Éxodo 12:3 - La'aqtaqa Ñim Lo'onatac 'Enauacna 2013

³ Qaq qonapega qome 'enauac na Israel le'ecpi, qoneta': Qom ivireuga ca na'a'q diez ne'ena ca'agoxoic, nache ñi 'oonolec nta'a da qoñiita, huaxaiguet ca llalaqpi, nache ỹaconeua'a ca 'oonolec qagueta llalec.

Éxodo 12:3 Iomraidhean Croise

Génesis 22:8

Nache so Abraham, 'enapeco': «Qomye Ñim Lo'onatac 'Enauacna maiche ỹauo'o ca qagueta llalec da yaqto' qarachetaqtaxanaxat, 'am ỹalcolec.» Qaq soomaye nache quete', nnaictega't.

Génesis 4:4

Qaq nataqa'en so Abel ndoua'a Ñim Nataxala' so ỹataqta 'onaxaic la'auaxanec llalaqpi aso lalo qaguetapi. Qaq Ñim Nataxala' ỹataqta ỹamaateguet so Abel, qataq aso lachetaqtaxanaqte,

2 Crónicas 35:7

Qaq huaña nache so Josías ỹachegoxotaigui aso maiche lalopi, da ỹanem 'enauac se'eso shiỹaxauapi maye hueta'a yemaye, som shiguiỹacpi da yaqto' qaỹo'oxoren so Lapascua, nache ỹanec so qagueta llalaqpi, qataq so quetaq llalaqpi, qaq somayepi ivi' treinta mil ye lcata, qataq nataqa'en so tres mil huaca llalaqpi.

Éxodo 12:2

«Ne'ena ca'agoxoic nachena qome na huo'o naq 'enec qanqa'eñi, qataq nachena na la'auaxanec ca'agoxoic na vi'i.

Éxodo 12:21

Nache so Moisés damaxasoxoolec da qaiỹaxaneuga 'enauac so lqueroxonecpi so Israel le'ecpi, nache 'enapega, 'eeta': «Qauesomiỹa qome, qauacoñiiua'a ca qagueta llalec. Ime, qaq qaualauache, yaqto' ñi 'oonolec da qoñiita qataq ca llalaqpi ỹo'ot ca lquia'axac da yo'oxonnataxan.

Éxodo 12:4

Qalaxaye ca 'oonolec da qoñiita da saq 'amaqtaq ca llalaqpi, da huo'otaq sa nalo'oguet da chec ca 'oonolec qagueta llalec, nache camaye no'on da lquia'axaua ca lauoreua, qaq naloqteeta'ai' ca lcata camayepi, qataq ỹataqta ca nalota'ai' da chec ñi 'oonolec.

Éxodo 12:6

Nache qaỹaỹamaxat que'eca shiguiỹac, nato' qom ivireuga ca na'a'q catorce ne'ena ca'agoxoic. Nache 'enauac na Israel le'ecpi ñi 'oonolec huaxaiguet ca llalaqpi, nache ỹalauat qom mashe napalchiguiñi.

Éxodo 14:15

Qalaxaye Ñim Nataxala' 'enapega so Moisés, 'eeta': ¿Ta'ainco' da aỹem 'auỹaxaatacot da 'am setauan? ¡Qonapega qome na Israel le'ecpi da jec, nqauasheguem!

Éxodo 20:19

Huaña, nache 'enapega so Moisés, 'eeta': «Nache 'amta qome qomi' 'autaxaỹapegueto. Ime, qaq 'am salaxasoxoguet. Qalaxaye saishet qome da qomi' detaxaỹapegueto Ñim Lo'onatac 'Enauacna. ¡Ten, qom seleuaq!»

Éxodo 4:30

Nache so Aarón ỹa'axat 'enauac na la'aqtacpi Ñim Nataxala' maye ỹami' so Moisés, nataqa'en ỹo'ot na na'anecpi maye ỹo'ot da na'aalaxa, ỹauaachigui naqa'en so shiỹaxauapi.

Éxodo 6:6

Qaq ỹoqo'oye 'am qojec qome, nache qonapega na Israel le'ecpi, da Aỹem maye Aỹem Nataxala' qami' ñeqateeguesopa qome da qanlataguiiqui qataq da qapa'atta qaro'onataxanaxaqui maye qami' ỹacheleguete na Egipto le'ecpi. Aỹem sachaxan qome da ỹa'añaxac da qami' ñeca'alaxatrec cha'aye serolec ñimaye da lta'araic iuaxanaxanaxac.

Ezequiel 40:1

Co'ollaq mashe ivi' soua veinticinco vi'iye da souaqtaigui da qancoñetaguec, nache aỹem ỹashel-lec Ñim Nataxala', nache aỹem ỹauega ye Jerusalén. Qaq de'era huaigui so na'a'q diez, so la'auaxanec ca'agoxoic, qaq mashe ivi' soua catorce vi'iye da noxonec co'ollaxa ye Jerusalén.

Levítico 1:2

«Qonapega qome na Israel le'ecpi, da huo'o ca 'oonolec namayepi da Aỹem ỹanot ca lachetaqtaxanaxat shiguiỹac, nache ndouo ca huaca, qagueta huo'otaq quetaq.

