Éxodo 11:4 - La'aqtaqa Ñim Lo'onatac 'Enauacna 2013

⁴ Nache so Moisés 'enapega so faraón, 'eeta': «Ñim Nataxala' 'eeta' da la'aqtac, qom laiñi na pe, nache aỹem sequeuolec 'enauac na Egipto.

Éxodo 11:4 Iomraidhean Croise

2 Samuel 5:24

Nache qom 'aua'axaỹa ca l-lamaxa ayem qo'oipaqpi, da 'eeta'am da qanayectalec na pa'asheguem, huaña qome nache 'auloquiaxan yemayepi, cha'aye nachaỹem qome da sa'auta'ague da 'ata'ague da yaqto' selaxachigui ye alleppi filisteopi.

Da na'aqtaguec so Job 34:20

Na shiỹaxauapi huo'o da nque'elaxatta da huaigui ye pe da ileu, qataq huo'o da maiche taỹa't, nache imeuo, qaq na 'añaxaicpi qalaq qaỹamaqauec saishet da qairolec da yo'oqchigui na'añaxac.

Salmos 60:10

Cha'aye ¿saisheto' da saq nache 'Am Atamnaxala' da qomi' sa 'auoonegueta, qataq saishet da 'annaictague' na qanalleppi?

Salmos 81:5

Qataq nachera da lapaxañi naỹamaxataxac, co'ollaq naỹamaxate' so José, co'ollaq ca'ai ye 'alhua Egipto. Qaq aỹem sa'aqchigui so nvilỹaxac maye sa saỹaaneguet, 'eeta':

Éxodo 12:12

Qaq que'eca pe nache Aỹem ñanaguelec 'enauac na Egipto. Nache salauat 'enauac na la'auaxanec llalec na Egipto le'ecpi, nataqa'en nam la'auaxanec llalec na na'atetpi. Qataq sauo'o da nhuaxanaguec 'enauac na l-latacpi na Egipto le'ecpi. Aỹem Nataxala', 'era da ỹa'aqtac.

Éxodo 12:23

Yaqto' Ñim Nataxala' qom anac da ỹalauat na Egipto le'ecpi, nache da ilalec ca ntago'q naua laso'omi, nache napactalec que'eca nỹec. Qaq saishet da ỹasheetem da inoxoneuo ca nleuaxa naua qarma'achilli'.

Éxodo 12:29

Qaq co'ollaq mashe laiñi so pe, nache Ñim Nataxala' ỹalauat 'enauac so la'auaxanec llalec so Egipto le'ecpi, nataqa'en so la'auaxanec llalec so faraón maye taỹa'a da nta'a, qataq so la'auaxanec llalec so ncoñeteguishecpi, nataqa'en so la'auaxanec llalec so shiguiỹacpi.

Isaías 42:13

Ñim Nataxala' qom inoxonec nache 'eeta'am ca alaataxaic, qaq qom deloqui nache 'eroigui da layeloxo 'eeta'am ca alaataxaic, qataq nlamaxaren qataq ỹa'alaqtalec da nalaataxac, nache nauec qome na npa'aguenaxauapi.

Amós 4:10

Qataq qami' ñamaxalo da qanhuaxanaguiiqui maye 'eeta'am so ñamaxa co'ollaxa ye Egipto, qataq serolec na ỹeelonec da qaỹalauat so nsoxoppi nache qaiuotaxanec so lalo caipi, qataq qauaviquiitañi ñaqa'en na laita so leuaxaicpi. Qalaq ñaqaiyeta saishet da aỹem qañe'eguelaqaỹa. Qaq 'era da la'aqtac Ñim Nataxala'.

Amós 5:17

Qataq 'enauac qome na uva lma'pi da huo'o da noinaxac, qom ñanac da sauo'o ca qauaxanaguiiqui.» Qaq 'era da la'aqtac Ñim Nataxala'.

Miqueas 2:13

Qaq Ñim Lo'onatac 'Enauacna ỹo'otegue qome ca llec, qaq namayepi nache ca'atteueegue qome Ñimaye, nache tachiviigui naqa'en ca lasom ca huaqta'a't nỹecpi. Qaq ñim nta'a maye Nataxala', hua'auta'ague qome da taỹa'ague namayepi.

Mateo 25:6

Qaq co'ollaq mashe laiñi so pe, nache qaỹa'axaỹa so nỹaxanaxac, 'eeta': «¡Mashe nvi' na auonaxaua, ña qampa'aiuec, qauqachiỹa'aguet!»