Éxodo 1:21 - La'aqtaqa Ñim Lo'onatac 'Enauacna 2013

²¹ qataq nache ỹanema da ỹataqta qalota na llale'c, cha'aye soomaye huo'o da lcolanaqa'.

Éxodo 1:21 Iomraidhean Croise

1 Reyes 11:38

Qaq qom ỹataqta 'aualaxaguet 'enauac na 'am samaxalecpi, qataq da qoquetegue da ỹecỹaxac, qataq 'auo'ot nam saỹamaxareetapi, qataq 'aupacchigui na iqataxacpi, qataq na ỹamaxasoxonaxacpi, da 'eeta'am da 'eetec co'ollaxa so ỹamaxashec David, nache Aỹem, 'am soota'aguet qome, nache saishet da seraxanai' da lo'onataxanaxac da nta'a que'eca 'aỹa'alaqpi, 'eeta'am co'ollaxa da sheetec so David, nache 'am sami' qome da 'aulo'ogue na Israel le'ecpi.

1 Samuel 2:35

Qalaxaye aỹem sauo'o qome ca 'oonolec ntaxaỹaxanaxanec maye npe'et, cam ỹataqta ỹo'ot qome ca sheetapeguec, qataq ipacchigui da ỹo'ot ca samaxalecpi, qataq sanem da huo'o ca llalaqpi, qataq qaỹoqtec ñaqa'en da nachaalataxac da do'onataxaatacot ca nta'a maye lleca'aguishec.

Salmos 37:3

Ỹataqta 'aupi'iỹa'a Ñim Nataxala' qataq 'auo'ot ca ỹaỹamaqchiguiñi, yaqto' nache qonetai' da qonetalec ana 'alhua qataq qoquetegue Ñimaye.

Eclesiastés 8:12

Qaq cam 'etaxaloxoic ishet da cien da ỹe'eguelaxalec da ỹo'ot ca qauem, qataq ỹataqta qaỹoqtrec naua vi'iye da nachaalataxac, qalaxaye nataqa'en saỹaten da 'onaxaic da taỹa'ague cam huo'o naq 'enec naqa'en Ñim Lo'onatac 'Enauacna qataq ỹalaxaguet Ñimaye.

1 Reyes 2:24

Qaq nache huetoigui ne'ena na'a'q da ileu so Adonías, cha'aye ỹataqta nca'altauec Ñim Nataxala', maye aỹem talec naqa'en da lo'onataxanaxac so ita'a David, qaq nache ipacchigui qome dam ỹan la'aqtac Ñimaye, da nataqa'en ỹanem qome de'era no'onataxanaxac cam ỹalaqpi!»

1 Samuel 25:28

Qataq 'am ñachoxonnot da choche 'auchoxoren qome ana'ana 'aramaxashe da huo'o ca ỹasouaxat. Qaq ỹoqta 'eesa ñaqa'en da Ñim Nataxala' 'am ỹanem qome, qataq ca 'aỹa'alaqpi da ilo'ogue na Israel le'ecpi, cha'aye nachaqrata naxa da 'am ỹamaq Ñim Nataxala' nache 'auloqui. Qaq ỹoqo'oye 'enauaque qome naua na'axa'te da 'anachaalataxac da saishet da talec ca qauem.

Salmos 127:1

Ñim Nataxala' da sa no'oxoosheguem ca nỹec, nache qaica ca naigui da lo'onataxanaxac cam no'oxooteguisheguem camaye, Ñim Nataxala' da saishet da npaxattalec ca huaqta'a't nỹecpi, nache qaica ca naigui da sa do'oche cam nauaatalec camaye.

Jeremías 35:2

«'Anqo'ona qome ye lma' na recabitapi, nache 'autaxaỹapegue' qome yemayepi. Ime, nache 'auauegueua'a ca 'oonolec na ndaqa'pi añi atamnaxaqui, nache 'aỹa'anem ca lataxa da yaqto' nỹomgui.»

Proverbios 24:3

Cha'aye da qano'oxoosheguem ca nỹec qalaq qairolec da naỹaanec, qataq da qalapaxañi ca lo'oxonaxala', qalaq qairolec da nauattonaxanaxac,

Salmos 127:3

Nam qoyalaqpi, namayepi qomi' ỹaatema Ñim Nataxala', da alaỹaxac da qarco'oxoc damaye nachera da qanqouagaxa.

Éxodo 1:17

Qalaxaye aso Sifra, qataq aso Púa, ỹataqta huo'o da lcolanaqa' Ñim Lo'onatac 'Enauacna, ỹoqo'oye saishet da ỹo'o't da lamaxasoxonaxac so nta'a maye ilotague' ye Egipto. Nachaqrata da nca'altauec naqa'en da ñiguiñi na ỹale.

Salmos 112:1

¡Qaỹo'oxoren qome Ñim Nataxala'! Ỹataqta machiguiñi ca shiỹaxaua maye huo'o naq 'enec naqa'en Ñim Nataxala', qataq ỹauoteque naua lamaxasoxonaxaco Ñimaye.