Éxodo 13:9 - La'aqtaqa Ñim Lo'onatac 'Enauacna 2013

⁹ Qaq damaye 'eeta'am qome ca yo'oqchigui la'anaxat na qarhuaqai huo'otaq na qaratapi, yaqto' da huo'otaq qautaqaitac, qalaq nache 'eetai' da qauennacheetapega da lqataxac Ñim Nataxala', cha'aye Ñimaye nacheñi ñi qami' nqateeguesopa ye Egipto co'ollaq qami' iroleguete da lta'araic la'añaxac.

Éxodo 13:9 Iomraidhean Croise

Nehemías 1:10

Cha'aye maiche qomi' 'aramaxashecpi, qataq qomi' 'aralamqa'ate maye qomi' 'anqateeguesopa co'ollaxa ye Egipto, qomi' 'auroleguete da qaica ca 'ena'am 'ara'añaxac.

Salmos 136:11

Ñim nqateeguesop co'ollaxa ye Egipto so Israel le'ecpi, cha'aye da lauotaxanaqtaic chochaq tatec,

Salmos 136:12

irolec da lta'araic la'añaxac na lhuaq, cha'aye da lauotaxanaqtaic chochaq tatec.

Salmos 89:13

Na 'arhuaq ỹataqta huo'o da la'añaxac, ỹataqta huo'o da la'añaxac na 'oiguishec 'arhuaq qataq qaramta.

Éxodo 12:14

Qaq que'eca na'a'q, nache qami' saishet da qaucoviỹa'ai da qauo'oche ca ỹataqta lta'araic qayo'oxonnataxanaxaqui da qavio'oxoyiñi Nam Nataxala'. Qaq damaye nache qalapaxañi namaxasoxonaxac da nache 'eetai' qome da ivireuga ye laloxoqui nache qami' qavi'iguelaqailec da qauo'oche, qataq nache 'ena'am qome ca qaỹa'alquipi.

Éxodo 12:41

qaq co'ollaq mashe inoxoorec se'esoua cuatrocientos treinta vi'iye, nache 'enauac se'eso nalleppi Ñim Nataxala' ca'ai yi'iye 'alhua.

Éxodo 13:14

Qaq cam na'a'q da qami' ina't ca qaỹa'alqui da 'eeta': ¿Negue't ca naigui de'era?, nache qoñiita' qome: Ñim Nataxala' do'onataxana da lta'araic la'añaxac co'ollaq qomi' nqateeguesopa ye Egipto, cha'aye co'ollaq sonaqtaña yi'iye 'alhua nache choche qomi' nlataqa.

Éxodo 13:16

Qaq ỹoqo'oye damaye 'eeta'am ca la'anaxat na qarhuaq, huo'otaq na qaratap, qaq damaye naigui da seuennaqte da Ñim Nataxala' nacheñi ñi qomi' nqateeguesopa ye Egipto co'ollaq do'onataxana da lta'araic la'añaxac».

Éxodo 13:3

Nache so Moisés 'enapega na shiỹaxauapi, 'eeta': «Qauennachiỹa'a qome ne'ena na'a'q maye huetoigui da Ñim Nataxala' qami' iroleguete da lta'araic la'añaxac da qami' nqateeguesopa ye Egipto, yem qoñiitaña co'ollaxa da choche qami' nlataqa. Qaq ỹoqo'oye nagui saishet qome da qollequi aca nauole 'ayiiña maye huo'o ana lalecte maye ỹasheeraxachigui.

Éxodo 3:20

Qaq ỹoqo'oye aỹem sachaxana qome da ỹa'añaxac, salaatec qome da nleuaxa ye Egipto le'ecpi qataq 'enauac nam ishet da de'elaqtaxan. Qaq qom ime, nache ñi faraón ishet da qami' ỹasheetrec.

Éxodo 7:4

Qaq ñi faraón saishet qome da qami' ỹoqocha'alo, qalaxaye aỹem sachaxana qome da ỹa'añaxac na Egipto, qataq serolec da lta'araic iuaxanaxanaxac, nache ñeqateeguesop namaye nam ñalleppi, qataq nam ỹalamaxatpi maye llalaqpi so Israel.

Proverbios 1:9

cha'aye 'eeta'ama ca 'onaxaic 'ano'otaxat: 'eeta'am aca ỹataqta 'onaxai nqola, huo'otaq ca 'onaxaic llo'oxoraxat na 'arqaic.

