Éxodo 1:16 - La'aqtaqa Ñim Lo'onatac 'Enauacna 2013

¹⁶ «Da ivita da qanvigoqoiñi ana hebreo lashepi da deco'o, nache qaumichiñiita cam ñiguiñi llalec da ỹale, nache qaualauache, qaq da 'alo, nache qauauaqaita'a da nca'altauec.»

Éxodo 1:16 Iomraidhean Croise

Salmos 105:25

ỹoqo'oye na Egipto le'ecpi nquiỹa se'eso nhuo' le'ecpi maye lalamaxatpi Ñimaye, nache ỹataqta dataỹa'aguet se'eso lamaxashecpi Ñimaye.

Éxodo 1:15

Qaq yi'iye 'alhua Egipto nataqa'en huo'oi soua dos 'alo hebreo lashe maye itauaatrac naxa ana Israel lashepi da ivita da deco'o nache nvigoqtrapiguiñi, qaq da le'enaxat aso 'oonole Sifra qaq aso lỹa Púa. Qaq so nta'a iỹaxanalo co'ollaxa nache 'enapegalo', 'eeta':

Éxodo 1:22

Qaq so faraón, nache 'enapego' 'enauac so lauo' le'ecpi, 'eeta': «'Enauac na ñiguiñi nogotolec maye llalec na hebreo le'ecpi qauasaqaiñigui qome ye tala, qaq ana nogotole, nache qauauaqaita'a qome da nache nca'altauec.»

Mateo 21:38

Qalaxaye co'ollaq qaila'aguet se'eso llalec, nache so 'onataxanaxaicpi detaxaỹapega't, 'eeta': «'Ena cha'aguet nam talec qome da lsallaxa so lalamaxat ne'ena nanaxanaqa'. Namaye salauataq yaqto' qomi' taleguete qome na nma'.»

Hechos 7:19

Qaq se'eso nta'a ỹataqta nquiỹa na Israel le'ecpi, nache ỹatenachet. Nataqa'en, sa icherapec da 'enapega namayepi da ỹalat na ñaqpiolec maye cheta'ague da ñiguiñi da yaqto' ileu.

Hebreos 11:23

Soua lta'al so Moisés huo'o da lpi'iỹaxa'c Ñim Lo'onatac 'Enauacna, ỹoqo'oye co'ollaq ñiguiñi somaye, nache ivi't tres ca'agoxoiqa da ỹoxottrapiguiñi. Qaq so nta'a maye ilotague' na netaña ye Egipto, damaxasoxoolec co'ollaxa da qaỹalauat 'enauac na ñaqpiolec maye ỹalleppiolec nam Israel le'ecpi. Qalaxaye soua lta'al so Moisés ilora'a da ỹataqta 'onaxaic somaye, nache saishet da ñe'etrega so nta'a, cha'aye huo'o da lpi'iỹaxa'c Ñim Lo'onatac 'Enauacna.

Apocalipsis 12:4

Qaq so la'araxashet somaye ira'a da ỹanataxaalec ana 'alhua, som 'oonolec lpa'axac ana huaqaañipi maye neto'ot na piguem. Qaq se'eso shiguiỹac leguemaxaic, somaye nachatto'ot asa'aso 'alo maye huotaique da deco'o, da huotaique da chec so llalec da choche ñiguiñi.