Éxodo 11:2 - La'aqtaqa Ñim Lo'onatac 'Enauacna 2013

² Qalaxaye nagui qonapega na Israel le'ecpi nam ỹalleppi qataq na 'alpi, da iỹaxanot na lauoreuapi ỹalleppi huo'otaq na 'alpi da iỹaxanaique na nogoxoshet maye chegaqaigui na lcat plata qataq oro.»

Éxodo 11:2 Iomraidhean Croise

Génesis 24:53

Qaq ime, nache nqatsheguem so ỹotta'a't nogoxoshetpi, plata, oro, qataq aso npotopi, nache ỹanem aso Rebeca. Qaq nataqa'en ỹauo'o so nme, so lqaỹa qataq aso late'e asomaye.

Génesis 31:9

Qaq 'era da 'eetec Ñim Lo'onatac 'Enauacna da deuotaxanec na na'atetpi ñimaye, nache aỹem ỹanem.

Salmos 105:37

Ñim Lo'onatac 'Enauacna nqatec co'ollaxa so lalamaxat nhuo' le'ecpi, lỹatec naqa'en so qalota oro qataq plata, nache qaica ca nqanaxattac somayepi.

Salmos 24:1

Ñim Nataxala' lalamaqte 'enauac ana 'alhua, qataq 'enauac nam huetalec anamaye, qataq nam netalecpi anamaye.

Éxodo 3:21

Qaq aỹem qome nataqa'en sanem yi'iye ỹalamaxatpi, da yaqto' ye Egipto le'ecpi ỹataqta ichoxoren yemayepi, yaqto' qami' qom ivita da qoqui, qalaq saishet da qui'itchiguilo naua qarhuaxayilli'.

Éxodo 3:22

Nache añi 'oonole 'alo iỹaxanot aca lauoreua, huo'otaq aca camachaqca 'alo da huo'otaq netaña ca lma', iỹaxanaique ca no'on nogoxoshetpi maye chegaqaigui na lcat plata qataq oro, nataqa'en nam qanapogoñapi, npotopi, nam ishet da napogoña qanqa'eñi na qaỹa'alquipi, qaq ỹataqta qanhuoyeeta qome 'enauac yem Egipto le'ecpi.»

Éxodo 32:24

Nache aỹem shenapec da ỹa'aqtac: «Da huo'o ca hueto'ot ca lcat oro, nache no'on da iỹotauga.» Nache namayepi aỹem ỹanem so lcat oro, nache sasaxangui so norec, qaq nache chegaqaigui se'eso ne'enaqtac huaca llalec.

Éxodo 35:22

Nache 'enauac co'ollaxa so ỹalleppi qataq so 'alpi, som nanomta da ỹataqta lquiyaqteỹaxac da ỹaneuo aso chiguishaqte, nshete, nhuaxashec, nqola, qataq 'enauac som laỹe nogoxoshetpi maye chegaqaigui na lcat oro. Nache ñi 'oonolec somayepi, 'enauac da ndouo so maiche chegoqchigui da lachetaqtaxanaxat da ỹanot Ñim Nataxala'.

Proverbios 13:22

Ca ỹale no'on da lataxac qalaq no'onaxata'aguet na laualpi na lalamaxatpi, qaq da lsallaxa ca 'etaxaloxoic qalaq talec ca no'on da lataxac.

Hageo 2:8

«Aỹem ỹalamaxat na lcat plata qataq na oro.

Mateo 20:15

Cha'aye aỹem maiche soiqueetac ana aỹom cam sataxaateuga. ¿Ta'ainco' ye aỹem 'anquiỹatega souaxat da aỹem choxonnataxanaxaic?»