Éxodo 1:1 - La'aqtaqa Ñim Lo'onatac 'Enauacna 2013

¹ Qaq 'ena na le'enaxatpi so llalaqpi so Israel, maye da lỹa le'enaxat Jacob, som lỹateuo co'ollaq ivireua'a ye Egipto, qataq ñi 'oonolec somayepi nache ỹataqtac som maiche lalamaxat llalaqpi:

Éxodo 1:1 Iomraidhean Croise

Génesis 29:31

Qaq Ñim Nataxala' co'ollaq ila'a da so Jacob saishet da ỹauotec aso Lea, nache Ñimaye ỹo'ot da asomaye huo'oi soua llalqa, qaq aso Raquel qalaq ỹanem da saishet da deco'o.

Génesis 35:18

Qalaxaye asomaye mashe huotaique da ileu, qaq soua pa'atrec la'a'che, nache ishet da ỹanagui da le'enaxat Benoní se'eso nogotolec. Qalaxaye so lta'a Jacob, ỹanagui co'ollaxa da le'enaxat Benjamín.

Génesis 46:27

Qaq so José qalaq dos soua llalqa maye lañoqo't co'ollaxa ye Egipto. Qaq da ima'a't som llalaqpi so Jacob, som ivireua'a co'ollaxa ye Egipto qalaq ivi' setenta shiỹaxauapi.

Éxodo 1:2

Rubén, Simeón, Leví, Judá,

Éxodo 28:10

Qaq seis na qoỹerelec ca 'oonolec coma' qataq seis ca qoỹerelec ca lỹa coma' na le'enaxatpi namayepi, qalaxaye qailoteguet ye lañoxoqui ñi 'oonolec.

Ezequiel 48:1

Qaq 'ana ana lmalate naua le'enaqa'ate soua chegoxogueta so Israel: So Dan huo'o qome ca taỹot chegoqchiguiña da pa'aỹa'ague da nala' lliguisheguem, nache ivira'a ye pa'aỹa'ague da nala' lliguiñi, qataq chegoqchiguiña ye sheu' nache quetelec ye Jetlón, nache taỹa'a ye Hamat, qataq ye Jasar Enán, maye pa'aỹa'ague da taguiñi ye 'alhua ye Damasco qataq ye Hamat.