica'alaxaqui.

Salmos 118:28

Qaq 'am nache 'Am Ñatamnaxala' ỹoqo'oye 'am sho'oxoren qome, qataq sho'oxoren da 'ara'amaqchec.

Salmos 132:5

qom saxanaxa da sanata ca sanaña ca lma' Ñim Nataxala', Ñim la'añaxanec so Jacob.»

Salmos 140:7

'Am Nataxala', 'am 'añaxaic qataq 'am ica'alaxaqui, ñaq aỹem 'ampaxaalec qome que'eca na'a'q maye huaigui ca alaataxac.»

Salmos 145:1

Aỹem huo'o ñaqa'en da 'ara'amaqchec, 'Am Ñatamnaxala' maye 'am Nta'a, chochaq tatec qome da sho'oxoreetac da 'are'enaxat.

Salmos 18:46

Ñim Nataxala' maye aỹem mpaxattalec nache 'eetai' qome da qaỹo'oxoreetac, qataq 'amaqtaqaic qanqa'en Ñim Lo'onatac 'Enauacna maye ica'alaxaqui.

Salmos 22:10

Qaq co'ollaq saxanaxa da sañiguiñi, qalaq nache 'eetai' da aỹem 'anteltega, qataq co'ollaq ñaq sootaigui na lauel aso ỹate'e, nache nale'ena da 'am Ñatamnaxala'.

Salmos 22:3

Qalaxaye 'am qui'itta, qataq 'am nta'a, maye 'am ỹo'oxoreetac na Israel le'ecpi.

Salmos 27:1

Ñim Nataxala', nacheñi ñi aỹem icoỹattalec qataq nacheñi ñi ica'alaxaqui, ỹoqo'oye ¿negue'tom ca she'etaique? ye Ñim Nataxala' nacheñi ñi mpaxattalec da ñachaalataxac, ỹoqo'oye ¿negue'tom ca aỹem icolanaqchet?

Salmos 28:8

Ñim Nataxala' nacheñi ñi ỹo'ot da la'añaxac na lalamaxat nhuo' le'ecpi, nacheñi ñi detaunaxan qataq lca'alaxaqui na nta'a maye lca'aguishec.

Salmos 30:1

'Am Nataxala', 'am sanot da ỹo'oxonnataxanaxac, cha'aye aỹem 'anca'alaxatec, qataq sa 'auashenem na ñepa'aguenaxauapi da aỹem lashetac.

Salmos 34:3

Sho'oxorenaq qome Ñim Nataxala', qataq llatetaq da le'enaxat Ñimaye.

Salmos 48:14

Da Ñim Qanatamnaxala', Ñimaye chochaq tatec. Qaq Ñimaye nache 'eetai' qome da qomi' ỹauecta'agueta.

Salmos 59:17

Nache so'onaxaatac da 'am sho'oxoreetac 'am Ñatamnaxala', cha'aye nache 'am 'auo'ot da ỹa'añaxac qataq aỹem 'ampaxattalec, nache 'Am Ñatamnaxala' maye aỹem 'arauotaxat.

Salmos 68:20

Ñim Nataxala', maye Qanatamnaxala' Ñimaye Lo'onatac 'Enauacna maye deca'alaqtaxan, qataq ishet da qomi' nca'alaxateeguesopa da nleuaxa.

Salmos 99:5

¡Qavio'oxoyiñi qome Ñim Nataxala' maye Qanatamnaxala', qataq qaua'ayiỹoto naua qarllectelli'! ¡Ñimaye ỹataqta qui'itta!

Salmos 99:9

Qavio'oxoyiñi qome Ñim Nataxala' maye Qanatamnaxala', qataq qaua'ayiỹoto naua qarllectelli' qom qoviita'a añi qui'itta nqasoxonaxa, cha'aye ỹataqta qui'itta Ñim Nataxala' maye Qanatamnaxala'.

Éxodo 14:13

Qalaxaye so Moisés 'enapeco': «Saishet qome da qayi'i. Nache qoñiitai', yaqto' qauauañiichigui da 'eetec Ñim Nataxala' da qami' nca'alaxatrec ne'ena na'a'q, cha'aye ne'ena Egipto le'ecpi maye qauloita'aguet, ne'ena na'a'q nache tachiguiña da saishet da qaltaq qanauañi'.

Éxodo 3:6

Nataqa'en 'enapega, 'eeta': «Aỹem maye Nachaỹem Natamnaxala' soua hua'au' 'arta'al. Nachaỹem Natamnaxala' so Abraham, Isaac qataq so Jacob.» Nache so Moisés, ỹapogui na lashec cha'aye ỹataqta huo'o da lcolanaxa da ỹamato'ot Ñim Lo'onatac 'Enauacna.