Proverbios 3:21

'Am ỹalcolec, saishet qome da 'aỹa'axanec da ỹaỹamaqchiguiñi lataxac, qataq 'alotelec da ntelaqchec,

Proverbios 7:23

nache ivitta'a da tagui añi lquiyaqte aca checna, nache 'eeta'am ca qoỹo da maiche taỹa da ỹe'egueneguet ca naleguec, sa ỹaỹaten da mashe daqat da nachaalataxac.

Cantares 8:6

Ỹataqta huetaigui qome 'anqa'en da 'arquiyaqteỹaxac da 'arhuennataxac da sheeta, qataq ỹataqta 'eeta'am da 'erelec na 'arhuaq. Da qarauotaxanaqtaic qaica ca npaxateguet, 'eeta'am da nleuaxa, da nqopitaxanaqtaic saishet da 'am ỹaxanec, 'eeta'am ca nleuqa'. ¡Da la'añaxac da nauotaxanaqtaic 'eeta'am ca chegaqasheguem saqcha'a norec!

Isaías 27:1

Qaq que'eca na'a'q Ñim Nataxala' iuaxan qome so Leviatán, som na'araxanaq maye ỹataqta huegaqaic, som na'araxanaq maye ỹataqta saqanapot, irolec ca lainec maye qaramta, lta'araic qataq 'añaxaic, qataq ỹalauat qome so shiguiỹac le'enaxat dragón maye huetangui aso auaxai.

Isaías 40:10

Mashe nvi' Nam Nataxala', nactaigui da la'añaxac, qaq na lhuaq huetaigui da la'añaxac da ilo'ogue na lalamaxatpi. Qataq ñe'eguelaxat na lalamaxat nhuo' le'ecpi da ime da nca'alaxatec.

Isaías 44:5

Qaq huo'o qome ca 'enapec: «Aỹem lalamaxat Ñim Nataxala'», qaq ca lỹa ỹache qome da le'enaxat so Jacob, qaq ca lỹa ỹerelec qome na lhuaq da 'eeta': «Lalamaxat Ñim Nataxala'» qataq ỹauo'o le'enaxat da Israel.

Isaías 49:16

Aỹem, shettalec da 'are'enaxat na ihuaq lauel, qataq nache 'eetai' da saishet da secoua'ai nam 'arpaqtaxanaxatpi.

Isaías 51:9

Ñaq 'anlouec, ñaq 'anlouec, 'am lhuaq Ñim Nataxala', ñaq 'auauo'o da 'ara'añaxac. Ñaq 'anlouec 'eeta'am 'anqa'en som hua'au, som na'a'q maye mashe qaỹoqtegue. 'Am 'aucolaxattac co'ollaxa so Rajab som shiguiỹac maye 'etaxat le'ec,

Isaías 59:21

Ñim Nataxala', 'eeta': «Aỹem so'ot da ñaỹamaxataxac da qami' ñaỹamaxatto, da ỹa'añaxac qataq nam ỹapaxaguenataxanaxacpi maye qami' sanema, qami' sachaxanapeguema da saishet qome da qami' ca'aisalo, qataq cam qami' chegoxogueta, nache damaye qome qaica ca loga't.»

Jeremías 22:24

Ñim Nataxala' 'enapega so Jeconías, som llalec so Joaquim, maye nta'a ye Judá 'eeta': «Aỹem san da ỹa'aqtac, da na'aictaxa da 'am qoneta'am aca chiguishaqte na'anaxanaqte, da netagui na aỹoic ihuaq, qalaxaye nache 'ena'am 'am ñeqat,

Daniel 9:15

'Am Nataxala' maye 'am Qanatamnaxala', 'auachaxan co'ollaxa da lta'araic 'ara'añaxac, co'ollaq 'anqateeguesop ye Egipto na 'aralamaxat nhuo' le'ecpi, qaq nache chegoqchiguiña co'ollaxa da 'auo'ot da la'amaqchec da 'are'enaxat, nache ivitta'a nagui, qalaxaye qomi' huo'o da qarasouaxashet, qataq so'otaqtac na qauem.

Joel 2:11

Qaq Ñim Nataxala' nache hua'auta'ague da taỹa'ague nam nalleppi, da lavilỹaxac Ñimaye ỹataqta dellimigui da ỹa'axaỹaqchet na shiỹaxauapi. Qataq na nalleppi Ñimaye ỹataqta qalota, qataq ỹataqta 'añaxaicpi nam ỹo'ottac nam lamaxasoxonaxacpi Ñimaye. ¡Qaq cha'aye ỹataqta lta'araic qataq chaqaic nam na'a'q maye lviraxaqui Ñim Nataxala'! ¿Qaq negue'tom ca ishet da nala'aguet da dataỹa'aguet?

