Éxodo 10:7 - La'aqtaqa Ñim Lo'onatac 'Enauacna 2013

⁷ Nache so ltauapi so faraón, 'enapeco': «¿Chaq laguio', qaq ỹaxaañi da qomi' sa ỹalemaxa't se'esoua ỹale't? No'on taxa da 'aua'aqta'a da jec yi'iye shiỹaxauapi, da yaqto' natamnot cam Lataxala' maye Natamnaxala'. ¡Peta'a saisheto' da 'auanoma da mashe nlatañi na Egipto!»

Éxodo 10:7 Iomraidhean Croise

Salmos 107:34

qataq na no'on 'alhua nañigui naqa'en da toue lma', souaxat na qauem maye ỹo'ottac nam netalec ne'ena 'alhua.

Éxodo 12:33

Nache so Egipto le'ecpi ỹataqta iỹalaqchet so Israel le'ecpi da sanaỹaloxon da ca'ai naqa'en yi'iye 'alhua, cha'aye tatapigui lauel da 'enauac nmichiguiñi da ileu.

Éxodo 23:33

Qataq saishet da huo'o ca qano'onaxachiỹañi yemayepi da netalec yi'iye 'alhua, ten qom nataqa'en qami' qanatamñiỹot na natamnaxala'pi, nache huo'o ca qarasouaxashechi, nache ivira'a da deqat da qanachaalataxaqui».

Éxodo 7:5

Qaq qom mashe ime da sachaxana da ỹa'añaxac na Egipto, qataq qom mashe ñeqateeguesop namaye na Israel le'ecpi, huaña, nache na Egipto le'ecpi ỹaỹaten da aỹem maye Nachaỹem Nataxala'.»

Éxodo 8:19

Nache so 'oiquiaxaipi 'enapega so faraón, 'eeta': «Nacheñi Ñim Lo'onatac 'Enauacna ñim ỹo'ottac 'enauac de'era.» Qalaxaye so faraón ñaqaiyeta ỹataqta qaramchigui da lquiyaqteỹaxac, qaq saishet da ỹoqocha'a de'era. Qaq ipacchigui dam 'enapec co'olloxocheye Ñim Nataxala'.

Proverbios 29:6

Ca qauemaic qalaq que'emaxama naua maiche lqoinaxanaxaco, qaq ca ỹale no'on da lataxac qalaq nda'a't da machiguiñi.

Eclesiastés 7:26

Qataq huo'o da selalec maye ỹataqta huo'o da lqui'ic, damaye ỹataqta napacalec da nleuaxa, qaq 'eeta': aca 'alo da do'ogoxona da lquiyaqteỹaxac da lapaxañi aca lqoina, qataq naua lhuaxaye da nsoxouo ca loxonec. Qaq cam ỹalaxaguet Ñim Lo'onatac 'Enauacna nache saishet da loxonec acamaye, qalaxaye cam 'etaxaloxoic nache ishet da taigui ca laleguec acamaye.

Isaías 14:20

Nache saishet da qoneta'am na laỹepi nta'alpi qom 'am qailareñi, cha'aye 'anlaxaañi co'ollaxa na 'ana'alhua qataq 'aualauat som shiỹaxauapi maye 'arhuo' le'ecpi, qaq huaña qome nache qaica ca ỹe'eguelaxa da iuennatega nam chegoxoguetpi nam qauemaicpi.

Isaías 51:9

Ñaq 'anlouec, ñaq 'anlouec, 'am lhuaq Ñim Nataxala', ñaq 'auauo'o da 'ara'añaxac. Ñaq 'anlouec 'eeta'am 'anqa'en som hua'au, som na'a'q maye mashe qaỹoqtegue. 'Am 'aucolaxattac co'ollaxa so Rajab som shiguiỹac maye 'etaxat le'ec,

Jeremías 48:4

Ye Moab ỹataqta nlachiguiñi, da na'alaxac qalaq ivira'a ye Sóar souaxat da qui'ic.

Jeremías 51:8

Qalaxaye ye Babilonia nque'elaxatta da huañi, nache ỹataqta dolachigui. ¡Qanỹeñiilec qome yemaye! ¡Qandoiua'a qome ca lata' da lque'emaxa, shapegueto' ishet da nataren.

Sofonías 1:18

Que'eca na'a'q maye huaigui ca layeloxo Ñim Nataxala', nache na shiỹaxauapi saishet qome da deca'alligui ana alom plata, huo'otaq ana oro, cha'aye na le'eraxa da lalemataic Ñim Nataxala' ỹavigaxatta qome 'enauac ne'ena 'alhua. ¡Nache nque'elaxatta qome da 'enauac na netalec ana 'alhua qailaxachigui!

1 Corintios 7:35

De'era ỹa'aqtac maye qami' sanema, damaye maiche qanaỹamaxataxaqui, qaq saishet da 'eeta'am da qami' secoñerai'salo. Nachaqrata da sauotaique da qaica ca qana'aqtaguiqui sa ỹaỹamaxañi, qataq yaqto' qaica ca qami' nqanaxa't da qoquiitague' So Qarataxala'.

Josué 23:13

nache Ñim Nataxala' maye Qanatamnaxala'ai saishet da qauauañiichigui naqa'en qome da ỹo'orauec ne'ena shiỹaxauapi, nacherata da do'onataxana qome namayepi da 'eeta'am ca naleguec, qataq aca nqoina da yaqto' qami' noxonqa, qataq 'eeta'am ca nhuaxanaxanaxat da qaỹalasheelec na qarlaqai, qataq 'eeta'am aca ỹaxat da taiguilo naua qara'ai'chilli', nache ivitta'a da ỹataqta qaica ca no'onañi da qoñiita da hueta'a ne'ena no'on 'alhua maye qami' ỹanema Ñim Nataxala' maye Qanatamnaxala'.

1 Samuel 18:21

cha'aye so Saúl nache lhuennataxa co'ollaxa da ỹanem so David aso llale, da yaqto' asomaye ỹaneguet somaye da lhuaqỹaxac so filisteopi. Huaña nache so Saúl qaltaq 'enapego' so David, 'eeta': Nagui maye ishet qome da 'am ỹaronaxanec.

1 Samuel 5:11

Qaq cha'aye 'enauac se'eso huaqta'a't nỹecpi lagoigui da ileetapeguem da lli'iỹaxa, souaxat da sansatta nhuaxanaguec maye namaxa Ñim Lo'onatac 'Enauacna, nache damaxasoxona 'enauac so nataxala'pi filisteopi, nache 'enapego', 'eeta': «Qavi'iguelaxachiỹa qome cam chegoqchiguiña co'ollaxa añi laỹe' da naỹamaxataxac Ñim Natamnaxala' ye Israel le'ecpi, yaqto' saishet da qomi' nmatchiyiñi da qomi' ỹalaua't.»