Éxodo 4:22

Nache 'am qome qonapega ñi faraón, qoneta': Ñim Nataxala' da la'aqtac 'eeta': ‹So Israel nacheso so la'auaxanec ỹalec›.

Éxodo 40:34

nache so lo'oc imattalec se'eso npe'l, qataq da llo'oxoyec Ñim Nataxala' ỹataqta imattalec somaye.

Éxodo 6:7

Qataq saconeua'a da qoñiita da yaqto' sauo'oi qami' ỹalamaqa'ate, qaq Aỹem Nachaỹem Qanatamnaxala'ai. Yaqto' qami' qauaỹaañita da Nachaỹem Nataxala', qataq Nachaỹem Qanatamnaxala'ai maye qami' ñeca'alaxateeguesopa da qapa'atta qaro'onataxanaxaqui maye qami' ỹacheleguete na Egipto le'ecpi.

Isaías 12:2

Ñim Lo'onatac 'Enauacna, nacheñi ñim aỹem nca'alaxatec, aỹem ñaquita'a Ñimaye nache saishet da she'etac. Ñim Nataxala' nacheñi ñim ỹe'eguenaxala' qataq nacheñi ñi ỹa'añaxac, qataq nacheñi ñi ica'alaxaqui.»

Isaías 25:1

'Am Nataxala', maye 'am Ñatamnaxala'; aỹem so'ot da 'ara'amaqchec qataq sho'oxoren da 'are'enaxat, cha'aye 'auo'ot co'ollaxa na ỹo'ot da na'aalaxa, qataq naua togosha'ape 'arqataxaco sa nqui'c qataq 'eesora.

Isaías 45:17

Qalaxaye Ñim Nataxala' nca'alaxatec qome na Israel le'ecpi, irolec da chochaq tatec lca'alaqtaxanaxac, qaq nache saishet qome da ỹe'eguelaxa da huetaigui da la'aloxo, qataq da qaica ca la'amaqchec.

Isaías 49:6

Ñimaye 'eeta': «Saishet da nacherata da 'am ỹamaxashec da yaqto' nauaqsheguem 'anqa'en na llalaqpi so Jacob, qataq da 'añe'eguelaxat na lca'alaxaicpi Israel le'ecpi, maye nataqa'en 'am sanem da 'am lcoỹaraqte na ỹotta'a't shiỹaxauapi, da yaqto' 'auache da ica'alaqtaxanaxac nache 'aviraxata'a cam ỹataqta pa'atec ana 'alhua.»

Isaías 66:1

Ñim Nataxala', 'eeta': «Na piguem nachena na ñeso'ootalec, qaq ana 'alhua qalaq nachana ana ỹapiaxalate. Qaq ¿hua'ague ca qaỹa'añiỹa'ague ca ima' da qano'oxoñiisheguem? Qataq ¿hua'ague ca qaỹa'añiỹaña cam ima' maye ishet da ñemataqa'?

Jeremías 3:23

Qaica ca naigui da saxasheguema naxa ana lcomaraxalatepi huo'otaq da sa'alaxasoqtai' da sonaqtasheguema ana qasoxonaxapi, cha'aye nachaqñita Ñim Nataxala' maye Qanatamnaxala' da hueto'ot da lca'alaxa na Israel le'ecpi.

Jeremías 31:33

Qaq 'era da ñaỹamaxataxac que'eca na'a'q qom ñaỹamaxate' na Israel le'ecpi, 'eeta': Sanaigui qome añi lquiyaqte naua iqataxaco qataq serelec da ntoonaxac. Nache namayepi Aỹem Natamnaxala' qome, qataq nache ỹalamaxatpi namayepi. Qaq 'era da ỹa'aqtac Aỹem Nataxala'.

Jeremías 32:38

Nache ne'ena nhuo' le'ecpi ỹalamaxat qome, qataq Aỹem Natamnaxala' qome.

Habacuc 3:13

'Am 'auanac da 'autauan nam 'aralamaxat nhuo' le'ecpi, qataq so nta'a maye maiche 'arca'aguishec. Qataq 'aulaxachigui so lauo' lapo' som qauemaic, qataq yo'oqchiguiña 'anqa'en, so coma' maye lo'oxonaxala' so lma'.