Números 15:39

Yaqto' namayepi da ilota'a anamayepi, nache iuennata'a 'enauac na ỹamaxasoxonaxacpi maye samaxalec da ỹo'ot. Nache saishet da ỹo'ot ca maiche lquiyaqteỹaxac, huo'otaq da quetague' da maiche lmeenaxanaxac, maye ỹo'ot da nquisheshigui da la'amqaanataxanaxac.

Mateo 23:5

Qaq ỹo'ot 'enauac ne'ena namayepi, cha'aye nshetaique da na shiỹaxauapi huo'o da la'aalaxa. Ỹoqo'oye ỹauo'o natai' lereguishecpiolec ỹachegoxotaigui ana nere maye huetalec na la'aqtacpi Ñim Lo'onatac 'Enauacna, ime nache ỹauo'o aso laỹe' lo'ocole qataq ỹauo'o so lquet, nache ishet da ỹaxachigui na lqaic da ỹaatelec na latap huo'otaq na lhuaq. Nache nquigaxattauec ye lcata asa'aso laỹe' qataq ỹo'ot na lasoviaxanatac naua loga'te naua alogo da yaqto' na shiỹaxauapi ipettega da ỹataqta ỹalaxaguet Ñim Lo'onatac 'Enauacna.

Romanos 10:8

Qaq 'era dam 'eetega naua ñiyigui'she maye nanettalec ana nere maye huetalec na la'aqtacpi Ñim Lo'onatac 'Enauacna maye 'eeta': «Naua la'aqtaqa Ñim Lo'onatac 'Enauacna ỹataqta saqaỹapeque naqa'en 'am; netaigui na 'ap qataq añi 'arquiyaqte.» Qaq de'era na'aqtaxanaxac nachera dam qami' ñeraxalo: Da iuen da sepi'iỹaqa'a Ñim Lo'onatac 'Enauacna.

Deuteronómio 30:14

Cha'aye de'era namaxasoxonaxac, damaye saqaỹapeque da qoñiita, cha'aye damaye mashe huetaiguilo naua qa'apilli' qataq naua qarquiyaqchilli' da yaqto' qaualaqaiguet.

Deuteronómio 5:15

Qataq qantooñita'ac da qami' nlataqa co'ollaq qoviita'a ye Egipto, qaq Ñim Nataxala' maye Qanatamnaxala'ai, qami' nqatrec co'ollaxa ỹauota'a da ỹataqta lta'araic la'añaxac. Qaq ỹoqo'oye Ñimaye qami' ỹamaxaleguete da huo'o naq 'enec qanqa'eñi ye na'a'q mataxaqui.

Deuteronómio 6:21

Nache qami' qoñiita': «Qomye huo'o so na'a'q da qomi' l-lataqa so faraón co'ollaq huaña ye Egipto, qalaxaye Ñim Nataxala' ỹauota'a da ỹataqta lta'araic la'añaxac da qomi' nqatre'c.

Deuteronómio 6:6

Qaq ne'ena ỹa'aqtacpi maye 'am sanem nagui, ỹataqta 'aỹa'anaigui qome da 'arquiyaqteỹaxac,

Deuteronómio 6:8

Nache ne'ena nqataxacpi, 'axattchiguiñi da 'anagui na 'arhuaq qataq 'analec na 'aratap da yaqto' la'anaxat 'anqa'en,

Apocalipsis 18:8

Qaq ỹoqo'oye 'oonolec na'a'q ca imaigui da ỹaconeguet 'enauac na nhuaxanaguecpi: lqouaxa, nque'eenaxac qataq da l-leuaxa. ¡Qataq qairolec ca norec da qaỹavigaxat, cha'aye Ñim Nataxala', Ñim Lo'onatac 'Enauacna maye qaica ca ỹaqalanapec, maiche lhuennataxac da ỹauo'o ca nhuaxanaguec!»

Jueces 2:12

Nache ca'ai Ñim Nataxala', Ñim Natamnaxala' so hua'au lta'alpi maye nqateeguesop co'ollaxa ye Egipto, nache ỹataqta nañaneguet da natameetacot so natamnaxala'pi so shiỹaxauapi maye lauoreuapi, nache inogoqchet Ñim Nataxala'.