Éxodo 10:6 - La'aqtaqa Ñim Lo'onatac 'Enauacna 2013

⁶ Ỹataqta nlaqchigui qome na 'arma' lta'araic qataq na lma'pi na 'artauapi qataq 'enauac na lma'pi na Egipto le'ecpi. Damaye ỹataqta sa ỹauanapega so hua'au 'arta'alpi, qataq so 'arapiyelpi se'eso na'a'q co'ollaq ñaq huo'o, choche ivitta'a nagui.» Qaq co'ollaq ime da ltaxaỹaxac so Moisés, nache ncolliiñi, nache ca'ai so lma' lta'araic so faraón.

Éxodo 10:6 Iomraidhean Croise

Éxodo 10:11

Cha'aye saishet qome da nache 'eetec de'era. Qami' ỹepi qandoitec qome da qoqui, da yaqto' qanatamñiỹot cam Nataxala', cha'aye nachera dam qoñiitapeguec.» Nache so faraón damaxasoxooleguete da qaỹo'oldauec soomaye.

Éxodo 11:6

Nache imauec qome na Egipto huo'o ca na'alaxac. Damaye ỹataqta sa qaỹauanapega qataq sa lỹa qome da qaltaq qanauane'. Qaq 'era da la'aqtac Ñim Nataxala'.

Éxodo 11:8

Huaña qome, nache aỹem naỹa 'enauac ne'ena 'artauapi, nache ỹa'alyiñi naua l-llecte da aỹem iỹaxanot, 'eeta': Qoqui qome, 'am qataq 'enauac nam shiỹaxauapi maye 'am quetague', huaña qome nache ishet da ashec.» Nache ỹataqta dalemata so Moisés co'ollaq ca'ai so faraón.

Éxodo 8:21

Cha'aye qom saishet da 'auashen da jec namayepi, nache aỹem 'am ñamaxa qome aca ncoga qataq 'enauac na 'artauapi, qataq nam 'arhuo' le'ecpi nataqa'en na 'arma'pi. Qaq ỹataqta nlaqchiguilo qome naua lma'ate na Egipto le'ecpi aca ncoga, ivira'alo naua lapiaqa'ate.

Éxodo 8:3

Nache so tala ỹataqta demalle ñaqa'en qome aca miỹo. Ime, qaq chegoqchiguingui qome somaye aca miỹo da taigui ñi 'arma' lta'araic qataq yem 'aro'ochaqa' qataq nam lma'pi na 'artauapi qataq 'enauac nam 'arhuo' le'ecpi qataq ana nqatelaxanaxaquipi qataq ye ndaqnaxanaqa' da qaỹo'ot ana nauole 'ayiiña.

Éxodo 9:18

Qaq ỹoqo'oye qonte' 'eeta'am nagui, nache ñanacot aca qalota lache maye saishet da ỹauanapega da talec 'enauac na Egipto soua hua'au' vi'iye.

Éxodo 9:24

Nache naañi aso lache ỹataqta qaica ca loga't, ỹalecteguet so nqashelgaxa. Qaq 'enauac da chegoqta'ague ye Egipto, co'ollaq cheta'ague da no'otchiguiñi, ỹataqta sa ỹauanapega da nache 'eetec da huo'otaq naañi aca qalota lache.

Joel 2:2

nam na'a'q maye huaigui na napalaxa, qataq ỹataqta napalñi, nam na'a'q maye sansatchiguiñi na lo'oc na piguem qataq na sansatchiguiñi napo. 'Eeta'am na le'eraxa na na'a'q da mashe yaqta'a yo'oxoñi da imattalec da icoỹarelec ana qasoxonaxapi, qaq nache 'eetec da anac ne'ena qalota qataq 'añaxaicpi shiỹaxauapi. Qaq ỹataqta saỹauanapega da qaỹauaachigui ca 'eeta'am namayepi, qataq saishet qome da qaltaq ỹe'eguelaxalec da qaỹauaachigui cam 'eeta'am namayepi.

Joel 2:9

Nache inoxotaua'a na huaqta'a't nỹecpi, qataq nqalgoqta quetalec na lpaqtaxat namayepi, qataq quisheguemec na nỹecpi, nache 'eeta'am ca cachaxaic da tatoigui na nalloxoquipi da inoxotauo.

Hebreos 11:27

So Moisés huo'o da lpi'iỹaxac Ñim Lo'onatac 'Enauacna, ỹoqo'oye ca'ai ye 'alhua Egipto, saishet da ñe'etega so lta'a nam netaña yemaye. Qataq saishet da nañan, qataq somaye 'eeta'am da iloto'ot Ñim Lo'onatac 'Enauacna maye saqcha'a co'ollaq ỹo'ot de'era.