Éxodo 10:1 - La'aqtaqa Ñim Lo'onatac 'Enauacna 2013

¹ Nache Ñim Nataxala' 'enapega so Moisés, 'eeta': «'Anqo'oneua'a qome ñi faraón, cha'aye aỹem so'otec ñimaye qataq na ltauapi da ỹataqta qaramchigui, yaqto' sachaxana namayepi da lta'araic ỹo'oxoyec maye ishet da so'ot,

Éxodo 10:1 Iomraidhean Croise

Salmos 7:11

Ñim Lo'onatac 'Enauacna, nacheñi Ñim nalochiguiñi da lataxac da huo'o ca nmit, Ñimaye 'enauaque naua na'axa'te da sa ihuooneguet na qauemaicpi.

Éxodo 10:20

Qalaxaye Ñim Nataxala', ỹo'otec so faraón da qaltaq qaramchigui naqa'en añi lquiyaqte da saishet da ỹashenec so Israel le'ecpi.

Éxodo 3:20

Qaq ỹoqo'oye aỹem sachaxana qome da ỹa'añaxac, salaatec qome da nleuaxa ye Egipto le'ecpi qataq 'enauac nam ishet da de'elaqtaxan. Qaq qom ime, nache ñi faraón ishet da qami' ỹasheetrec.

Éxodo 4:21

Ime, nache Ñim Nataxala' 'enapega so Moisés, 'eeta': «Qom 'avita ye Egipto, nache ỹataqta 'aulotelco' 'enauac nam 'am samaxalec maye ỹo'ot ca na'aalaxa, qataq ỹauaachigui 'anqa'en ñi faraón da na'añaxac maye 'am sanem. Qaq aỹem, sanem qome ñimaye da ỹataqta qaramchigui añi lquiyaqte da yaqto' saishet da lhuotta da ỹasheetec ye Israel le'ecpi.

Éxodo 7:4

Qaq ñi faraón saishet qome da qami' ỹoqocha'alo, qalaxaye aỹem sachaxana qome da ỹa'añaxac na Egipto, qataq serolec da lta'araic iuaxanaxanaxac, nache ñeqateeguesop namaye nam ñalleppi, qataq nam ỹalamaxatpi maye llalaqpi so Israel.

Éxodo 9:12

Qalaxaye Ñim Nataxala' ỹo'otec da ỹataqta qaramchigui naqa'en añi lquiyaqte so faraón, da yaqto' saishet da ỹoqocha'a so Moisés qataq so Aarón. Qaq ipacchigui dam la'aqtac co'olloxoche 'eetega so Moisés.

Éxodo 9:16

Qalaxaye aỹem 'am ñeca'alaxattauec, da yaqto' 'auauaachigui da ỹa'añaxac, qataq aỹem ỹauatton 'enauac na huetalec ana 'alhua.

Éxodo 9:27

Nache so faraón damaxasoxoneuga so Moisés qataq so Aarón, nache 'enapegalo', 'eeta': «Aỹem ñauattootela't da huo'o da ỹasouaxashet. Qaq damaye maiche ỹasouaxashet qataq na ihuo' le'ecpi, qaq saishet da nacheñi Ñim Nataxala'.

Juan 12:40

Ñim Lo'onatac 'Enauacna ỹo'otec naqa'en namayepi da sanauaañi qataq ỹataqta qaramchiguilo naqa'en naua lquiyaqtel, yaqto' namayepi saishet da nauaayiñi naua yo'oqchiguilo la'ai'te, qataq qaica ca ỹaỹaten da lquiyaqteỹaxac, qataq da saishet da Aỹem ñe'eguelaxa, da yaqto' ñataren.

Romanos 9:17

Ana nere maye huetalec na la'aqtacpi Ñim Lo'onatac 'Enauacna maye setaxaỹaxanaqtac nanettalec co'ollaq Ñimaye, 'enapega so nta'a maye ilotague' ye Egipto, 'eeta': «'Am sanagui da 'am nta'a, cha'aye sauotaique da sachaxan da ỹa'añaxac sachegoqchigui 'enauac nam 'am so'otec yaqto' 'enauac na shiỹaxauapi ana 'alhua aỹem ỹauatton.»

Romanos 9:18

Qaq 'era da 'eetec Ñim Lo'onatac 'Enauacna da maiche ỹoiqueetac cam huotaique da ỹo'ot. Ñimaye nqouaguec cam taalec da nqouaguec qataq qaramchigui naqa'en añi lquiyaqte cam taalec da qaramchigui naqa'en.

Josué 11:20

Cha'aye Ñim Nataxala' ỹo'otec da ỹataqta qaramchigui da lquiyaqteỹaxac so mpa'aguenaxauapi so Israel le'ecpi da yaqto' somayepi dataỹa'aguet so Israel le'ecpi, yaqto' so Israel le'ecpi ỹataqta ilaxachigui 'enauac somayepi qataq saishet da ichoxoreetac da ỹo'orauec, qaq nache ipacchigui da lamaxasoxonaxac Ñim Nataxala' maye ỹamaxalec co'ollaxa so Moisés.

1 Samuel 4:8

¡Choxoraiqolqa qomi'! ¿Negue'tom ca ishet da qomi' nca'alaxateeguesopa da lhuaqỹaxac Ñim Lo'onatac 'Enauacna maye ỹataqta 'añaxaic? ¡Ñimaye nacheñi ñi ilaxachigui co'ollaxa so egipciopi co'ollaq hualec ye toolec 'alhua, irolec so ỹotta'a't nalolaxapi.