Ester 9:1 - La'aqtaqa Ñim Lo'onatac 'Enauacna 2013

¹ Qaq so na'a'q trece, som ca'agoxoic doce, maye le'enaxat Adar, nacheso so qoỹecchiguiña da ipacchigui qanqa'en so lamaxasoxonaxac so nta'a, qaq nacheso nataqa'en som na'a'q maye som mpa'aguenaxauapi so judiopi, iuatta'aguet da yaqto' loxonec somayepi, qalaxaye damaye saipaigui cha'aye so judiopi loxonec co'ollaxa se'eso mpa'aguenaxauapi.

Toba del Oeste

¹ Yovita ga'me nolo' jo'ne trece, auoĝoic jo'ne Adar, jo'ne te'me ua'a da'me qoya'uo joga'me lamajoĝonaĝac joñe'me Asuero, qaedi gaa'me judiopi male qoyala't, qalaĝaja joga'me 'uo ma'te ja naq'aeta, qa'a jo'me jojo' nolo' gaa'me judiopi yataqata domataĝa'n, noma't gaa'me laute'upi.

Ester 9:1 Iomraidhean Croise

2 Samuel 22:41

qataq datauec 'anqa'en na namayepi. Nache ishet da ñematchiguiñi 'anqa'en na aỹem nquiỹatega.

Ester 3:13

qaq ime nache qaỹamaq, huapegue' qanqa'en som na'axaỹaxac lo'opi, da qaỹamaxa 'enauac so 'alhuapi maye ilotague' so nta'a. Qaq asomaye huetalec da namaxasoxonaxac da huaigui qanqa'en ca 'oonolec na'a'q da qaỹalauat 'enauac so judiopi, nsoxoppiolec, ỹa'axaiquipi, ñaqpiolec qataq 'alpi, nache qaỹacona 'enauac so lalamaxatpi somayepi. Qaq som na'a'q maye qoỹecchigui, nacheso so na'a'q trece so ca'agoxoic doce, som ca'agoxoic maye le'enaxat Adar.

Ester 3:7

Qaq so la'auaxanec ca'agoxoic se'eso vi'i, som ca'agoxoic maye le'enaxat Nisán, co'ollaq mashe doce vi'iye da lo'onataxanaxac so Asuero, nache qaỹauo'o so alletaxac ỹauaachigui qanqa'en so Amán, da yaqto' ishet da qaỹaỹaten ca na'a'q qataq ca ca'agoxoic maye huetoigui qanqa'en som lapaxañi somaye, nache se'eso alletaxac taalec so na'a'q trece so ca'agoxoic doce, som ca'agoxoic maye le'enaxat Adar.

Ester 8:12

Qaq 'enauac de'era, iuen da 'oonolec na'a'q qanqa'en ca huaigui da qaỹo'ot, 'enauac na 'alhuapi maye ilotague' so nta'a Asuero. Qaq so na'a'q maye qoỹecchigui nacheso so na'a'q trece, som ca'agoxoic doce, som ca'agoxoic maye le'enaxat Adar.

Ester 8:6

Cha'aye ¿ca 'eeteco' da ishet da ñala'aguet dam qauem maye huotaique da talec na ihuo' le'ecpi, qataq da qanmatchiguiñi nam ỹalamaxat iqaỹañecpi?

Ester 9:17

Qaq de'era huetoigui co'ollaxa so na'a'q trece so ca'agoxoic Adar, qaq so na'a'q catorce se'eso ca'agoxoic nache nmatec, qaq nache ỹo'ot da laloxoqui naqa'en se'eso na'a'q so lquia'axac, qataq da lamaicỹaxac.

Salmos 18:40

qataq dataueeguesop 'anqa'en aỹem na ñepa'aguenaxauapi. Ỹoqo'oye ishet da ñelaxaañi na aỹem nquiỹatapega.

Salmos 30:11

Cha'aye da ñenoinaxac nmeneguet 'anqa'en da ỹasotaxac, qataq 'anqa't soua ỹasouaxaqui' aỹogo nache aỹem 'aỹa'anguilo soua no'o'n aỹogo.

Hechos 12:11

Huaña, nache so Pedro cheta'ague da ỹoqta ỹa'amaqten de'era. Nache 'enapeco': –Nagui saỹaten da qache ỹoqta 'eesa de'era, da Ñim Nataxala' namaq so lamaxashec da aỹem nca'alaxateeguesop ñi Herodes qataq 'enauac dam nshetaique da aỹem ỹo'otec nam judiopi.

Deuteronómio 32:36

Ñim Nataxala' deloclec qome na lalamaxat nhuo' le'ecpi, da ila'a da mashe qaica ca la'añaxac, nache Ñim Nataxala' choche ichoxoren qome ne'ena lamaxashecpi, qom ila'a da mashe imeuo, cam huo'o da la'añaxac.

Apocalipsis 11:18

Qaq nam ỹotta'a't shiỹaxauapi maye saq 'am ỹa'amaqten, ỹataqta dalemata, qalaxaye mashe ivita na na'a'q da 'am 'auauo'o ca nhuaxanaguec 'enauac namayepi 'arolec da lta'araic 'arayeloxo. Qataq da 'anmit 'enauac nam mashe ileu, qataq 'auauo'o ca nsheetenaguec nam 'ara'aqtaxanaxanecpi, qataq na 'aro'onataxanaxanecpi, qataq 'enauac na 'aralamaxatpi, qataq nataqa'en nam huo'o naq 'enec naqa'en 'am; na'aictaxa da huo'otaq 'amaqtaqaicpi huo'otaq qaica ca la'amaqchec; namayepi 'am 'auauo'o ca nsheetenaguec.»