Éxodo 10:3 - La'aqtaqa Ñim Lo'onatac 'Enauacna 2013

³ Nache so Moisés qataq so Aarón, nqo'ooreua'a so faraón nache 'enapegalo', 'eeta': «Ñim Nataxala' maye Natamnaxala' na hebreopi da la'aqtac, 'eeta': ¿Chaq lagui qaq 'am ishet da 'aỹa'axaañi da 'anapagaqaanaxac? 'Aua'aqta'a qome da jec na ỹalamaxatpi, da yaqto' Aỹem natamnot.

Éxodo 10:3 Iomraidhean Croise

1 Reyes 18:21

Nache so Elías nqo'oneua'a se'eso nhuo' le'ecpi, nache 'eeta': ¿Chaq lagui da qaỹa'axañiiñi da qoquiitegueto ne'enaua dos qarhuennataxacolli'? Cha'aye Ñim Nataxala', da nacheñi Ñim ỹoqta 'eesa Atamnaxala', qalaq nacheñi qome Ñim qoquiigue, qaq da nacheso so Baal, qalaq nacheso qoquiigue qome. Nache se'eso nhuo' le'ecpi ỹataqta qaica ca detaqa.

1 Reyes 21:29

«¿Peta'a 'auauaachigui ñi Ajab, da huo'o da ntogotaxac da Aỹem datato'ot? Qaq souaxat da huo'o da ntogotaxac ñimaye, nache Aỹem, saishet qome da ñamaxa ca nhuaxanaguec na llalaqpi, nagui da ña nca'altauec ñimaye, maye nacherata da talec ñaqa'en qome ca nhuaxanaguec cam llalec ñimaye.»

2 Reyes 22:19

nache ỹataqta huo'o da 'antogotaxac, qataq da 'anmanaxac da 'ana'axaỹaxana nam sa'axata'a da talec ne'ena 'alhua, qataq nam netalecpi namaye, da taỹa'a da ñelaxaañi qataq talec da qauem ỹa'aqtac, qaq souaxat da 'ancolaxata'aisalo naua 'ogo, qataq da aỹem 'anỹeeto'ot, qaq Aỹem, nataqa'en 'am sa'aqchigui. 'Era da ỹa'aqtac, aỹem Nataxala'.

2 Crónicas 33:12

Qalaxaye somaye co'ollaq huo'o da lhuogoxo, nache iỹaxanot Ñim Nataxala' maye Natamnaxala', nache ỹataqta nmanot Ñim Natamnaxala' som hua'au lta'alpi.

2 Crónicas 33:19

Da natamnaxac qataq co'ollaq qaỹasateguet, qataq 'enauac nam lasouaxashetpi, qataq da sa ỹalaq qataq nam huañapi da no'oxoosheguem so atamnaqa'pi maye naña so qaỹoqotcheguemapi, qataq som ỹanaña co'ollaxa so lqui'ipi aso Asera, qataq som nqolacpi co'ollaq saxanaxa da nmanot Ñim Lo'onatac 'Enauacna, nache nanettalec aso nere maye huetalec da na'aqtaguec som na'aqtaxanaxanecpi.

2 Crónicas 34:27

qataq souaxat da huo'o da 'arhuogoxo, qataq Aỹem 'anañanot co'ollaq 'aua'axaỹa dam sa'axattac maye talec qome ne'ena nma', qataq nam shiỹaxauapi maye hueta'a namaye, qataq souaxat da Aỹem 'anmanot co'ollaq 'ancolaxata'aisalo soua 'ogo, qataq Aỹem 'anỹeeto'ot, qaq Aỹem nataqa'en 'am sa'axaỹa co'ollaxa. Qaq Aỹem Nataxala' 'era da ỹa'aqtac.

2 Crónicas 7:14

qaq da huo'otaq nman na ỹalamaxat nhuo' le'ecpi maye iỹaxaatega da ỹe'enaxat, qataq da natamen, qataq aỹem nmitaique, qataq da ỹaxanec da qauem lataxac, nache aỹem sa'axaỹa qome da soota'a na piguem, nache sapalaxat na lasouaxashetpi, qataq ñataren na na'alhua namayepi.