Zacarías 13:9

Qalaxaye que'eca no'onañipi, tangui qome ñaqa'en ca norec, sequi'itaxat qome, 'eeta'am ñaqa'en da qaiqui'itaxat ca lcat plata, qataq seỹo qome, 'eeta'am ñaqa'en da qaiỹo ca lcat oro. Huaña nache camayepi aỹem natamnot, nache Aỹem sasateguet qome. Qaq seỹaxana qome da ỹalamaxatpi, qaq camayepi da Aỹem iỹaxana qalaq 'eeta': «Ñim Nataxala' nacheñi Ñim Qanatamnaxala'.» Qaq 'era da san ỹa'aqtac Aỹem Nataxala'.

Lucas 1:77

Qataq 'aua'aqtaxanem nam shiỹaxauapi da mashe huo'o da lca'alaxa, cha'aye Ñim Lo'onatac 'Enauacna ỹapalaxa't naua lasouaxashe'ete.

Lucas 2:30

Cha'aye aỹem ñema'ai' nagui da ñelota'ai' nam Nca'alaxaqui,

Juan 4:22

Qami' Samaria lashe', qami' saishet da qauauattoñiita cam qavio'oxoyiñiitac. Qomi', qalaxaye ỹataqta saỹaanaqta ñim sho'oxorenaqtac. Cha'aye ca Nta'a Nca'alaxaqui camaye chegoqtoigui na judiopi.

Juan 5:23

yaqto' 'enauac na shiỹaxauapi ishet da ỹo'oxoren na Llalec, 'eeta'am naqa'en da 'eetec da ỹo'oxoren Ñim Lta'a. Qaq cam saishet da ỹo'oxoren na Llalec, qaq camaye saishet nataqa'en da ỹo'oxoren Ñim Lta'a maye namaq Namaye.

Hechos 4:12

Qaica ca lỹa ishet da chegoqchigui da nca'alaxa. Cha'aye Ñim Lo'onatac 'Enauacna qaica ca lỹa ne'enaxat da qomi' ỹanema ana 'alhua, da yaqto' ishet da qomi' nca'alaxatre'c, nachaqsota So Jesús.

Efesios 2:22

Nagui da mashe qana'ayeetaua'a So Jesucristo, nache nataqa'en qami' qana'ayeetaua'a ñi'iñi nỹec, maye netaigui Ñim Lo'onatac 'Enauacna ỹachegoxotchigui naqa'en So Saqcha'a La'añaxac.

Deuteronómio 10:21

Cha'aye Ñimaye nacheñi ñi ỹalamaqchigui da qayo'oxonnataxanaxaqui, Ñim Qanatamnaxala'ai maye qami' ỹo'oteque na ỹataqta lta'araic ỹo'ot da na'aalaxa maye qauauañiichigui.

Filipenses 2:11

qataq yaqto' 'enauac qaỹauattoota So Jesucristo da nacheso so Nataxala', qataq nache llo'oxoyec Ñim Qarta'a maye Lo'onatac 'Enauacna.

Filipenses 4:13

So Cristo aỹem ỹami' da ỹa'añaxac da yaqto' ñala'aguet da sataỹa'aguet 'enauac nam sevireguet.

Colosenses 2:9

So Cristo ỹataqta imauec da lataxac da 'eeta'am Ñim Lo'onatac 'Enauacna,

Apocalipsis 15:3

Nache somayepi ỹo'ootac som lo'onec so Moisés da qaỹo'oxoren So Qagueta Llalec maye 'eeta': «'Am Qarataxala' maye 'Aro'onatac 'Enauacna, qataq qaica ca 'auqalanapec, 'enauac nam 'auo'otpi ỹataqta lta'araicpi, qataq huo'o da llo'oxoyec. 'Am maye 'am Lataxala' 'enauac nam huetalec ana 'alhua, 'enauac na 'auo'otpi ỹataqta ỹaỹamaqchiguiñi, qataq nalochiguiñi.

Apocalipsis 19:1

Qaq can ime de'era, nache sa'axaỹa da lavilỹaxac so ỹataqta qalota shiỹaxauapi ỹataqta alam, chemqot na piguem, 'eeta': «¡'Enauac qome da qaỹo'oxoren Ñim Nataxala'! Ñim Qarta'a maye Lo'onatac 'Enauacna ỹataqta 'añaxaic, ỹoqo'oye qomi' nca'alaxatre'c. Qaq ỹoqo'oye nacheñi ñi lalamaxat da na'añaxac qataq da ño'oxoyec.

Jueces 5:21

nache so ỹataqta chaxaguet la'auaxac som togoshaapec la'auaxac Cisón, ỹa'auatec naqa'en somaye qataq so nalleppi. ¡'Am, qalaq 'aupataxa't ana lqoichiqui so 'añaxaicpi!