Ester 9:2 - La'aqtaqa Ñim Lo'onatac 'Enauacna 2013

² Qaq 'enauac so 'alhuapi maye ilotague' so nta'a Asuero, so judiopi laỹona't da hua'a so maiche lalamaxat huaqta'a't nỹecpi maye ỹotta'a't naua nañalo, da yaqto' iloquiaxan som huotaique da ỹo'otec namayepi ca qauem. Qaq qaica co'ollaxa ca ishet da dataỹa'aguet somayepi, cha'aye 'enauac so shiỹaxauapi da ỹataqta nlaxagui da lli'iỹaxa.

Toba del Oeste

² Yemeda jogaa'me 'nachaqa'te jo'ne ua'ñalo ga'me lejaliaĝa ñe'me Asuero, gaa'me judiopi yauote lojaĝa'j qama'le yataqata nejauaĝa't joca'li qaedi gamachaqaega jo'ne 'uo ga'me jetaque ya'uo joga'me 'yeteque ja yaqanatet. Qalaĝaja yataqata qayaua jo'ne dajoya'agueta gaa'me, qa'a male yataqata qot'oiyalo jogaa'me.

Ester 9:2 Iomraidhean Croise

Génesis 35:5

Qaq co'ollaq jec somayepi, nache Ñim Lo'onatac 'Enauacna, ỹo'otec da lta'araic lcolanaxa 'enauac se'eso lauoreuapi somayepi. Qaq ỹoqo'oye qaica ca ishet da icaalec som llalaqpi so Jacob.

Ester 8:11

Qaq asomaye nache huetalec da la'aqtac so nta'a da ỹamaxalec so judiopi, da laỹona't maicheye cam hueta'a som huaqta'a't nỹecpi maye ỹotta'a't naua nañalo, da yaqto' npaxaalec da maiche nachaalataxac, qataq ỹalauat, ilaxachigui, nmichiguiñi naqa'en, qataq deuotaxanec nam logoxoshetpi cam shiỹaxauapi maye na'atchiguiñi na lo'ogoxonaxatpi, maye hueta'a ca camachaqca nam 'alhuapi da iloquiaxan somayepi, qataq saishet da huo'o ca naigui naqa'en na 'alpi qataq na ñaqpiolec.

Ester 8:17

Qaq 'enauac som 'alhuapi, qataq so huaqta'a't nỹecpi maye ivira'a se'eso lamaxasoxonaxac so nta'a, nache so judiopi ỹataqta nlaqchigui da ntonaxac, qataq da lamaicỹaxac, nache ỹo'ot so lquia'axac qataq la'ashaxac. Qaq nataqa'en som shiỹaxauapi maye hueta'a se'eso 'alhua, qalota co'ollaxa som nañigui da judío, cha'aye souaxat da lli'iỹaxa.

Ester 9:10

soomaye nachesoua soua diez llalqa so Amán, som ipa'agueetac co'ollaxa so judiopi, qalaxaye saishet da huo'o ca qoỹena'ac som lalamaxat logoxoshetpi.

Salmos 71:13

Ñaq na'aloxoota'acra' 'anqa'en na aỹem ipa'agueetac, ña 'auauo'o qome da na'aloxonaxac na huotaique da aỹem ỹo'otec ca qauem.

Salmos 71:24

Qataq 'enauac ye na'a'q da sa'axattac, da ỹataqta nalochiguiñi 'arataxac, cha'aye na nmittaique da aỹem ỹo'otec ca qauem, ỹataqta nsomaxana't qataq huo'o da la'aloxo.

Éxodo 23:27

Qaq Aỹem sa'auaxaata qome da ncolanaxa, qataq da nqui'ic na shiỹaxauapi, da qami' hua'aqta'agueta da ivita da huo'o ca qaua'axasoxoñiitelec ca na'alhua, qataq Aỹem so'otec da maiche datauec ca qami' ipa'agueeta'ape.

Isaías 8:9

Qalapoñiỹa't qami' ỹotta'a't shiỹaxauapi, maye qami' nlaqchiguilo da qarcolanaqai, qana'axaỹaxañiỹa qome de'era qami' maye qauachegoqỹa'a na qaỹoqta 'alhuapi: na'aictaxa da qauacoñiỹa ca qaro'ogoxonaxache qalaxaye nache 'ena'am qami' qaiquichoqche't qome, aja', na'aictaxa da qauacoñiỹa ca qaro'ogoxonaxache qalaxaye nache 'ena'am qami' qaicolanaqche't qome.

Deuteronómio 2:30

Qalaxaye so nta'a Sijón saishet co'ollaxa da qomi' ỹashenema da sa'axasoxonaxalec ye na'alhua, cha'aye Ñim Nataxala' maye Qanatamnaxala' nache 'ena'ac da qaramchigui naqa'en da lquiyaqteỹaxac, da yaqto' seloquiaxai' qataq qoroxonec, qaq nache ivitta'a nagui.

Josué 11:20

Cha'aye Ñim Nataxala' ỹo'otec da ỹataqta qaramchigui da lquiyaqteỹaxac so mpa'aguenaxauapi so Israel le'ecpi da yaqto' somayepi dataỹa'aguet so Israel le'ecpi, yaqto' so Israel le'ecpi ỹataqta ilaxachigui 'enauac somayepi qataq saishet da ichoxoreetac da ỹo'orauec, qaq nache ipacchigui da lamaxasoxonaxac Ñim Nataxala' maye ỹamaxalec co'ollaxa so Moisés.

Josué 2:9

«Aỹem saỹaten da Ñim Nataxala' qami' ỹanema ne'ena 'alhua, ỹoqo'oye Ñimaye ỹataqta qomi' ỹo'oteque da lta'araic qarcolanaxa, cha'aye 'enauac na netaña ne'ena, ỹataqta ilem da lcolanaxa souaxat da qoñiita.