Da na'aqtaguec so Job 42:6

Qaq ỹoqo'oye nagui sha'axaneguet da itaxaỹaxac, souaxat na ỹa'aqtacpi co'ollaxa, nache ñeso'ongui qome na namoxoỹaxa, qataq semeelec na ỹaqaic na alo, cha'aye huo'o da ñetogotaxac.»

Éxodo 10:4

Cha'aye qom ñaq queta da 'anqanaxattac da yaqto' saishet da jec namayepi, nache qonte', qaq aỹem ñamaxalec aca shiiquioxoipi na 'ana'alhua.

Éxodo 16:28

Nache Ñim Nataxala' 'enapego' so Moisés, 'eeta': «¿Chaq laguio', qaq qami' qaỹa'axañiiñi da sa qaualaqailec na ỹamaxasoxonaxacpi qataq na ỹapaxaguenataxanaxacpi?

Éxodo 4:23

Qaq ỹoqo'oye mashe sogote da 'am sheetega da 'aua'aqta'a da jec na ỹalec da yaqto' aỹem nqo'ona da aỹem natamnot, qalaxaye ye 'am saishet da 'auashenec, qaq nagui aỹem salauat ñi la'auaxanec 'aỹa'alec».

Éxodo 5:1

Qaq co'ollaq ime de'era, nache so Moisés qataq so Aarón, nqo'ooreua'a da detaxairapegue' so faraón, nache 'ena'apo': «Ñim Nataxala' maye Natamnaxala' na Israel le'ecpi, da la'aqtac 'eeta': ‹'Aua'aqta'a qome na ỹalamaxatpi da taỹa ye toolec 'alhua, da yaqto' ỹo'ot ca llo'oxonnataxanaxac da aỹem ỹo'oxoren.›»

Éxodo 9:17

Qalaq ñaqaiyeta 'am ña 'anqanaxattac na ỹalamaxatpi, qataq saishet da 'auashen da jec.

Proverbios 1:22

«Qami' nsoxoppi maye qami' 'enaqaicpi, 'enaxanaxaicpi maye qaica ca qauaỹaañiỹa'a, ¿Che laguio' qaq qaỹa'axañiiñi da qoquiitalec da qaica ca qauaỹaañiỹapec? Qataq ¿che laguio' da qaỹa'axañiiñi da qoquiitalec da qare'enaxanaxaqui, qataq ỹataqta qauo'otañi da naỹaanec?

Proverbios 1:24

Aỹem qami' seỹaxaategalo naxa, qataq qami' sheetegalo da aỹem qauanaiua'a, qalaxaye qami' saishet da aỹem qaualaqaiguet.

Proverbios 18:12

Da ime da 'amqaanaxac nache anac da saqaipaigui ca qaỹo'ot, qataq da ime da qaica ca na'amaqchec nache nca'attalec da qaica ca qaiueetac.

Isaías 1:5

Qami' ỹataqta qanañañeeguet da qami' yeloxoiqa, na qaro'oqui qalaq mashe qaica ca ishet da qaiuaxaachiguiña. Naua qarqaigolle' qalaq mashe dolate', nache mashe imauec da qaica ca qara'añaxaqui.

Isaías 2:11

Nam na'amqaanaxaicpi qalaq nloguiñi qome, qataq nam napagaqaanaxaicpi qaica ca 'enec. Cha'aye nacheñita Ñim Nataxala' da qaỹo'oxoren qome que'eca na'a'q,

Jeremías 13:10

Ne'ena nhuo' le'ecpi qauemaicpi, maye saishet da ỹalaxaguet nam ỹamaxasoxonaxacpi, qataq quetagueto naua qauema lhuennataxaco da lquiyaqteỹaxac. Namayepi quegue na ỹaqa'a atamnaxala'pi da do'onataxanot, qataq ỹo'oxoreetac. Nache 'eeta'am som saataxaqui maye saishet da qaltaq ỹe'eguelaxa da qaiuen.

