Éxodo 10:9 - La'aqtaqa Ñim Lo'onatac 'Enauacna 2013

⁹ Nache so Moisés, 'enapeco': «Qomye qarỹatac na ñaqpiolec qataq na qarqueroxonecpi, qoyalaqpi, qoyalpi, qataq ana qarelo qaguetapi, huacapi, cha'aye ỹataqta lta'araic da qayo'oxonnataxanaxac da sho'oxorenaq Ñim Nataxala'.»

Éxodo 10:9 Iomraidhean Croise

Génesis 50:8

Qataq nataqa'en nnaicapegue' so maiche lalamaxat llalaqpi so Jacob qataq so José qataq soua lqaỹa't. Qaq ndotec co'ollaxa so ñaqpiolec qataq so 'atetpi da qano'onaxatalec ye 'alhua Gosén.

Éxodo 10:10

Qalaxaye so faraón 'enapegalo' soomaye, 'eeta': «Ỹataqta yo'oqtec da qauem dam qoñiitapeguec. ¿Qataq qaupi'itaxañiitega peta'a da qami' hueta'agueta qome Ñim Nataxala'? ¿Qalqo' qaupi'itaxañiitega da qami' sasheetrec, nataqa'en na qaỹa'alquipi?

Éxodo 10:26

Nataqa'en sachoq qome 'enauac ana qarelopi. Saishet da no'onañi ca 'oonolec shiguiỹac, cha'aye namayepi huo'o qome ca saconaxaua'a, da yaqto' sho'oxorenaq Ñim Nataxala'. Qaq ỹoqo'oye nagui da saxanaxa da sevitaxa ca ñeqo'onaqtega, qaq saxanaxa da saỹaanaq ca seuenaq da yaqto' sho'oxorenaq Ñim Nataxala'.»

Éxodo 12:32

Qauache nataqa'en ana qareloi qaguetapi qataq ana huacapi maye qauquiquiitegueua'a. Nache qoqui da yaqto' qanqouagaxauñiỹot Ñim Lo'onatac 'Enauacna da aỹem qanqouagaxauñiilec».

Éxodo 12:37

Nache so Israel le'ecpi ca'ai ye Ramesés, tateuga ye Sucot. Somayepi huac da ivi' saiscientos mil ỹalleppi, ndotec so mashe ishet da taigui na huataxanaq, qaq saishet da qanaloqneuo so 'alpi qataq so ñaqpiolec.

Éxodo 12:38

Nache somayepi ỹataqta qalota so lỹatec ỹotta'a't shiỹaxauapi. Nataqa'en ỹataqta qalota aso qaguetapi qataq aso huacapi.

Éxodo 13:6

Qaq ivi' qome naua siete na'axa'te da qollequiitac aca nauole 'ayiiña maye sa qaỹauo'o ana lalecte maye ỹasheeraxachigui. Qaq ca pa'atec na'a'q que'ecaua na'axa'te, nache qauo'oche ca qayo'oxonnataxanaxaqui da qavio'oxoyiñi Ñim Nataxala'.

Éxodo 3:18

Qaq cam nqueroxonecpi ỹataqta 'am ỹalaxaguet qome. Nache 'am, 'annaicapegue' qome da 'anqo'oneua'a ñim nta'a maye ilotague' ye netaña ye Egipto da qonapega, qoneta': «Ñim Nataxala' maye Natamnaxala' na hebreopi, Ñimaye qomi' nỹaxanalo. Qaq ỹoqo'oye no'on da qomi' 'aua'aqta'alo da ñeqo'onaxa ye toolec 'alhua, qaq yemaye ivi' caua tres na'axa'te nache sevitaxa, da yaqto' savigaxataq aca qarachetaqtaxanaqte da sanaqot Ñim Lo'onatac 'Enauacna maye Nataxala'.

Éxodo 5:1

Qaq co'ollaq ime de'era, nache so Moisés qataq so Aarón, nqo'ooreua'a da detaxairapegue' so faraón, nache 'ena'apo': «Ñim Nataxala' maye Natamnaxala' na Israel le'ecpi, da la'aqtac 'eeta': ‹'Aua'aqta'a qome na ỹalamaxatpi da taỹa ye toolec 'alhua, da yaqto' ỹo'ot ca llo'oxonnataxanaxac da aỹem ỹo'oxoren.›»

Éxodo 5:3

Nache soomaye 'ena'apo': «Ñim Lo'onatac 'Enauacna maye Natamnaxala' na hebreopi, anac da qomi' itaua'n. Qaq ỹoqo'oye qomi' ñeqo'onaxa ye toolec 'alhua, qaq yemaye ivi' caua tres na'axa'te da qarqueuoxoc, qaq da sevitaxa nache savigaxataq aca qarachetaqtaxanaqte da sanqot Ñimaye, cha'aye da sa so'otaq damaye, nache saiueno'o' da qomi' iuaxaneque na nalolaxasat da qomi' ỹalaua't, huo'otaq souaqaigui ca alaataxac.»

Proverbios 3:9

Huo'o naq 'enec 'anqa'en Ñim Nataxala' maye chegoqo'ot da 'arsallaxa, qataq 'aỹa'anem ca la'auaxanec ala ca 'añiguishecpi,

Eclesiastés 12:1

Qaq 'auennata'a Ñim 'am Lo'onatac nagui da ñaq 'am nsoqolec, qataq nagui da ñaq saxanaxa da nvildeuo caua na'axa'te maye huo'o da lqalai'c, qataq caua vi'iye maye huaiguilo qome da qonapec, «ỹataqta qaica ca ỹamaicỹaxac naua vi'iye maye sootaiguilo.»

Números 29:12

Qaq ca na'a'q quince que'eca ca'agoxoic siete, nache qami' qauo'oche qome ca ỹo'oxoraq qaraponaxaqui. Qaq que'eca na'a'q qaica qome ca qauo'oche na no'onatacpi. Nache siete na'axa'te da qauo'ocheetac que'eca ỹo'oxoraq naponaxac da qavio'oxoreñi Ñim Nataxala'.

Efesios 6:4

Qaq qami' maye mashe huo'o na qaỹa'alqui, saishet qome da qaunogoqchichi namayepi. Nachaqrata da qauapaxagueñi, qataq qaỹa'añim dam napaxaguenataxanaxac maye quetague' nam ỹa'amaqteetac So Qarataxala'.

Josué 24:15

Qalaxaye da sa qavio'oxoreñi Ñim Nataxala', qaq no'on da qalca'aiua'a nagui cam qavio'oxoreñi: da nachena nam atamnaxala'pi maye natameetacot co'ollaxa so hua'au qarta'ailpi co'ollaq ñaq neta'atague da le'ego so tala Éufrates, huo'otaq na natamnaxala'pi na amorreopi, maye lma' co'ollaxa ne'ena na'alhua. Qalaxaye aỹem qataq na ỹalamaxatpi, so'onataxanaqot qome Ñim Nataxala'.»