Levítico 5:6

Nache camaye ỹanot Ñim Nataxala' aca qagueta, huo'otaq quetaq da lachetaqtaxanaqte maye sa imauaq da qaỹavigaxat. Qaq 'era da 'eetec da ỹo'ot ca ntaxaỹaxanaxanec da yaqto' qaỹapalaxat ca ilamaxata'a lasouaxashet que'eca shiỹaxaua.

Números 15:11

Qaq 'era da lataxac da ishet da qaỹo'ot, da qoỹaneuo ca huaca llalec, peenaq, qagueta llalec, qataq ca quetaq llalec.

Juan 1:29

Qaq so lỹa na'a'q, nache so Juan ila'aguet So Jesús da naỹaxaama somaye, nache somaye 'enapega so shiỹaxauapi 'eeta': –Ña qauloỹeeguet, 'ena cha'aguet na Jesús, nachena na 'eeta'am ca nachetaqtaxanaxat Qagueta Llalec maye ỹachegoxotchigui Ñim Lo'onatac 'Enauacna da ỹapalaxat na lasouaxashetpi na shiỹaxauapi.

Juan 1:36

Qaq co'ollaq ỹauaateguet So Jesús, nache 'enapeco': –Ña qauloỹa, 'ena cha'aguet na Jesús, nachena na 'eeta'am ca nachetaqtaxanaxat Qagueta Llalec maye chegoqo'ot Ñim Lo'onatac 'Enauacna.

Juan 12:1

Qaq saxanaqcaua caua seis na'axa'te da iviteuga so naponaxac maye le'enaxat Lapascua. Nache So Jesús taỹa ye Betania yem netaña so Lázaro som qaltaq nca'alaxatec co'ollaxa Somaye.

Juan 12:12

Qaq ỹataqta qalota na shiỹaxauapi na mashe nvita ye Jerusalén da ỹalegueua'alo soua na'axa'te maye laloxoqui' da qaiuennate so na'a'q le'enaxat Lapascua. Qaq se'eso lỹa na'a'q, nache qaỹaỹaten So Jesús da mashe nayeetaua'a ye Jerusalén.

1 Corintios 5:7

Qaq ỹoqo'oye qaỹa'axañiiñi da qauo'ocheetac naua qarasouaxashe'echilli'. Cha'aye dam ñe'etaxaloxo, 'eeta'am ana mashe qauem maye ỹasheeraxachigui ca ndaqnec 'ayiiña, da iqataqchet 'enauac naqa'en camaye. Da qami' qaỹa'axañiiñi da qauo'ocheetac na qauem, nache qami' dalaxaiqa shiỹaxau', qoñiita'am aca dalaxai nauole maye qaca aca lalecte maye ỹasheeraxachigui da qanallec da iviteuga ye na'a'q le'enaxat Lapascua. De'era dalaxaic qanachaalataxac, 'eeta'am de'era naponaxac. Qaq so qagueta llalec maye qaỹalauat da huaigui de'era naponaxac, nacheso So Cristo maye qaỹalauat co'ollaxa, qaiuaxaneguet so npe'enaxaqui. Qaq qomi' qalaq shenaqta'am aca nauole maye qanallec da huaigui de'era naponaxac, qaq ỹoqo'oye iuen da shenaqta'am aca nauole maye qaca aca lalecte maye ỹasheeraxachigui, damaye naigui da huesota qarataxac qataq no'on. Saishet qome da qomi' qauemaiqa qataq saishet da so'otaxac ca qauem ca qarỹa, cha'aye da nache shenaqtec de'era, nache shenaqta'am aca nauole maye lalecte qanqa'en ana mashe qauem maye ỹasheeraxachigui.

Josué 7:14

Qaq qoyo'oxoñi 'enauac da qoñiita qanachaacheua'a ne'ena, qaq ñi 'oonolec na maiche nalamaxat nhuo' le'ecpi nache ỹataqtac naqa'en nam chegoxoguetpi, qaq cam shecteua'a, nacheca qome ca anac, lỹateuo na lalamaxat lauo' le'ecpi, qaq cam shecteua'a nam nalamaxat nhuo' le'ecpi nacheca qome ca anac, lỹateuo ca lalamaxat llalaqpi, qaq cam shecteua'a nam maiche nalamaxat ñalaqpi, nacheca qome ca anac, lỹateuo ñi 'oonolec nam ỹalleppi.

Apocalipsis 13:8

Qaq se'eso shiguiỹac leguemaxaic, na shiỹaxauapi maye huetalec ana 'alhua ỹataqta ỹo'oxoreetac somaye, nam saishet da nanettalec ca le'enaxat aso lere Ñi Qagueta Llalec maye qaỹalauat co'ollaxa. Asa'aso nere asomaye qaỹo'ot co'ollaq saxanaxa da ỹo'ot ana 'alhua Ñim Lo'onatac 'Enauacna, qaq asomaye nanettalec 'enauac na le'enaxatpi nam chochaq tatec da lca'alaxa.

1 Samuel 7:9

Nache so Samuel ỹaconeua'a sotai' qagueta llalec nache ỹanot Ñim Nataxala' da ỹauo'o lachetaqtaxanaqte ỹavigaxatta, ime nache nachoxonnot Ñim nataxala' da nqouagaxaueelec so Israel le'ecpi, nache Ñim Nataxala' ỹasateguet somaye.