Jeremías 13:18

«Qonapega qome ñi nta'a qataq añi nate'e, qoneta': ‹Qaunocheeguesop añi so'onaxaqui, nache qanso'oñiỹa'aguet na 'alhua, cha'aye ana aro'o maye ỹo'oxoreetac na 'arqaic mashe naañi.›

Jeremías 50:29

¡Ñaq qauỹaxañiỹa 'enauac na checna lo'opi, da yaqto' iloquiaxan ye Babilonia! ¡Qanauañi' naua loiguiye ye huaqta'a't nỹecpi, yaqto' qaica ca ishet da datauec! ¡Qausheechiñiiguet dam ỹo'ot co'ollaxa yemaye! ¡Qauo'ochec yemaye da ipacchigui qanqa'eñi dam ỹo'ot co'ollaxa! Cha'aye yemaye ỹataqta Aỹem sairen co'ollaxa, Aỹem Nataxala' maye Qui'itta Natamnaxala' na Israel le'ecpi.

Ezequiel 5:6

Qalaxaye namaye sa ỹalaxaguet co'ollaxa na iqataxacpi qataq na ỹamaxasoxonaxacpi, nache da lle'etaxaloxo ỹataqta napacalec na nhuo' le'ecpi qataq na ỹotta'a't shiỹaxauapi maye lauoreuapi namayepi, cha'aye saishet da ỹalaxaguet na iqataxacpi qataq saishet da quegue na ỹamaxasoxonaxacpi.

Daniel 5:22

Qaq nagui 'am nta'a Belsasar, maye 'am llalec so Nabucodonosor, qataq 'auaỹaten dam huaigui co'ollaxa somaye, qalaq ñaqaiyeta saishet da 'auauo'o ca 'anmanaxac.

Números 14:27

«¿Chaq laguio' da ime da lleueeta'agueta naua qauema ltaxaỹaxaco ne'ena qauem shiỹaxauapi? Cha'aye Aỹem mashe ña'axaỹaxaategalo naua ỹataqta qauema ltaxaỹaxaco da Aỹem quetapeguelec ne'ena Israel le'ecpi.

Romanos 2:4

Ñim Lo'onatac 'Enauacna ỹataqta soxoraic qataq ỹataqta lta'araic da lhualaxavic qataq ishet da lhueneguet 'enauac nam qauempi maye qauo'ocheetac. Qalaxaye saishet qome da qaupicheetega da nam qauo'ocheetacpi qaica ca naigui. Ñim Lo'onatac 'Enauacna ỹataqta huotaxanaqtaqaic, qaq ỹoqo'oye huotaique da ntouen ñi 'oonolec da qoñiita, nache qaỹa'axañiiñi na qauem.

Hebreos 12:25

Qaq ỹoqo'oye maxatchaxa da qoñiita, saishet da huo'o ca sa iqocha'a Ñim Lo'onatac 'Enauacna da qami' detaxaỹoto. Saishet da sa qauacoñiiguet, cha'aye som hua'au Israel le'ecpi maye sa iqocha'a co'ollaxa Ñimaye qalaq saishet da ỹet so lta'araic nhuaxanaguec. Se'eso na'a'q co'ollaq Ñim Lo'onatac 'Enauacna detaqtacot somayepi, qalaq so lvilỹaxac ỹacholaxan ana 'alhua. Qaq qomi' da sa saconaxaguet Ñim Lo'onatac 'Enauacna maye qomi' iỹaxanalo so lvilỹaxac maye chegoqtot na piguem, nache nataqa'en saishet da qomi' ỹe't ca lta'araic qanhuaxanaguec. Cha'aye nagui da la'aqtac Ñimaye 'eeta': «Qaltaq she'eguelaxalec da sacholaxan ana 'alhua, qalaxaye saishet da ndotec anamaye nataqa'en na piguem.»

Santiago 4:10

Saishet da qana'amaqchiñi da qauataito'ot Ñim Nataxala', qaq Ñimaye ỹauo'o ca qansheetenaguiiqui.

1 Pedro 5:6

Qaq ỹoqo'oye saishet qome da qana'amaqchiñi, qataq qauacoñiiguet da lamaxasoxonaxac Ñim Lo'onatac 'Enauacna, cha'aye Ñimaye ỹataqta 'añaxaic. Qaq qom ivita ca laloqo', nache Ñimaye qami' ỹo'oteque da qoñiỹa'am na laỹepi shiỹaxauapi maye 'amaqtaqaicpi.