Éxodo 14:3 - La'aqtaqa Ñim Lo'onatac 'Enauacna 2013

³ Yaqto' ñi faraón 'eeta' qome da lhuennataxa: ‹So Israel le'ecpi sa ỹaỹaten ca dataigue. Choche nsomaxaatapigui' ye toolec 'alhua›.

Éxodo 14:3 Iomraidhean Croise

Salmos 139:2

'Am, ỹataqta 'auauattoota 'enauac na so'ottacpi, na'aictaxa da aỹem qaỹoqta, qalaq 'am 'auaỹate'n naua iuennataxaco.

Salmos 139:4

Na'aictaxa da saxanaxa da ñasaxauec ca ỹa'aqtac, qalaq 'Am Nataxala', mashe 'auaỹaten.

Salmos 3:2

qataq qalota na aỹem detaqtega, 'eeta': «Ñim Lo'onatac 'Enauacna saishet da nca'alaxatec qome ñimaye.»

Salmos 71:11

Nache 'eeta': «Ña qaucañiỹapec qataq qauacoñiiua'a, cha'aye Ñim Lo'onatac 'Enauacna mashe ca'ai, nache qaica ca ishet da nca'alaxatec.»

Éxodo 14:2

«Qonapega qome na Israel le'ecpi da ỹe'eguelaq, ime nache hua'a qome ye datatta ye Pi Ajirot maye vichiguinguilo yeua Migdol qataq aso auaxai. Qaq nache hua'a qome ye loigue aso auaxai, yem datatta ye Baal Sefón.

Éxodo 14:4

Qaq aỹem so'ot qome da ỹataqta qaramchigui añi lquiyaqte ñi faraón, da yaqto' qami' ncaaleguete. Huaña qome, nache sachaxana ñimaye da ỹa'añaxac qataq 'enauac na nalleppi. Yaqto' na Egipto le'ecpi ỹaỹateeta da aỹem Nachaỹem Nataxala'.» Qaq so Israel le'ecpi nache ỹo'ot co'ollaxa de'era.

Ezequiel 38:17

Aỹem Nataxala', shenapec: Nache 'am da 'am setaqtega co'ollaxa soua hua'au' vi'iye, co'ollaq sa'aqtaxaatac, chegoqchigui som ỹamaxashecpi maye ỹa'ataxanaxanecpi ye Israel, qaq se'eso na'a'q, somayepi ỹa'axattac co'ollaxa da Aỹem taỹa'a da 'am ñanacot da yaqto' 'auloquiaxan na Israel.

Hechos 4:28

Qaq de'era ỹo'ot namayepi, damaye ỹataqta ipacchiguilo 'enauaque naua 'alapaxayiñi 'arhuennataxaco da 'auo'o't.

Deuteronómio 31:21

Qalaxaye qom ivireguet nam qauemsat qataq ca lta'araic nque'eenaxac, nache ne'ena no'onec maiche iuennataxanaxan qome namayepi, cha'aye ca dalaxaicpi maye chegoxoguet namayepi qom do'onaxan, nache maiche ntoonaxanaxan namayepi. Cha'aye Aỹem, mashe saỹaten da lhuennataxa namayepi, nagui da ñaq saxanaxa da senoxonaqcheteua'a yi'iye 'alhua, maye sachaxanapecot co'ollaxa namayepi.»

Jueces 16:2

Nache so lma' ye Gaza co'ollaq la'axaỹaxac da so Sansón hueta'a se'eso huaqta'a't nỹecpi, nache somayepi nauan 'enauac co'ollaxa somaye, qataq nache hueta'a so lasom so lpaqtaxat se'eso huaqta'a't nỹecpi da nauaatac 'enauac se'eso pe, cha'aye 'eeta': «Qom qaỹata'aguet ca na'a'q da nnoxonec camaye, nache salauataq.»

1 Samuel 23:23

Nache ỹoqta qanaloqchiñiita ca ỹoqta ỹe'egueetapoigui nqañoxotaxaquipi camaye, ime nache qañe'eguelaqai da aỹem qaua'aqtaxañim, yaqto' nache qami' ñenaicapegueto qome. Qaq da ỹoqta 'eesa da hueta'a yi'iye 'alhua ca David, nache ỹataqta ñematte' qome naua lma'ate yem lauo' le'ecpi so Judá da ñemitaique camaye.

1 Samuel 23:7

Qaq co'ollaq qaỹa'aqtaxanem so Saúl da so David hueta'a ye Keila, nache 'enapeco': «Ñim Lo'onatac 'Enauacna aỹem ỹanem da ỹoxonec ca David, cha'aye taua'a ye huaqta'a't nỹecpi maye napotaua'a, nache saishet qome da datauec.»